جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

شينحۋا اگەنتتىگى، 2 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 2 - ايدىڭ 28 - كۇنى ءماجىلىس اشىپ، مەملەكەتتىك كەڭەستىڭ 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ قاراۋىنا ۇسىنىلاتىن «ۇكىمەت قىزمەتىنەن باياندامانىڭ» نۇسقاسىن تالقىلادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ اتاپ كورسەتتى: وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، وزگەرىسكە بايىپتىلىقپەن توتەپ بەرىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەكونوميكالىق، قوعامدىق دامۋدىڭ باستى نىسانالارىن، مىندەتتەرىن ءساتتى ورىندادى. ەلىمىزدىڭ ەكونوميكالىق اينالىمى جالپى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەپ، جوعارى ساپالى دامۋ تىڭعىلىقتى ىلگەرىلەپ، قوعامدىق جالپى جاعداي ورنىقتى بولىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى.

ءماجىلىس بىلاي دەپ باسا دارىپتەدى: بيىل − 14” - بەسجىلدىق“ جوبا اياقتالاتىن جىل، ۇكىمەت قىزمەتىن ويداعىداي ىستەۋدە شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارى بويىنشا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتىپ، رەفورمانى ونان ارى جاپپاي تەرەڭدەتىپ، جوعارى دەڭگەيدە سىرتقا ەسىك اشۋدى كەڭەيتىپ، وسىزاماندانعان كاسىپ سالاسى جۇيەسىن قۇرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ىشكى سۇرانىستى كەڭەيتىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن ىلگەرىلەتىپ، ءۇي – جاي بازارىن، جارنا بازارىن ورنىقتىرۋ، ءتۇيىندى سالالارداعى حاۋىپ - قاتەر مەن سىرتقى سوققىدان ساقتانىپ جانە ونى جويىپ، مەجەنى ورنىقتىرىپ، ومىرشەڭدىك كۇشتى قاۋلاتىپ، ەكونوميكانىڭ ۇزدىكسىز وڭالۋىن ىلگەرىلەتىپ، حالىقتىڭ تۇرمىس دەڭگەيىن ۇزدىكسىز جوعارىلاتىپ، قوعامنىڭ جاراسىمدىلىعى مەن ورنىقتىلىعىن ساقتاپ، ”14 - بەسجىلدىق“ جوبانىڭ نىسانا - مىندەتتەرىن جوعارى ساپامەن ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى