2025 – جىلعى مەملەكەتتىك اسكەرلىككە قابىلداۋ قىزمەتى جونىندەگى تەلەۆيزور – تەلەفون ءماجىلىسى بەيجيڭدە اشىلدى 

شينحۋا اگەنتتىگىنىڭ 1 ـ ايدىڭ 15 ـ كۇنى بەيجيڭنەن بەرگەن حابارى. 2025 ـ جىلعى مەملەكەتتىك اسكەرلىككە الۋ قىزمەتى جونىندەگى تەلەۆيزور ـ تەلەفون ءماجىلىسى 1 ـ ايدىڭ 15 ـ كۇنى بەيجيڭدە اشىلدى، بيىلعى ەكى رەتكى اسكەرلىككە الۋ قىزمەتى جونىندە ورنالاستىرۋ جاسالدى. ۇعىسۋعا قاراعاندا، الدىڭعى جارتى جىلدا اسكەرلىككە الۋ قىزمەتى 2 – ايدىڭ 15 – كۇنى باستالىپ 3 – ايدىڭ 31 - كۇنى اياقتايدى؛ سوڭعى جارتى جىلدا اسكەر الۋ قىزمەتى 8 – ايدىڭ 15 – كۇنى باستالىپ، 9 – ايدىڭ 30 – كۇنى اياقتايدى. اسكەرلىككە قابىلداۋ وبيەكتىسى ستۋدەنتتەردى نەگىز ەتىپ، ءار دارەجەلى، ءار ءتۇرلى مەكتەپتەردەن وقۋ تاۋىسقان وقۋشىلاردى جيناۋدى كورنەكتىلەندىردى. قىزداردان اسكەرلىككە قابىلداۋدا جاي ورتا مەكتەپتەردەن وقۋ بىتىرەتىن وقۋشىلار، جاي جوعارى مەكتەپتەردىڭ تولىق كۇندىك وقىتۋى بويىنشا وقۋ بىتىرەتىن وقۋشىلار جانە مەكتەپتەگى وقۋشىلارىن قابىلدايدى، 2024 - جىلى جاي جوعارى مەكتەپتەردىڭ تولىق كۇندىك تولىق كۋرس، ارناۋلى كۋرس بىتىرگەن وقۋشىلارى 2025 - جىلدىڭ العاشقى جارتىسىنداعى قىزداردان اسكەرلىككە قابىلداۋعا تىزىمدەلۋىنە بولادى. اسكەرگە قابىلداۋ جاس شاماسى جاعىندا، جىگىتتەر 2025 - جىلى 18 جاستادان 22 جاسقا دەيىن بولادى، جاي جوعارى مەكتەپتەردىڭ تولىق كۋرس، ارناۋلى كۋرس بىتىرگەن وقۋشىلار، مەكتەپ ءبىتىرۋ شارتىنا ۇيلەسەتىن مەكتەپ ءبىتىرۋ كلاسىنداعى وقۋشىلار 24 جاستا بولسا بولادى، اسپيرانت بىتىرگەن وقۋشىلار مەن ءالى وقىپ جاتقارداردىڭ جاسى 26 جاسقا دەيىن بولادى، ورتالاۋ مەكتەپ بىتىرگەن مادەنيەت ماعلۇماتىنا يە جىگىتتەردىڭ جاسى 20 جاستان اسپاۋى كەرەك؛ قىزداردىڭ جاسى 18 جاستان 22 جاسقا دەيىن بولۋى كەرەك، تولىق كۇندىك اسپيرانت بىتىرگەندەرمەن ءالى وقىپ جاتقانداردىڭ جاسى 26 جاسقا دەيىن بولسا بولادى، الدىڭعى جارىم جىلدا تىزىمدەلەتىندەر 2024 - جىلى جاي جوعارى مەكتەپتەردىڭ تولىق كۇندىك كۋرس، ارناۋلى كۋرس بىتىرگەن وقۋشىلارىنىڭ جاسى 23 جاسقا دەيىن كەڭەيتىلەدى.

ءماجىلىس مىنالاردى اتاپ كورسەتتى: قۇربانداردىڭ، ۇكىمەت قىزمەتى جولىندا قۇربان بولعان اسكەريلەردىڭ، اۋرۋدان قايتىس بولعان اسكەريلەردىڭ پەرزەنتتەرى، اعا – ءىنى، اپەكە ـ سىڭلىلەرى جانە قازىر اسكەرلىك مىندەتتى وتەپ جاتقان اسكەريلەردىڭ پەرزەنتتەرى، قاتەردەن اراشالاۋ، اپاتتان قۇتقارۋ جانە اپات تۋىلعان رايوندى قالپىنا كەلتىرۋ، قايتا قۇرۋ بارىسىندا بەينەسى كورنەكتى بولعان تاڭداۋلى جاستاردىڭ، شارتقا ۇيلەسەتىندەردىڭ الدىمەن قوسىنعا كىرۋىن بەكىتۋ كەرەك. قوس ءتىل بىلەتىن، مادەنيەت ورەسى ءبىرشاما جوعارى، جالپىلىق ساپاسى جاقسى جاستاردى قوسىنعا كوبىرەك قابىلداۋ كەرەك. بايىرعى توڭكەرىستىك رايونداردان ساقا قىزىل ارميا جاۋىنگەرلەرىنىڭ، اسكەردەن بوساعان ساقا اسكەريلەردىڭ ۇرپاقتارىن اسكەرلىككە كوبىرەك قابىلداۋ كەرەك.

ماجىلىستە مىنالار ايقىن بەلگىلەندى: اسكەرلىككە جاسى لايىق كەلەتىن جاستار نوپوسى تۇرعان جەردە اسكەرلىككە تىزىمدەلۋى كەرەك، ۇنەمى تۇراتىن جەرى مەن نوپوسى تۇرعان جەر ءبىر ولكەدە (اۆتونوميالى رايون، توتە قاراستى قالا) بولماسا، ونىڭ ۇستىنە سول جەردە قونىستانۋ كۋالىگىن العانىنا 3 جىلدان اسسا، ونەمى تۇراتىن جەرىندە اسكەرلىككە تىزىمدەۋلنە بولادى. جاي جوعارى مەكتەپتى بىتىرەتىن وقۋشىلار جانە مەكتەپتەگى وقۋشىلار مەكتەپ تۇراتىن ورىندا تىزىمدەلسە بولادى، مەكتەپكە كىرۋدەن بۇرىن ناپوسقا الىنعان ورىندا تىزىمدەلسە دە بولادى، جوعارى مەكتەپكە جاڭا قابىلدانعان وقۋشىلار مەكتەپكە كىرۋدەن بۇرىن ناپوسقا الىنعان ورىندا تىزىمدەلسە دە بولادى. اسكەرلىككە جاسى لايىق كەلەتىن جاستار وزدەرى ”مەملەكەتتىك اسكەرلىككە قابىلداۋ تورابىنا“ (http://www.gfbzb.gov.cn/) شىعىپ، قاتىستى ينفورماتسيالاردى قاز - قالپىندا تولتىرۋى كەرەك.

كەلۋ قاينارى: حالىق تورابى