حان جىڭ جاڭا زەلانديا زۇڭليىنىڭ ورىنباسارى، سىرتقى ىستەر مينيسترى پەتەرسپەن كەزدەستى

شينحۋا اگەنتتىگى، 2 - ايدىڭ 26 – كۇنى، بەيجيڭ. 2 - ايدىڭ 26 - كۇنى مەملەكەت ءتوراعاسىنىڭ ورىنباسارى حان جىڭ بەيجيڭدە جاڭا زەلانديا زۇڭليىنىڭ ورىنباسارى، سىرتقى ىستەر مينيسترى پەتەرسپەن كەزدەستى.

حان جىڭ مىنالاردى ءبىلدىردى: بىلتىر 11 – ايدا ءتوراعا شي جينپيڭ راكسون زۇڭليمەن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسى كەزىندە كەزدەسىپ، جۇڭگو - جاڭا زەلانديا قارىم - قاتىناسىنىڭ جاڭا باستامادا ۇزدىكسىز العا دامۋىنا ستراتەگيالىق جەتەكشىلىك ەتتى. قازىر جۇڭگو مەن جاڭا زەلانديانىڭ جالپى بەتتىك ستىراتەگيالىق سەرىكتەستىك قارىم – قاتىناسى ەكىنشى 10 جىلعا قادام قويدى، جۇڭگو جاق جۇڭگو - جاڭا زەلانديا قارىم - قاتىناسىنىڭ دامۋىنا وسكەلەڭ ءمان بەرەدى، جاڭا زەلانديا جاقپەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، دۇرىس بەتالىسقا تاباندى بولىپ، سەلبەستىك سەنىمىن بەكەمدەپ، ءوزارا ءتۇسىنىسۋدى كۇشەيتىپ، جۇڭگو مەن جاڭا زەلانديادىڭ جان - جاقتى ستراتەگيالىق سەرىكتەستىك قارىم - قاتىناسىنىڭ باياندى، اقاۋسىز، ورنىقتى دامۋىن ىلگەرىلەتىپ، ەكى ەلدىڭ جانە وسى ءوڭىردىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە اناعۇرلىم كوپ ۇلەس قوسۋدى قالايدى.

پەتەرس مىنالاردى ءبىلدىردى: جاڭا زەلانديا جۇڭگومەن قارىم - قاتىناستى دامىتۋعا ءمان بەرەدى، جۇڭگونىڭ بەلسەندى سەرىگى رەتىندە، جۇڭگو جاقپەن تىلدەسۋدى كۇشەيتىپ، تۇسىنىستىكتى ارتتىرىپ، ەكونوميكا - ساۋدا سياقتى سالالارداعى سەلبەستىكتى تەرەڭدەتىپ، جاڭا زەلانديا - جۇڭگو قارىم - قاتىناسىنىڭ اناعۇرلىم زور دامۋدى جۇزەگە اسىرۋىن ىلگەرىلەتۋدى قالايدى.

كەلۋ قاينارى: حالىق تورابى