ەكونوميكالىق قىزمەتتە، ءسوز جوق، بىرنەشە جۇپ ماڭىزدى قاتىناستى ءبىر تۇتاس جوسپارلاۋ كەرەك

شينحۋا اگەنتتىگى، 2 - ايدىڭ 28 - كۇنى، بەيجيڭ. 3 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 5 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ەكونوميكالىق قىزمەتتە، ءسوز جوق، بىرنەشە جۇپ ماڭىزدى قاتىناستى ءبىر تۇتاس جوسپارلاۋ كەرەك» اتتى ماڭىزدى ماقالاسى جاريالانادى.

ماقالادا بىلاي دەپ باسا دارىپتەلدى: 2024 - جىل − ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. سىرتقى قىسىم ارتىپ، ىشكى قيىنشىلىق كوبەيگەن كۇردەلى دە اۋىر جاعدايدا پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، وزگەرىسكە توتەپ بەرىپ، جان - جاقتى شارا قولداندى، ەكونوميكالىق اينالىم جالپى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەپ، جوعارى ساپالى دامۋدى تىڭعىلىقتى ىلگەرىلەتىپ، ەلىمىزدىڭ ەكونوميكالىق قۋاتىن، عىلىم - تەحنيكالىق قۋاتىن، مەملەكەتتىڭ جالپىلىق قۋاتىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستالدى. ءبىر جىلدان بەرگى دامۋ بارىسى وزگەشە بولدى، تابىستار كىسىنى جەلپىندىرەدى. 9 - ايدىڭ 26 - كۇنى ورتالىق كوميتەت ساياسي بيۋروسىنىڭ ءماجىلىسى ءبىرقىدىرۋ ساياساتتى باتىل ورنالاستىرىپ، ءۇي - جاي بازارىن، جارنا بازارىن جانە بازار مەجەسىن، قوعامدىق سەنىمدى ءونىمدى سەرپىلتىپ، ەكونوميكانىڭ كورنەكتى جوعارىلاۋىنا مۇمكىندىك جاساپ، ءارى تۇتاس جىلدىق نىسانانىڭ جۇزەگە اسۋىن جەبەدى، ءارى 2025 - جىلعى ەكونوميكانىڭ دامۋىنا تاماشا نەگىز قالادى.

ماقالادا بىلاي دەپ اتاپ كورسەتىلدى: جاعدايعا تالداۋ جاساۋدا ”ەكى جاقتىلى كوزقاراسقا“ تاباندى بولىپ، ناتيجەنى تولىق ايتۋمەن بىرگە، ماسەلەنى ەگجەي - تەگجەيلى ءتۇسىندىرۋ كەرەك. قازىر سىرتقى ورتانىڭ وزگەرىسى الا كەلگەن ءتيىمسىز ىقپال تەرەڭدەپ، ەلىمىزدىڭ ەكونوميكالىق اينالىمى ءالى دە كوپتەگەن قيىنشىلىق پەن سىن - سايىسقا ءدوپ كەلىپ وتىر. سونىمەن بىرگە، مىنانى دا كورە ءبىلۋىمىز كەرەك: ەلىمىز ەكونوميكاسىنىڭ نەگىزى ورنىقتى، ابزالدىعى كوپ، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋ تىرەكتىك شارت - جاعدايى مەن نەگىزگى بەتالىسى وزگەرگەن جوق. سەنىم بوساڭسىماسا بولعانى، ءادىس قاشان دا قيىنشىلىقتان كوپ بولادى. ءبىز قيىنشىلىققا دۇرىس قاراپ، سەنىمدى بەكەمدەپ، ءار جاقتاعى بەلسەندى فاكتورلاردى دامۋدىڭ ناقتى ناتيجەسىنە اينالدىرۋعا قۇلشىنۋىمىز كەرەك.

ماقالادا بىلاي دەپ اتاپ كورسەتىلدى: اماليات بارىسىندا ءبىز ەكونوميكالىق قىزمەتتىڭ زاڭدىلىعى جونىندەگى تانىمدى ۇزدىكسىز تەرەڭدەتتىك. بۇكىل پارتيادا جوعارىدان تومەنگە دەيىن قالىپتاسقان ەڭ ۇلكەن ورتاق تانىم مىناۋ: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى − ەكونوميكالىق قىزمەتتى ويداعىداي ىستەۋدىڭ ءتۇبىرلى كەپىلى، شەشۋشى ساتتە، ماڭىزدى ساتتە پارتيا ورتالىق كوميتەتى جاعدايعا دەر كەزىندە تۇجىرىم جاساپ، شەشىم - ورنالاستىرۋ جاساپ، ەلىمىز ەكونوميكاسىنىڭ تولقىن جارا العا ىلگەرىلەۋىنە، نىق قاداممەن الىسقا جەتۋىنە كەپىلدىك ەتتى.

ماقالادا بىلاي دەپ اتاپ كورسەتىلدى: ەكونوميكالىق قىزمەت سان سالالى، ءسوز جوق، بىرنەشە جۇپ ماڭىزدى قاتىناستى ءبىر تۇتاس جوسپارلاۋ كەرەك. ءبىرىنشى، ءونىمدى بازار مەن ىسكەر ۇكىمەتتىڭ قاتىناسىن ويداعىداي ءبىر تۇتاس جوسپارلاپ، ”جاندانعان“ ءارى ”باسقارا الاتىن“ ەكونوميكالىق ءتارتىپتى قالىپتاستىرۋ كەرەك. ۇكىمەت ىستەۋگە تيىستىلەرىن ىستەۋى، ىستەمەۋگە تيىستىلەرىن ىستەمەۋى، بوس قالۋ، شەكتەن اسۋ ماسەلەسىن ويداعىداي شەشۋى كەرەك. ۇكىمەتتىڭ ارەكەتى نەعۇرلىم جۇيەگە تۇسكەن سايىن، بازاردىڭ رولى سولعۇرلىم ءونىمدى بولادى. ەكىنشى، جالپى قامداۋ مەن جالپى قاجەتسىنۋدىڭ قاتىناسىن ويداعىداي ءبىر تۇتاس جوسپارلاپ، حالىق شارۋاشىلىعىنىڭ اينالىمىن ىركىلىسسىزدەندىرۋ كەرەك. قامداۋ مەن قاجەتسىنۋدىڭ ەكى جاعىنا بىردەي كۇش سالۋعا، اۋقىمدىق تەپە - تەڭدىكتى ساقتاۋعا تاباندى بولىپ، قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتۋ كەرەك. ىشكى سۇرانىمدى، اسىرەسە، تۇتىنۋداعى ولقىلىقتاردى جەدەل تولىقتاپ، ىشكى سۇرانىمدى ەكونوميكانىڭ ارتۋىن جەبەيتىن نەگىزگى قوزعاۋشى كۇشكە جانە ورنىقتىرعىشقا اينالدىرۋ كەرەك. ءۇشىنشى، جاڭاشا قوزعاۋشى كۇشتى جەتىلدىرۋ مەن كونە قوزعاۋشى كۇشتى جاڭالاۋدىڭ قاتىناسىن ءبىر تۇتاس جوسپارلاپ، جەرگىلىكتى جاعدايعا قاراي جاڭاشا وندىرگىش كۇشتى دامىتۋ كەرەك. عىلىم - تەحنيكادا جاڭالىق اشۋدى جەتەكشى ەتىپ، جاڭادان گۇلدەنگەن كاسىپ سالالارى مەن بولاشاقتاعى كاسىپ سالالارىن كۇش سالا جەتىلدىرىپ، زورايتىپ، ەكونوميكانىڭ ارتۋى مەن جۇمىستاندىرۋ كىرىسىنىڭ نەگىزگى سۇيەنىشى بولعان ءداستۇرلى كاسىپ سالالارىن جاڭالاۋدى، دارەجەسىن ءوسىرۋدى جەدەل ىلگەرىلەتىپ، جاڭا، كونە دامۋ قوزعاۋشى كۇشتەرىنىڭ ورنىقتى جالعاسۋىن، اۋىسۋىن ىلگەرىلەتۋ كەرەك. ءتورتىنشى، ءسوز جوق، مولشەرىن ارتتىرۋ مەن مولشەرىن جانداندىرۋدىڭ قاتىناسىن ءبىر تۇتاس جوسپارلاپ، بايلىقتى ورنالاستىرۋ ونىمدىلىگىن جاپپاي جوعارىلاتۋ كەرەك. ىركىندى قوردى جانداندىرۋ ارقىلى ارتۋ مولشەرىن ءبىر تۇتاس جوسپارلاپ، ساپالىلاندىرۋعا جانە ىركىندى قوردى جانداندىرۋعا، مال - مۇلىكتى ويداعىداي باسقارۋعا جانە قارىزدى رەتتەۋگە شەبەر بولىپ، جاڭا دامۋ ءورىسىن كەڭەيتۋ كەرەك. بەسىنشى، ساپانى جوعارىلاتۋ مەن جالپى مولشەردى ارتتىرۋدىڭ قاتىناسىن ءبىر تۇتاس جوسپارلاپ، جۇڭگو ۇلگىسىندەگى وسىزامانداندىرۋدىڭ زاتتىق نەگىزىن بەكەمدەۋ كەرەك. ساپا ارقىلى جەڭىسكە جەتۋ مەن كولەم اسەرىن ساۋلەلەندىرۋدىڭ بىرلىگىنە تاباندى بولىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جوعارى ساپالى دامۋدىڭ تۇتاس بارىسىمەن بىرلىككە كەلتىرۋ كەرەك.

كەلۋ قاينارى: حالىق تورابى