”2024YR4“ اتتى شاعىن قىدىرما جۇلدىزدىڭ جەر شارىنا سوعىلۋ ىقتيمالدىعى نەگىزىنەن جوققا شىعارىلدى 

شينحۋا اگەنتتىگىنىڭ ءتىلشىسى تاين جينجين 2 – ايدىڭ 25 – كۇنى لوس – انجەلەستەن حابارلايدى. ا ق ش عارىش مەكەمەسىنىڭ ەڭ جاڭا ەسەپتەۋ ناتيجەسىنە نەگىزدەلگەندە، ”2024YR4“ ءنومىرلى شاعىن قىدىرما جۇلدىزدىڭ 2032 – جىلى 12 - ايدىڭ 22 - كۇنى جەر شارىنا سوعىلۋ ىقتيمالدىعى نەگىزىنەن جوققا شىعارىلعان، سوعىلۋ ىقتيمالدىعى %0.004 كە تومەندەگەن.

جەرگە جاقىن وسى شاعىن قىدىرما جۇلدىزدى 2024 – جىلى 12 - ايدىڭ 27 - كۇنى چيليدەگى ”شاعىن قىدىرما جۇلدىزداردىڭ جەر شارىنا سوعىلۋ ىقتيمالدىعىنان ەڭ سوڭعى سيگنال بەرۋ جۇيەسى“ تۇڭعىش رەت بايقاعان، مەجەمەن ديامەترى 40 - 90 مەتر ارالىعىندا. بىلتىر جىل سوڭىنان بەرى استرونومدار وسى شاعىن قىدىرما جۇلدىزدى ۇزدىكسىز وكشەلەي باقىلاعان ءارى ساندى مالىمەتتەرگە تالداۋ جاساعان جانە رەتتەگەن. جۋىردا ا ق ش عارىش مەكەمەسى سوعىلۋ ىقتيمالدىعىن ۇزدىكسىز تومەندەتكەن.

ا ق ش عارىش مەكەمەسى 2 – ايدىڭ 24 - كۇنى مىنالاردى بىلدىرگەن: ”2024YR4“ شاعىن قىدىرما جۇلدىزىن ۇزدىكسىز باقىلاۋ ارقىلى، ا ق ش عارىش مەكەمەسىنىڭ رەاكتيۆتى ىلگەرىلەتۋ تاجىريبەحاناسىنداعى جەرگە جاقىن اسپان دەنەلەرىن زەرتتەۋ ورتالىقتىڭ ماماندارى بۇل شاعىن قىدىرما جۇلدىزدىڭ وربيتاسىن اناعۇرلىم ەگجەي – تەگجەيلى ەسەپتەپ، اتالعان شاعىن قىدىرما جۇلدىزدىڭ 2032 - جىلى 12 - ايدىڭ 22 - كۇنى جەر شارىنا سوعىلۋ ىقتيمالدىعىن %0.004 كە تۇسىرگەن ءارى بولاشاقتاعى ءبىر عاسىر ىشىندە اتالعان شاعىن قىدىرما جۇلدىز جەر شارىنا حاۋىپ توندىرمەيدى دەپ قاراعان. مۇنان سىرت، بۇل شاعىن قىدىرما جۇلدىز 2032 – جىلى 12 - ايدىڭ 22 – كۇنى اي شارىنا سوعىلۋ ىقتيمالدىعى دا وتە تومەن، قازىر ەسەپتەپ شىعارىلعان سوعىلۋ ىقتيمالدىعى %1.7.

ا ق ش عارىش مەكەمەسى مىنانى ءبىلدىردى: شاعىن قىدىرما جۇلدىز ”2024YR4“ جەر شارىنا ەندىگارى اۋىر حاۋىپ توندىرمەيدى، ول استرونومدارعا قىدىرما جۇلدىزداردان ساقتانۋ جاعىندا عىلىمي زەرتتەۋ جۇرگىزەتىن جانە دابىل قاعۋعا جاتتىعاتىن قىمباتتى وراي جاراتىپ بەردى. ا ق ش عارىش مەكەمەسى اتالعان شاعىن قىدىرما جۇلدىزدى ۇزدىكسىز باقىلاپ، قاتىستى عىلىمي ساندى مالىمەتتەرگە يە بولادى.

كەلۋ قاينارى: حالىق تورابى