ەرەكشە توپتىڭ ءجۇرىس – تۇرىسىنا زاڭمەن باسقارۋ ارقىلى كەپىلدىك ەتۋ كەرەك (ۋاكىلدەردىڭ ۇسىنىستارىن ساپالى ءبىتىرۋ)

”بوگەتسىز ورتا قۇرىلىسى مۇگەدەكتەر، قارتتار سياقتى ەرەكشە توپتار جونىنەن توتەنشە ماڭىزدى“. مەملەكەتتىك حالىق قۇرىلتايىنىڭ ۋاكىلى، جۇڭگو مۇگەدەكتەرگە كومەكتەسۋ ەرىكتىلەر قوعامىنىڭ باستىعى لۇي شىميڭ بىلاي دەدى: كەدەرگىسىز ورتا قۇرىلىسى زاڭى كەدەرگىسىز ورتا قۇرىلىسىن زاڭدىق كەپىلمەن قامدادى، الايدا ”بار ما، جوق پا“ دەگەننەن ”باسقارا ما، جوق پا“ دەگەنگە قاراي ۇزدىكسىز كۇش سالۋعا تۋرا كەلەدى.

بىلتىرعى مەملەكەتتىك ەكى ماجىلىستە لۇي شىميڭ ەرەكشە قاۋىمنىڭ ۇقىق - مۇددەسىن زاڭمەن باسقارۋدى قامتاماسىزداندىرۋ جونىندەگى ۇسىنىستى ورتاعا قويىپ، كەدەرگىسىز ورتا قۇرىلىسىن كۇشەيتۋ، زاڭدىق ولشەم جۇيەسىن كەمەلدەندىرۋ، ەرەكشە قاۋىمنىڭ ءادىليالىق قامتاماسىزداندىرۋىن كەمەلدەندىرۋ سياقتىلاردى كۇشەيتىپ، ەرەكشە قاۋىمنىڭ زاڭدى ۇقىق - مۇددەسىن قامتاماسىزداندىرۋدى كۇشەيتۋدى ۇسىنىس ەتتى. لۇي شىميڭنىڭ ۇسىنىسىن ەڭ جوعارى حالىق پروكۋراتۋراسى باس بولىپ ۇيىمداستىردى.

كەيبىر جوعارى قارقىندىق تەمىر جول بەكەتتەرىنىڭ سوقىرلار جولى، بوگەتسىز تازالىق بولمەسى سياقتى قۇرىلعىلارى كەمەلدى ەمەس، كەيبىر جوعارى قارقىندىق پويەزگە كەدەرگىسىز ورىندىقتىڭ ورناتىلۋى مۇگەدەكتەردىڭ ءجۇرىس - تۇرىس قاجەتىن قاناعاتتاندىرا الماي وتىر... وسى ماسەلەلەرگە باعىتتاي وتىرىپ، ەڭ جوعارى حالىق پروكۋراتۋراسى جەرگىلىكتى ورىندار مەن تەمىر جول پروكۋراتۋرا ورگاندارىنىڭ بوگەتسىز ورتا قۇرىلىسى جونىندەگى الەۋمەتتىك يگىلىك ارىز - شاعىمىن دالمە - ءدال، جۇيەلى ورىستەتۋىنە جەدەل جەتەكشىلىك ەتىپ، باقىلاۋ تۇيىندەرىن ايقىندادى ءارى قاتىستى تاراۋلارمەن سەلبەسىپ، كەدەرگىسىز ورتا قۇرىلىسىن ىلگەرىلەتىپ، مۇگەدەكتەردىڭ ءجۇرىس - تۇرىسىنا زاڭمەن باسقارۋ كۇشى ارقىلى دەم بەردى.

ەڭ جوعارى حالىق پروكۋراتۋراسى ەرەكشە قاۋىمنىڭ ۇقىق - مۇددەسىن قامتاماسىزداندىرۋ زاڭدىق ولشەم جۇيەسىن كەمەلدەندىرۋ قىزمەتىن ۇزدىكسىز ىلگەرىلەتتى. جىجياڭ ولكەسى حاڭجوۋ قالالىق حالىق قۇرىلتايى تۇراقتى كوميتەتى شىعارعان ”كەدەرگىسىز ورتا قۇرىلىسىن كۇشەيتۋ جونىندەگى ۇيعارىمدا“ ”حالىق پروكۋراتۋراسى ارىز – شاعىمدى باقىلاۋ، پروكۋراتۋرالىق ۇسىنىس بەرۋ، ايىپتاۋدى قولداۋ سياقتى تاسىلدەر ارقىلى كەدەرگىسىز ورتا قۇرىلىسى قىزمەتىنە زاڭدىق باقىلاۋ جۇرگىزەدى“ دەپ ايقىن بەلگىلەندى.

”كەلەسى قادامدا ەڭ جوعارى حالىق پروكۋراتۋراسى قاتىستى تاراۋلارمەن سەلبەسۋدى، سايكەسۋدى كۇشەيتىپ، الەۋمەتتىك يگىلىك ارىز - شاعىمىن تەكسەرۋ فۋنكتسياسىن تياناق ەتىپ، زاڭدىق باقىلاۋدى كۇشەيتىپ، قاينارىن قۋزاستىرۋ ارقىلى قوعامدىق جونگە سالۋدى جەبەپ، بوگەتسىز ورتا قۇرىلىسى مەن قارتتانۋعا ۇيلەسەتىن جاڭالاۋ قىزمەتىن ويداعىداي ىستەپ، قارتتار، مۇگەدەكتەر سياقتى ەرەكشە قاۋىمنىڭ قوعامدىق تۇرمىسقا تەڭ تۇرعىدا ات سالىسۋىنا زاڭمەن جونگە سالۋ قامتاماسىزدىعىن ازىرلەيدى“ دەدى ەڭ جوعارى حالىق پروكۋراتۋراسى الەۋمەتتىك يگىلىك ارىز - شاعىم پروكۋراتۋرا مەڭگەرمەسىنىڭ باستىعى شۇي شياڭچۇن.

”ەڭ جوعارى حالىق پروكۋراتۋراسى قاتارلى تاراۋلار ۋاكىلدەردىڭ ۇسىنىستارىن ءبىر جاقتى ەتۋ قىزمەتىن زاڭنىڭ دايەكتى اتقارىلۋىن ىلگەرىلەتۋمەن ۇشتاستىرىپ، حالىق بۇقاراسى كوڭىل ءبولىپ وتىرعان ماسەلەلەرگە جاۋاپ قايتارىپ، حالىق قۇرىلتايى ءتۇزىمىنىڭ ءارقايسى بۋىنىمەن تىعىز ۇشتاستىرىپ، زاڭمەن جونگە سالۋ قۇرىلىسىن جەبەپ، ەرەكشە توپتىڭ ۇقىق – مۇددەسىن قورعاۋدى اناعۇرلىم كۇشەيتىپ، جالپى بارىستىق حالىق دەموكراتياسىنىڭ جاندى امالياتىن ايگىلەدى“ دەدى لۇي شىميڭ.

كەلۋ قاينارى: حالىق تورابى