ۋاكىل شۇي جۇن: ءتىپتى دە كوپ بالانىڭ ساۋ - سالامات ەسەيىپ – ەرجەتۋىنە مۇمكىندىك جاراتايىق (رەفورمانى تاعى دا تەرەڭدەتىپ، ەكپىندەي ىلگەرىلەۋدىڭ جاڭا ساپارى − ۋاكىلدەردىڭ، مۇشەلەردىڭ مىندەت وتەۋ حيكاياسى)

سەنبى كۇنى ەرتەمەن مەملەكەتتىك حالىق قۇرىلتايىنىڭ ۋاكىلى، شاندۇڭ ولكەسى لين - ي قالاسى جەتىم، قيىنشىلىعى بار بالالارعا پسيحيكالىق جاقتان جەتەكشىلىك ەتۋ، ەرىكتى قىزمەت وتەۋ ۇيىرمەسىنىڭ باستىعى شۇي جۇن جانە ونىڭ ساپارلاستارى مىڭيىن اۋدانىنا اۆتوكولىكپەن جول تارتتى. اپتا سوڭىندا ول مىڭيىن اۋدانىنىڭ 3 اۋىل - قالاشىعىنداعى جەتىم، قيىنشىلىعى بار 14 بالانىڭ وتباسىنا بارۋدى جوسپارلادى.

كۇن ەندى عانا كوتەرىلگەن كەزدە، شۇي جۇن دوجۋاڭ قالاشىعى سىچۋانجۋاڭ قىستاعىنداعى شياۋكۇننىڭ (بالاما ەسىم) ۇيىنە كىردى.

”شۇي اعاي، مىناۋ مەنىڭ مەكتەپتە جاساعان قولونەر تۋىندىلارىم، ادەمى مە ەكەن؟“ شۇي جۇندى كورگەن شياۋ كۇن جۇگىرىپ جەتىپ باردى.

شياۋكۇن قارتايعان اتاسىمەن بىرگە تۇرىپ كەلەدى، ءبىر مەزگىل باسقالارمەن اڭگىمەلەسكىسى كەلمەيدى، ۇيرەنۋ ناتيجەسى تومەندەيدى. 2019 - جىلى شۇي جۇن ونىڭ جاعدايىن بىلگەننەن كەيىن ەرىكتىلەردى جۇپ قۇراپ پسيحيكالىق ماسەلەلەردى شەشۋگە ورنالاستىردى. 5 جىلدان استام ۋاقىت قۇلشىنۋ ارقىلى شياۋكۇن نەداۋىر اشىق - جارقىن بولىپ وزگەردى.

2018 - جىلى قىزمەت وتەۋ ۇيىرمەسى قۇرىلعاننان بەرى شۇي جۇن بار ىنتا - پەيىلىمەن جەتىم - جەسىر بالالاردىڭ پسيحولوگيالىق جەتەكشىلىگى قىزمەتىنە كىرىستى. تۇرمىسىندا قانداي قيىنشىلىق بار، ۇيرەنۋ جاعدايى، پسيحيكالىق كۇيى قانداي... ءار رەت امانداسا بارعاندا، ول ەگجەي - تەگجەيلى ەستەلىككە الىپ، جاعدايعا قاراي كومەكتەسىپ – سۇيەمەلدەپ وتىردى. قازىرگە دەيىن قىزمەت وتەۋ ۇيىرمەسىندە 8000 نان استام ەرىكتى 6000 نان استام جەتىم، قيىنشىلىعى بار بالاعا كومەكتەستى.

شۇي جۇننىڭ نازارىندا، جالعىزسىراپ قالعان بالالار بەينە اعاش مايساسىنا ۇقسايدى، تىرەكتى دارىندى بولىپ جەتىلۋ جولىندا باسقالاردىڭ كومەگىنە مۇقتاج. قىزمەت وتەۋ ۇيىرمەسى ەرىكتى كومەكتەسىپ سۇيەمەلدەگەن بالالاردىڭ اراسىندا 211 ادام داشۋەگە قابىلداندى.

بيىل شۇي جۇن ەرەكشە وتباسى بالالارىنىڭ پسيحيكالىق اقاۋسىزدىعىنا نازار اۋداردى. ”قوعامدىق قامتاماسىزداندىرۋ جۇيەسىنىڭ ۇزدىكسىز كەمەلدەنۋىنە ىلەسە جەتىم، قيىنشىلىعى بار بالالاردىڭ نەگىزگى تۇرمىسى ءبىرشاما جاقسى كەپىلدىككە يە بولدى. ءبىراق كەيبىر بالالاردا ۇقساماعان دارەجەدە پسيحيكالىق ماسەلەلەر ءومىر سۇرۋدە“. شۇي جۇن بىلاي دەدى: بيىلعى مەملەكەتتىك ەكى ماجىلىستە ەرەكشە وتباسىنداعى جەتىم، قيىنشىلىعى بار بالالاردىڭ پسيحيكالىق اقاۋسىزدىعىن اناعۇرلىم ويداعىداي قامتاماسىز ەتۋدى ارقاۋ ەتە وتىرىپ ۇسىنىس قويىپ، ”اناعۇرلىم كوپ بالانىڭ ساۋ – سالامات ەسەيىپ - ەرجەتۋىنە مۇمكىندىك جاسايمىز“.

جوعارى ساپالى ۇسىنىس قويۋ ءۇشىن، شۇي جۇن ۇزدىكسىز ارالاپ تەكسەرۋ - زەرتتەۋ جۇرگىزىپ، ناق مايداندا جاعدايدى تەكسەرىپ، بۇقارانىڭ ۇنىنە قۇلاق اسىپ، مامانداردان مۇقيات اقىل سۇرادى. شۇي جۇن بىلاي دەدى: مەملەكەتتىك حالىق قۇرىلتايىنىڭ ۋاكىلى رەتىندە، مەن جەتىم، قيىنشىلىعى بار بالالاردى ۇزدىكسىز جىگەرلەندىرىپ، بارعان سايىن كوپ ادامنىڭ جەتىم، قيىنشىلىعى بار بالالارعا كوڭىل بولەتىن قوسىنعا قاتىناستىرۋدى ءۇمىت ەتەمىن.

ءتىلشى ەستەلىگى

ۋاكىلدەردىڭ مىندەت وتەۋىن كۇندەلىكتى تۇرمىسپەن توعىستىرايىق

تاياۋ جىلداردان بەرى شۇي جۇن بارلىق ۋاقىتىن جەتىم، قيىنشىلىعى بار بالالاردى سۇيەمەلدەۋگە جۇمسادى، جەتىم، قيىنشىلىعى بار بالالاردىڭ وتباسىن ارالاۋ ونىڭ داعدىلى جولىنا اينالىپ، بار زەيىنىن سالىپ، شارشاپ – شالدىعۋمەن ساناسپادى.

مەملەكەتتىك حالىق قۇرىلتايىنىڭ ۋاكىلى رەتىندە مىندەت وتەۋ شۇي جۇننىڭ كۇندەلىكتى قىزمەتىمەن توعىستى. ءبىر جەتىم بالانىڭ وتباسىنا كوبىرەك بارىپ، بۇقارانىڭ ارىز - ارمانىن كوبىرەك تىڭداساڭىز، ءبىر وتباسىنىڭ قايتا باس كوتەرۋىنە مۇمكىندىك جاراتۋىڭىز مۇمكىن. شۇي جۇننىڭ جەتىم، قيىنشىلىعى بار بالالارعا مىزعىماستان كوڭىل ءبولۋى بۇكىل قوعامنىڭ وسى توپقا كوڭىل ءبولۋى مەن ايالاۋىنا تۇرتكى بولدى.

كەلۋ قاينارى: حالىق تورابى