ۋاڭ حۋنيڭ مەملەكەتتىك ساياسي كەڭەستىڭ ءتوراعالار ءماجىلىسىن باسقارىپ اشتى

شينحۋا اگەنتتىگى، 2 - ايدىڭ 26 – كۇنى، بەيجيڭ. ساياسي كەڭەس 14 - كەزەكتى مەملەكەتتىك كوميتەتىنىڭ 31 - رەتكى ءتوراعالار ءماجىلىسى 2 - ايدىڭ 26 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ ءماجىلىستى باسقاردى ءارى ءسوز سويلەدى.

ءماجىلىس باس شۋجي شي جينپيڭنىڭ تاياۋ مەزگىلدەگى ماڭىزدى سوزدەرى مەن نۇسقاۋلارىنىڭ رۋحىن جەتكىزدى، ۇيرەندى، دايەكتىلەندىردى. ۋاڭ حۋنيڭ مىنالاردى ءبىلدىردى: شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتى حالىق ساياسي كەڭەسى قىزمەتىنە وسكەلەڭ ءمان بەردى، باس شۋجي شي جينپيڭ تاياۋدا تالاي رەت ماڭىزدى نۇسقاۋ بەرىپ، ايقىن تالاپ قويىپ، حالىق ساياسي كەڭەسى قىزمەتىن ويداعىداي ىستەۋگە ءتۇبىرلى تياناق ازىرلەدى. باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ رۋحىن ىشكەرىلەي ۇيرەنىپ، ەگجەي - تەگجەيلى ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس باعدارناماسى ەتۋگە تاباندى بولىپ، پارتيانىڭ حالىق ساياسي كەڭەسىنە جاپپاي باسشىلىعىن تياناقتاندىرىپ، ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ەكىنى قورعاۋدى“ باتىل ورىنداۋ كەرەك. باس شۋجي شي جينپيڭنىڭ حالىقتىق كاسىپورىندار اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي كەڭەس مۇشەلەرىن حالىقتىق شارۋاشىلىقتىڭ اقاۋسىز دامۋىن جەبەۋ، جوعارى ساپالى دامۋ توڭىرەگىندە كەڭ كولەمدە تەكسەرۋ - زەرتتەۋ جۇرگىزۋگە، ىشكەرىلەي كەڭەسۋگە ۇيىمداستىرىپ، قالىڭ حالىقتىق كاسىپورىنداردى جۇڭگو ۇلگىسىندەگى وسىزامانداندىرۋدى ىلگەرىلەتۋگە كۇش قوسۋعا جەتەكتەۋ كەرەك. باس شۋجي شي جينپيڭنىڭ لياۋنيڭدە قىزمەت تەكسەرگەندە، جيلين ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردە شىعىس سولتۇستىكتى جاپپاي گۇلدەندىرۋدەگى ءتۇيىندى ماسەلەلەردى ارقاۋ ەتە وتىرىپ، قۇندى پىكىرلەر مەن ۇسىنىستاردى العا قويۋ كەرەك. باس شۋجي شي جينپيڭنىڭ كوكتەم مەرەكەسى قارساڭىندا نەگىزگى ساتىداعى كادرلار مەن بۇقاراعا امانداسا بارۋ، حال سۇراۋ جانە كوكتەم مەرەكەسىن توپتىق قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، حالىق ساياسي كەڭەسىنىڭ حالىق ءۇشىن قىزمەت ىستەۋىنە تاباندى بولىپ، مۇشەلەردىڭ مىندەت اتقارۋداعى ”حالىق ءۇشىن قىزمەت وتەۋ“ قيمىلىن ىشكەرىلەي ورىستەتۋ كەرەك.

ءماجىلىس ساياسي كەڭەس 14 - كەزەكتى مەملەكەتتىك كوميتەتى 3 - ءماجىلىسىنىڭ ءار رەتكى جالپى جيىندارىنىڭ اتقارۋشى ءتوراعالارىنىڭ جانە باسقارۋشىلارىنىڭ ەسىمدىگىن قاراپ ماقۇلدادى، ساياسي كەڭەس 14 - كەزەكتى مەملەكەتتىك كوميتەتى 3 - ءماجىلىسىنىڭ دايىندىق قىزمەتى جاعدايى جونىندەگى مالىمەتتى تىڭدادى. ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ مەملەكەتتىك ەكى ءماجىلىستى ويداعىداي اشۋ جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ءماجىلىستىڭ دۇرىس ساياسي بەتالىسىن مىقتاپ يگەرىپ، ءبىر تۇتاس جوسپارلاپ، دەن قويا ۇيىمداستىرىپ، ساياسي كەڭەس مۇشەلەرىنىڭ تۇلعالىق رولىن ساۋلەلەندىرىپ، اقىل - كەڭەس بەرۋ جانە ورتاق تانىمدى ۇيىستىرۋ قىزمەتىنىڭ دەڭگەيىن جوعارىلاتىپ، اقىل - پاراسات پەن كۇش - قۋاتتى ۇيىستىرىپ، سەنىم مەن كۇش - قۋاتتى جەتكىزىپ، ءماجىلىستىڭ تولىق تابىستى بولۋىنا شىنايى كەپىلدىك ەتۋ كەرەك.

ءماجىلىس شۋە جيڭشيانى ساياسي كەڭەس مەملەكەتتىك 14 - كەزەكتى كوميتەتىنىڭ مۇشەسى تولىمدىلىعىنان قالدىرۋ جونىندەگى قاۋلىنى قاراپ ماقۇلداپ، ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 10 - ءماجىلىسىنىڭ تۇراقتاندىرۋىنا ۇسىندى.

ءتوراعالار ءماجىلىسى 2025 - جىلعى ءبىرىنشى رەتكى توپتىق ۇيرەنۋىن وتكىزدى، باستى تاقىرىبى ”اۋىل - قىستاقتى جاپپاي گۇلدەندىرۋدى ىلگەرىلەتۋ“ بولدى. اۋىل شارۋاشىلىعى، اۋىل - قىستاق مينيسترلىگىنىڭ مينيسترى حان جۇن ۇسىنىس بويىنشا بايانداما جاسادى.

مەملەكەتتىك ساياسي كەڭەس ءتوراعاسىنىڭ ورىنباسارلارى شىن يۋەيۋە، ۋاڭ يۇڭ، لياڭ جىنيىڭ، سۋ حۇي باس شۋجي شي جينپيڭنىڭ تاياۋداعى ماڭىزدى سوزدەرى مەن نۇسقاۋلارىنىڭ رۋحىن ۇيرەنۋ، دايەكتىلەندىرۋ توڭىرەگىندە ءسوز سويلەدى. مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە تۇسىنىك جاسادى جانە مالىمەت بەردى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، جوۋ چياڭ، باتىر، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.

كەلۋ قاينارى: حالىق تورابى