وقۋ – اعارتۋ مينيسترلىگى مەكتەپتەگى وقۋشىلاردىڭ تاماقتانۋىنا قاتىستى ەڭ جاڭا ورنالاستىرۋ جاسادى 

ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگى كوكتەمگى وقۋ ماۋسىمىندا 2025 – جىلعى ”مەكتەپ اۋلاسىندا تاماقتاندىرۋدى“ باسقارۋ جاعىنداعى ءتۇيىندى مىندەتتەر جونىندە ورنالاستىرۋ جاساعان، ۇدايىلانعان ۇزاق مەرزىمدىك باياندى اتقارىلاتىن مەحانيزم ورناتىپ، ولقىلىقتاردى جاپپاي تەكسەرىپ، ولقىلىقتاردى تولىقتاپ، وقىتۋشى – وقۋشىلاردىڭ مەكتەپتە تاماقتانۋىنىڭ حاۋىپسىزدىگىن قامتاماسىزداندىرادى. وقۋ – اعارتۋ مينيسترلىگىندەگى قاتىستى جاۋاپتى ادامنىڭ ايتۋىنشا، بيىل ”مەكتەپ اۋلاسىندا تاماقتانۋدى“ ارناۋلى جونگە سالۋدى ىشكەرىلەي ورىستەتۋ بارىسىندا، باستىسى مىناداي مىندەتتەر اتقارىلادى:

. ورتا، باستاۋىش مەكتەپتەردەگى نەگىزگى تۇلعالىق جاۋاپكەرشىلىكتى بەكەمدەپ، مەكتەپ باستىقتارىنىڭ ”ءبىرىنشى جاۋاپتى ادام“ ەكەندىگى جونىندەگى تانىمىن ءتۇيىندى تۇردە كۇشەيتۋ؛

. ازىق ـ تۇلىك ماتەريالدارىن ساتىپ الۋ، جەتكىزۋ، ساقتاۋ، مانەرلەۋ، جاساۋ قاتارلى شەشۋشى بۋىندارعا قاداعالاي نازار اۋدارىپ، جۇيەلى، ەگجەي ـ تەگجەيلى باسقارۋدى كۇشەيتىپ، قاراجات باسقارۋ ءتۇزىمىن قاتاڭ اتقارىپ، حاۋىپسىزدىك جاعىندا حاۋىپ ـ قاتەردەن ساقتانۋ جانە ونى تىزگىندەۋ جۇيەسىن اقاۋسىزداندىرۋ؛

. مەكتەپ باقىلاۋشىسىنىڭ باقىلاۋىن كۇشەيتىپ، وقىتۋشى ـ وقۋشىلاردىڭ پىكىرىن اڭىس ەتۋ جانە ارىز ـ شاعىم بەرۋ مەحانيزمىن ىركىلىسسىزدەندىرىپ، ورتا، باستاۋىش مەكتەپتەردىڭ تاماقتاندىرۋ بارىسىن باقىلايتىن اتا ـ انالار كوميسسياسىن جاپپاي قۇرۋىن ىلگەرىلەتىپ، اتا ـ انالاردىڭ باقىلاۋ رولىن كۇشەيتۋ؛

. قامتاماسىزداندىرۋ جۇيەسىنىڭ ءتۇيىنى — تولىق تياناقتاندىرۋدا، مەكتەپ اسحاناسىنا قاجەتتى قارجى مەن قۇرىلعى ـ جابدىقتار جاعىنداعى قوسىلىمدى ۇزدىكسىز ارتتىرىپ، قىزمەتكەرلەردى تاربيەلەۋدى كۇشەيتىپ، مەكتەپتىڭ ازىق ـ تۇلىك حاۋىپسىزدىگىن ينفورماتسيالاندىرۋ قۇرىلىسىن ىلگەرىلەتۋ؛

. شۇعىل جاعدايعا توتەپ بەرۋ جوباسىن كەمەلدەندىرىپ، حاۋىپ ـ قاتەردى يكەمدى اڭعارۋدى كۇشەيتىپ، مەكتەپ اۋلاسىندا ازىق ـ تۇلىك حاۋىپسىزدىگىنە ساياتىن توسىن وقيعا تۋىلعان جاعدايدا، دارەجەسىن جوعارىلاتىپ باسقارۋ، جوعارى ونىمدىلىكپەن ورنىقتى ءبىر جاقتى ەتۋ، قاتىستى ادامداردىڭ جاۋاپكەرشىلىگىن قاتاڭ قۋزاستىرۋ، جاۋاپقا تارتۋ كەرەك.

ۇعىسۋعا قاراعاندا، 2024 – جىلى 5 – ايدان باستاپ، بۇكىل ەلىمىزدەگى ورتا، باستاۋىش مەكتەپتەردىڭ مەكتەپ اۋلاسىنداعى ازىق – تۇلىك حاۋىپسىزدىگى جانە ازىق – تۇلىك قاراجاتىن باسقارۋداعى كورنەكتى ماسەلەلەردى ارناۋلى جونگە سالۋ ورىستەتىلگەننەن بەرى، بۇكىل ەلىمىزدىڭ جەر – جەرى 10 ميلليارد 300 ميلليون يۋان قارجى قوسىپ، مەكتەپ اسحانالارىن جاقسارتقان، ”ينتەرنەت + اشىق اسحاناداعى كورنەكتى ورىنداعى وشاق“ فورماسىنىڭ قامتۋ كولەمى %98.5 كە جەتكەن. ارناۋلى وڭاۋعا قاتىستى ساندى مالىمەتكە قاراعاندا، قازىر بۇكىل ەلىمىز بويىنشا اسحانادا تاماقپەن قامدايتىن ورتا، باستاۋىش مەكتەپتەردىڭ سانى 167 مىڭ 300 بولىپ، جالپى مەكتەپ سانىنىڭ %70.75 ىن ۇستاعان.

كەلۋ قاينارى: حالىق تورابى