ساي چي لاوس حالىق توڭكەرىستىك پارتياسىنىڭ ۋاكىلدەر ۇيىرمەسىمەن كەزدەستى

شينحۋا اگەنتتىگى، 2 - ايدىڭ 27 – كۇنى، بەيجيڭ (ءتىلشى دۇڭ شۋە). 2 - ايدىڭ 27 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي بەيجيڭدە لاوس حالىق توڭكەرىستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، مەملەكەت ءتوراعاسىنىڭ ورىنباسارى بىنتۇڭ باستاعان لاوس حالىق توڭكەرىستىك پارتياسىنىڭ ۋاكىلدەر ۇيىرمەسىمەن كەزدەستى.

ساي چي مىنالاردى ءبىلدىردى: باس شۋجي شي جينپيڭ تۇڭلۇن باس شۋجيمەن جۇڭگو - لاوس تاعدىرلاس ورتاق تۇلعاسىن قۇرۋدىڭ جاڭا 5 جىلدىق ارەكەت جوسپارىنا قول قويعاننان بەرى جۇڭگو – لاوس قارىم - قاتىناسىنىڭ دامۋ تەبىنى كۇشتى بولدى. جۇڭگو جاق لاوس جاقپەن بىرگە ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن جەتەكشى ەتىپ، جوعارى جىكتەگىلەردىڭ بارىس - كەلىسىن ساقتاپ، نازاردى دامۋ سەلبەستىگىنە شوعىرلاندىرىپ، پارتيانى جونگە سالۋ، مەملەكەتتى جونگە سالۋ تاجىريبەلەرىن اۋىستىرۋدى، ءوزارا ۇلگى الۋدى كۇشەيتىپ، شىعىس وڭتۇستىك ازيا ەلدەرى وداعى، لانساڭ وزەنى - مەكونگ وزەنى سەلبەستىگى سياقتى كوپ جاقتى جۇلگەدە تىعىز سەلبەسىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ ورنىقتى، باياندى دامۋىن ىلگەرىلەتۋدى قالايدى.

بىنتۇڭ لاوس - جۇڭگو ەكى پارتيا باس شۋجيلەرىنىڭ ەكى پارتيا، ەكى ەل قارىم - قاتىناسىنا ستراتەگيالىق جەتەكشىلىگى مەن تىكەلەي ىلگەرىلەتۋىنە جوعارى باعا بەرىپ، مىنانى ءبىلدىردى: قازىر لاوس - جۇڭگو قارىم - قاتىناسى تاريحتاعى ەڭ جاقسى دەڭگەيدە تۇر. لاوس حالىق توڭكەرىستىك پارتياسى 12 - قۇرىلتايعا دايىندالىپ جاتىر، ەكى ەلدىڭ تاعدىرلاس ورتاق تۇلعاسى قۇرىلىسىن ىلگەرىلەتۋدى قىزمەتتىڭ ماڭىزدى باعىتى جانە مىندەتى ەتە بەرەدى.

كەلۋ قاينارى: حالىق تورابى