ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتگرۋپپالارىنىڭ شۋجيلەرى پارتيا ورتالىق كوميتەتى مەن باس شۋجي شي جينپيڭگە قىزمەتىنەن ەسەپ بەردى

شينحۋا اگەنتتىگى، 2 - ايدىڭ 26 - كۇنى، بەيجيڭ. پارتيا ورتالىق كوميتەتىنىڭ قاتىستى بەلگىلەمەلەرىنە ساي، ورتالىق كوميتەت ساياسي بيۋروسىنىڭ مۇشەلەرى، شۋجيچۋدىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس پارتيا باسشىلىق گرۋپپالارىنىڭ مۇشەلەرى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى پارتگرۋپپالارىنىڭ شۋجيلەرى ءار جىلى پارتيا ورتالىق كوميتەتىنە جانە باس شۋجي شي جينپيڭگە قىزمەتتەن جازباشا ەسەپ بەرەدى. تاياۋدا قاتىستى جولداستار بەلگىلەمە بويىنشا 2024 - جىلعى قىزمەت جونىندە پارتيا ورتالىق كوميتەتىنە جانە باس شۋجي شي جينپيڭگە قىزمەتتەن جازباشا ەسەپ بەردى.

شي جينپيڭ قىزمەتتەن ەسەپ بەرۋ بايانداماسىن مۇقيات تەكسەرىپ وقىدى ءارى ماڭىزدى تالاپتاردى العا قويىپ، بىلاي دەپ باسا دارىپتەدى: بيىل − ”14 - بەسجىلدىق“ جوبا اياقتالاتىن جىل ءارى رەفورمانى اناعۇرلىم جاپپاي تەرەڭدەتۋدەگى ماڭىزدى ءبىر جىل، رەفورما، دامۋ، ورنىقتىلىق مىندەتى وتە اۋىر. جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ كەلەلى باعىت - ساياساتتارىن جانە شەشىمدەرىن، ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداۋدى ىلگەرىلەتىپ، ”15-بەسجىلدىق“ جوسپاردىڭ تاماشا باستاماسىن جۇزەگە اسىرۋعا بەرىك نەگىز قالاۋ كەرەك. ساياسي قابىلەتتى كۇشەيتىپ، ەل ءىشى - سىرتى جاعدايىنىڭ وزگەرىسى الا كەلگەن سىن - سايىسقا بايىپتىلىقپەن توتەپ بەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى اناعۇرلىم جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، ەكونوميكانىڭ ۇزدىكسىز جاقسارۋىن ىلگەرىلەتىپ، حالىقتىڭ تۇرمىس دەڭگەيىن ورنىقتى جوعارىلاتىپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ كەرەك. پارتيالىلىقتى شىڭداپ، يدەيالىق سانانى جوعارىلاتىپ، دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، تەكسەرىپ - زەرتتەۋدى كۇشەيتىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن سانالى اتقارۋ كەرەك. ءوز قىزمەت جاۋاپكەرشىلىگىن تياناق ەتىپ، ىستەۋدى ماڭداي الدى ورىنعا قويۋعا تاباندى بولىپ، مىندەت اتقارىپ، جاۋاپكەرشىلىكتى ادا ەتىپ، قيىندىقتاردان قامال الىپ، پارتيا ورتالىق كوميتەتىنىڭ ءتۇرلى شەشىمدەرى مەن ورنالاستىرۋلارىنىڭ ناقتى تياناقتانۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ جاڭا ساپارىندا جاڭا جاۋاپكەرلىك ارقالاپ، تىڭ ىسكەرلىك كورسەتۋ كەرەك.

كەلۋ قاينارى: حالىق تورابى