«باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى تۋرالى جالپى شولۋدىڭ» باسپادان شىعۋى جونىندەگى اڭگىمە ءماجىلىسى بەيجيڭدە اشىلدى

«حالىق گازەتى»، 2 - ايدىڭ 24 - كۇنى، بەيجيڭ (ءتىلشى حى جاۋيۇي). «باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى تۋرالى جالپى شولۋدىڭ» باسپادان شىعۋى جونىندەگى اڭگىمە ءماجىلىسى 2 - ايدىڭ 24 - كۇنى بەيجيڭدە اشىلدى. ماجىلىسكە قاتىناسقان ۋاكىلدەر «جالپى شولۋدىڭ» باستى مازمۇندارىمەن ۇشتاستىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ۇيرەنۋ، دايەكتىلەندىرۋ جونىندەگى تانىمدارى مەن اسەرلەرىن اۋىستىردى.

ءماجىلىس بىلاي دەپ قارادى: «جالپى شولۋ» −− قالىڭ پارتيا مۇشەلەرىنىڭ، كادرلاردىڭ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنۋىندەگى، تۇسىنۋىندەگى بەدەلدى كومەكشى وقۋلىق. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى − لوگيكاسى قاتاڭ، مازمۇنى باي، جۇيەسى جان - جاقتى، مازمۇنى تەرەڭ عىلمي جۇيە، جۇڭگوشالانعان ماركسيزمدىك پارتيا قۇرىلىسى نازاريالىق جۇيەسىنە مۇراگەرلىك ەتىپ جانە ونى دامىتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ”پارتيا قۇرىلىسى تاراۋىن“ قالىپتاستىردى. وسى ماڭىزدى يدەيانىڭ عىلمي جەتەكشىلىگىندە، پارتيامىز 100 جىلدىق ۇلكەن پارتيانىڭ وزىندىك توڭكەرىسىنىڭ جاڭا ءورىسىن ءساتتى اشىپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتىپ، دۇنيە جۇزىندەگى ساياسي پارتيا قۇرىلىسىنا ماڭىزدى ۇلگى ازىرلەدى.

ءماجىلىس بىلاي دەپ اتاپ كورسەتتى: «جالپى شولۋدى» ويداعىداي ۇيرەنۋدى، ويداعىداي پايدالانۋدى وراي ەتىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن اناعۇرلىم تەرەڭ ءتۇسىنىپ، ءدال يگەرىپ، تىڭعىلىقتى تياناقتاندىرىپ، ونىڭ عىلمي جۇيەسىن، نازاريالىق قاسيەتىن جانە امالياتتىق باعدارىن تەرەڭ ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. جۇيەلى زەرتتەۋدى، عىلمي ءتۇسىندىرۋدى ۇزدىكسىز تەرەڭدەتىپ، وسى ماڭىزدى يدەيادا قامتىلعان تەرەڭ قاعيدانى، تەرەڭ عىلمي قيسىندى، تەرەڭ فيلوسوفيالىق قاعيدانى تەرەڭ يگەرۋ كەرەك. وسى ماڭىزدى يدەيامەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، ۇيرەنۋ جەتىستىكتەرىن قىزمەتتىڭ ناقتى ونىمدىلىگىنە اينالدىرىپ، پارتيا قۇرىلىسىن زەرتتەۋدىڭ جوعارى ساپالى دامۋىن ىلگەرىلەتىپ، پارتيا قۇرىلىسىن زەرتتەۋدىڭ جاڭا جەتىستىكتەرى ارقىلى پارتيا قۇرىلىسى مەن ۇيىمداستىرۋ قىزمەتىنىڭ جوعارى ساپالى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋگە پارمەندى ۇيىمدىق كەپىلدىك ازىرلەۋ كەرەك.

اڭگىمە ءماجىلىسىن مەملەكەتتىك پارتيا قۇرىلىسىن زەرتتەۋ قوعامى وتكىزدى، ورتالىق پەن مەملەكەت ورگاندارىنىڭ قاتىستى تاراۋلارى، ءارقايسى ولكە، اۆتونوميالى رايون، توتە قاراستى قالالار جانە شينجياڭ ءوندىرىس - قۇرىلىس بيڭتۋانى پارتيا قۇرىلىسىن زەرتتەۋ قوعامى (عىلمي قوعامى)، ورتالىق باسقاراتىن ءىشىنارا كاسىپورىنداردىڭ، جوعارى مەكتەپتەردىڭ قاتىستى جاۋاپتى جولداستارى، پارتيا تاريحى، پارتيا قۇرىلىسى ماماندارىنىڭ ۋاكىلدەرى اڭگىمە ماجىلىسىنە قاتىناستى.

كەلۋ قاينارى: حالىق تورابى