ءتۇيىندى تەكشەلەردە زاڭعا، بەلگىلەمەگە قايشى ءبىر ميلليون 30 مىڭنان استام ينفورماتسيا اداقتالدى 

حالىق گازەتىنىڭ ءتىلشىسى جين شين 2 – ايدىڭ 13 – كۇنى بەيجيڭنەن حابارلايدى. ءتىلشىنىڭ ۇعىسۋىنشا، ”پاكتەندىرۋ . 2025 – جىلعى كوكتەم مەرەكەسى كەزىندەگى ينتەرنەت ورتاسىن جونگە سالۋ» ارناۋلى ارەكەتى باستالعاننان بەرى، ينتەرنەت ينفورماتسياسى تاراۋلارى جەدەل ورنالاستىرۋ جاساپ، تياناقتاندىرۋدى مىقتى يگەرىپ، ءبىر – بىرلەپ تەكسەرىپ ءبىر جاقتى ەتۋدى كۇشەيتىپ، رەتتەۋ – تۇزەتۋگە قۋزاۋشىلىق ەتىپ، ءتۇيىندى توراپتار مەن تەكشەلەردىڭ نەگىزگى تۇلعالىق جاۋاپكەرشىلىگىن شىنايى اتقارۋىنا قۋزاۋشىلىق ەتىلگەن. ۇشقارىلىقپەن قايشىلىق تۋدىرۋ، جالعان ينفورماتسيا جاساۋ، پاسىق، ناشار سالت - سانانى دارىپتەۋ، ناشار مادەنيەتتى دارىپتەۋ، زاڭعا قايشى قيمىلدار ارقىلى الارماندى باۋراۋ، تۇتىنۋشىلاردىڭ ۇقىق - مۇددەسىنە زيان جەتكىزۋ قاتارلى 6 ءتۇرلى ماسەلەگە باعىتتاي وتىرىپ، زاڭعا، بەلگىلەمەگە قايشى ءبىر توپ تيپتىك دەلولاردى قاتاڭ تەكسەرىپ ءبىر جايلى ەتىپ، وڭاۋ قىزمەتىندە تىڭعىلىقتى ونىمدىلىككە قول جەتكىزۋگە كەپىلدىك ەتىپ، كوكتەم مەرەكەسى مەزگىلىندەگى تاماشا ينتەرنەت ورتاسىن جاراتۋعا پارمەندى كەپىلدىك ەتتى. قازىرگە دەيىن ميكروبلوگ، دوۋين، كۋايشوۋ، تىڭشۇن، شياۋحۇڭشۋ، بايدۋ، جىحۋ، دوۋبان، بيليبيلي قاتارلى ءتۇيىندى تەكشەلەردە زاڭعا، بەلگىلەمەگە قايشى ءبىر ميلليون 30 مىڭنان استام ينفورماتسيا اداقتالىپ، 97 مىڭ تىركەلگى ءبىر جاقتى ەتىلدى.

ورتالىقتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنىڭ قاتىستى جاۋاپتىسى مىنانى ءبىلدىردى: ارناۋلى ارەكەت ورىستەتىلگەننەن بەرى، بارشا ينتەرنەتتەن پايدالانۋشىلار ءتۇرلى ارنالار ارقىلى جونگە سالۋ قىزمەتىن قولدايتىنىن ءبىلدىردى، سونداي ـ اق، كوپتەگەن باعىتتامالى ۇسىنىس ـ پىكىرلەردى ورتاعا قويدى. كەلەسى قادامدا، ينتەرنەت ينفورماتسياسى تاراۋلارى حالىق بۇقاراسى كوڭىل ءبولىپ وتىرعان ماسەلەلەردى تىعىز توڭىرەكتەي وتىرىپ، 2025 – جىلعى ”پاكتەندىرۋ“ جەلىلەس ارناۋلى ارەكەتىن ۇزدىكسىز ىشكەرىلەي ورىستەتىپ، ينتەرنەت ەكولوگياسىنا ىقپال جاسايتىن تىركەلگىلەردى، تەكشەلەردى جانە MCN قۇرىلىمدارىن كۇش سالا تەكسەرىپ ءبىر جاقتى ەتىپ، تيپتىك دەلولاردى ءبىر جاقتى ەتۋ جاعدايىن دەر كەزىندە جاريالاپ، اقاۋسىز، وركەنيەتتى، بەلسەندى، العاباسار ينتەرنەت ورتاسىن شىنايى قالىپتاستىرادى.

كەلۋ قاينارى: حالىق تورابى