شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى

شينخۋا اگەنتتىگى، 2 – ايدىڭ 24 – كۇنى، بەيجيڭ. 2 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ ۋادە بويىنشا رەسەيدىڭ زۇڭتۇڭى پۋتينمەن تەلەفوندا سويلەستى.

شي جينپيڭ بىلاي دەپ اتاپ كورسەتتى: جۇڭگونىڭ كوكتەم مەرەكەسى قارساڭىندا مەن زۇڭتۇڭ مىرزامەن بەينە ەكران ارقىلى ديدارلاسىپ، تۇتاس جىلداعى جۇڭگو – رەسەي قارىم - قاتىناسىنىڭ دامۋىنا جوبا جاساپ، جەتەكشىلىك ەتىپ، ءبىر قىدىرۋ كەلەلى حالىقارالىق جانە وڭىرلىك ماسەلەلەر جونىندە سايكەسۋدى كۇشەيتتىك. ەكى ەلدىڭ ءارقايسى تاراۋى ءبىز كەلىسكەن ورتاق تانىم بويىنشا ءار سالاداعى سەلبەستىكتى ورنىقتى ىلگەرىلەتۋدە، بۇل جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەندىگىنىڭ 80 جىلدىعىن جانە دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىن ورىستەتۋدى قامتيدى. تاريح پەن رەالدىق بىزگە جۇڭگو مەن رەسەيدىڭ اجىراماس جاقسى كورشى، تار جول، تايعاق كەشۋلەردى بىرگە وتكەرەتىن، ءبىرىن - ءبىرى قولدايتىن، بىرگە داميتىن ناعىز دوس ەكەنىن ۇعىندىردى. جۇڭگو – رەسەي قارىم - قاتىناسى قۋاتتى ىشكى قوزعاۋشى كۇشكە جانە ەرەكشە ستراتەگيالىق قۇنعا يە، ءۇشىنشى جاققا باعىتتالمايدى، ءارقانداي ءۇشىنشى جاقتىڭ ىقپالىنا دا ۇشىرامايدى. جۇڭگو مەن رەسەيدىڭ دامۋ ستراتەگياسى مەن ديپلوماتيالىق ساياساتىندا ۇزاق بولاشاق كوزدەلەدى. حالىقارالىق اۋمالى - توكپەلى جاعداي مەيلى قانداي بولسا دا، جۇڭگو – رەسەي قارىم - قاتىناسى بايىپتىلىقپەن العا باسىپ، ءوز ەلدەرىنىڭ دامۋىن، كوركەيۋىن جەبەپ، حالىقارالىق قارىم - قاتىناسقا ورنىقتىلىق جانە وڭ ەنەرگيا قوسادى.

پۋتين مىنالاردى ءبىلدىردى: رەسەي جاق جۇڭگومەن قارىم - قاتىناسىنا ايرىقشا ءمان بەرەدى، جۇڭگو جاقپەن جاڭا ءبىر جىلدا جوعارى جىكتەگىلەر بارىس - كەلىسىن ساقتاپ، ناقتى سەلبەستىكتى تەرەڭدەتىپ، دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن جانە جۇڭگو حالقىنىڭ جاپون شاپقىنشىلارىنا قارسى سوعىسى جەڭىسىنىڭ 80 جىلدىعىن بىرگە ەسكە ءتۇسىرۋدى ءۇمىت ەتەدى. جۇڭگومەن قارىم - قاتىناستى دامىتۋ − رەسەيدىڭ ۇزاق بولاشاقتى كوزدەپ جاساعان ستراتەگيالىق تالعامى، استە ۋاقىتتىق شارا ەمەس، ءبىر مەزەتتىك بىرەر ءىستىڭ ىقپالىنا، سىرتقى فاكتورلاردىڭ كەدەرگىسىنە ۇشىرامايدى. قازىرگى جاعدايدا رەسەي مەن جۇڭگونىڭ تىعىز قارىم - قاتىناستى ساقتاۋى ەكى ەلدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارى - قاتىناس رۋحىنا ۇيلەسەدى، سونداي - اق رەسەي مەن جۇڭگونىڭ حالىقارالىق ىستەردە ورنىقتىرۋ رولىن ساۋلەلەندىرۋ جونىندە بەلسەندى اڭىس تاراتادى.

پۋتين رەسەي مەن ا ق ش - تىڭ ەڭ جاڭا جاعدايىن جانە رەسەيدىڭ ۋكراينا داعدارىسى ماسەلەسىندەگى پرينسيپتىك مايدانىن تانىستىرىپ، رەسەيدىڭ رەسەي - ۋكراينا قاقتىعىسىنىڭ قاينارىن جويۋعا كۇش سالىپ، ۇلاسپالى جانە باياندى بەيبىتشىلىك جوباسىنا قول جەتكىزۋگە قۇلشىناتىندىعىن ءبىلدىردى.

شي جينپيڭ بىلاي دەپ باسا دارىپتەدى: ۋكراينا داعدارىسى جالپى بەتتىك ۋشىققان العاشقى مەزگىلدە مەن داعدارىستى شەشۋدەگى ”ءتورت كەرەك“ سياقتى نەگىزگى قۋاتتامالاردى العا قويدىم. بىلتىر 9 - ايدا جۇڭگو برازيليامەن بىرگە قۇلشىنىپ، ءبىر ءبولىم جەر شارىنىڭ وڭتۇستىگى ەلدەرىمەن بىرگە ۋكراينا داعدارىسىنىڭ ”بەيبىتشىلىك دوسى“ گرۋپپاسىن قۇرىپ، داعدارىستى ساياسي جولمەن شەشۋدى ىلگەرىلەتۋگە ورتا جانە شارت - جاعداي ازىرلەدى. جۇڭگو جاق رەسەي مەن قاتىستى جاقتاردىڭ داعدارىستى شەشۋ جولىندا بەلسەندى قۇلشىنىس جاساعانىن قۋانا كورىپ وتىر.

ەكى جاق ءتۇرلى تاسىلدەر ارقىلى قارىم - قاتىناستى، سايكەسۋدى ۇزدىكسىز ماقۇل بولدى.

كەلۋ قاينارى: حالىق تورابى