جالپى تۇلعالىق مەملەكەت حاۋىپسىزدىگى كوزقاراسىن بۇلجىماستان دايەكتىلەندىرىپ، تىنىش جۇڭگو قۇرىلىسىن اناعۇرلىم جوعارى دەڭگەيگە كوتەرۋ كەرەك

شينحۋا اگەنتتىگى، 3 - ايدىڭ 1 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 2 - ايدىڭ 28 - كۇنى تۇستەن بۇرىن اناعۇرلىم جوعارى دەڭگەيدەگى تىنىش جۇڭگو قۇرۋ جونىندە 19 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: اناعۇرلىم جوعارى دەڭگەيدەگى تىنىش جۇڭگو قۇرۋ ىستەردىڭ گۇلدەنىپ - كوركەيۋىنە، حالىقتىڭ تاماشا تۇرمىسىنا، مەملەكەتتىڭ باياندى تىنىشتىعىنا سايادى. جالپى تۇلعالىق مەملەكەت حاۋىپسىزدىگى كوزقاراسىن تاباندىلىقپەن دايەكتىلەندىرىپ، مەملەكەت اناعۇرلىم حاۋىپسىز، قوعام اناعۇرلىم ءتارتىپتى، جونگە سالۋ اناعۇرلىم ءونىمدى، حالىق اناعۇرلىم رازى بولۋ جاعىنا ۇزدىكسىز كۇش سالىپ، تىنىش جۇڭگو قۇرىلىسىن اناعۇرلىم جوعارى دەڭگەيگە كوتەرۋ كەرەك.

باتىس وڭتۇستىك ساياسي - زاڭ داشۋەسى مەكتەپ باستىعىنىڭ ورىنباسارى، پروفەسسورى لي يان جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەتتىڭ ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.

شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى مەملەكەت حاۋىپسىزدىگىنە باسشىلىق ەتۋ ءتۇزىلىسىن جانە زاڭمەن جونگە سالۋ جۇيەسىن، ستراتەگيالىق جۇيەسىن، ساياسات جۇيەسىن ۇزدىكسىز كەمەلدەندىرىپ، قوعامدىق جونگە سالۋ جۇيەسىن كەمەلدەندىرىپ، قوعام اماندىعىنداعى جالپى تۇلعالىق ساقتانۋ - تىزگىندەۋدى كۇشەيتىپ، الەۋمەتتىك حاۋىپسىزدىكتى جونگە سالۋ دەڭگەيىن كۇش سالا جوعارىلاتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ”ەكى كەرەمەتتىڭ“ تىڭ داستانىن جازدى. جاعداي مەن مىندەتتىڭ دامۋىنا، وزگەرىسىنە ۇيلەسۋ ءۇشىن، تىنىش جۇڭگو قۇرىلىسىن كۇشەيتۋ بەرۋ كەرەك، السىرەتۋگە بولمايدى.

شي جينپيڭ بىلاي دەپ باسا دارىپتەدى: جالپىلىق مەملەكەت حاۋىپسىزدىگى كوزقاراسى − اناعۇرلىم جوعارى دەڭگەيدەگى تىنىش جۇڭگو قۇرۋدىڭ ماڭىزدى ولشەمى، ونى، ءسوز جوق، بۇلجىماي دايەكتىلەندىرۋ كەرەك. ءار دارەجەلى پارتكومدار مەن ۇكىمەتتەر جۇيەلى وي جۇگىرتۋگە تاباندى بولىپ، دامۋ − داۋ جۇرمەيتىن شىندىق، حاۋىپسىزدىك تە − داۋ جۇرمەيتىن شىندىق دەيتىن ۇستانىمدى ونان ارى ورناتىپ، قىزمەت بارىسىندا دامۋ مەن حاۋىپسىزدىكتى سانالى تۇردە بىرلىككە كەلتىرىپ، بىرگە جوسپارلاپ، بىرگە ورنالاستىرىپ، ءوزارا جەبەۋى كەرەك. بۇكىل ەل ءبىر تۇتاس جۇيە دەگەنگە تاباندى بولىپ، جوعارى مەن تومەن ءبىر تۇتاس كۇش سالىپ، ءبىر جەر، ءبىر ءوڭىر، ءبىر كاسىپتىڭ حاۋىپسىزدىگىن مىقتى يگەرۋ ارقىلى مەملەكەتتىڭ تۇتاس تۇلعالىق حاۋىپسىزدىگىنە شارت - جاعداي ازىرلەپ، حاۋىپسىزدىك ماسەلەلەرىن دەر كەزىندە ءونىمدى شەشۋ ارقىلى مەملەكەتتىڭ باياندى تىنىشتىعىنا بەرىك نەگىز قالاۋ كەرەك.

شي جينپيڭ بىلاي دەپ اتاپ كورسەتتى: تىنىش جۇڭگو قۇرىلىسى حالىق ءۇشىن ءارى حالىققا سۇيەنەدى. حالىقتىڭ ىرىس - قۇتىن ۇزدىكسىز ارتتىرىپ، بىرگە بايۋدى تىڭعىلىقتى ىلگەرىلەتىپ، حالىق بۇقاراسىنىڭ زاڭدى ۇقىق - مۇددەسىن شىن مانىندە قورعاۋ، قوعامنىڭ ادىلدىگىن، تۋراشىلدىعىن قورعاۋ كەرەك. قوعامدىق جونگە سالۋ جۇيەسىن كەمەلدەندىرىپ، قوعامدىق قىزمەت ءتۇزىلىس، مەحانيزمىن اقاۋسىزداندىرىپ، بارلىق ادام جاۋاپكەرشىلىك ارقالايتىن، بارلىق ادام جاۋاپكەرشىلىگىن وتەيتىن، بارلىق ادام يگىلىكتەنەتىن قوعامدىق جونگە سالۋ ورتاق تۇلعاسىن قۇرۋ كەرەك. ار - نامىستى، سەنىمدى، پاراساتتى، بايسالدى، بەلسەندى، العاباسار قوعامدىق كوڭىل كۇيدى جەتىلدىرىپ، قايراتتانا العا ۇمتىلاتىن، ۇلەس قوسۋعا پەيىل، زاڭمەن جونگە سالۋدى قاستەرلەيتىن، وركەنيەتتى، يبالى داۋىرلىك جاڭا سالتتى ساۋلەلەندىرۋ كەرەك.

شي جينپيڭ بىلاي دەپ باسا دارىپتەدى: ءتۇرلى حاۋىپ - قاتەردەن ساقتانۋ جانە ونى جويۋ − تىنىش جۇڭگو قۇرىلىسىنىڭ ماڭىزدى مىندەتتەرىنىڭ ءبىرى. مەملەكەتتىڭ ساياسي حاۋىپسىزدىگىن قورعاۋدى ماڭداي الدى ورىنعا قويىپ، مەملەكەتتىڭ بيلىك حاۋىپسىزدىگىن، ءتۇزىم حاۋىپسىزدىگىن، يدەولوگيا حاۋىپسىزدىگىن باتىل قورعاۋ كەرەك. الەۋمەتتىك حاۋىپسىزدىك جۇيەسىن كەمەلدەندىرىپ، الەۋمەتتىك حاۋىپسىزدىكتى جونگە سالۋ ۇلگىسىنىڭ الدىن الا ساقتانۋعا قاراي بۇرىلىس جاساۋىن ىلگەرىلەتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى، ازىق - تۇلىك، ءدارى - دارمەك حاۋىپسىزدىگى، ينتەرنەت حاۋىپسىزدىگى، جاساندى زەردە حاۋىپسىزدىگى سياقتى جاقتارداعى قىزمەتتەردى كۇشەيتۋ كەرەك. ءتۇيىندى سالالارداعى حاۋىپ - قاتەردەن كۇش سالا ساقتانۋ كەرەك.

شي جينپيڭ بىلاي دەپ اتاپ كورسەتتى: اناعۇرلىم جوعارى دەڭگەيدەگى تىنىش جۇڭگو قۇرۋدا، ءسوز جوق، قوعام اماندىعى بويىنشا جالپى تۇلعالىق ساقتانۋ - تىزگىندەۋدى كۇشەيتۋ كەرەك. ارناۋلى جونگە سالۋ مەن جۇيەلى جونگە سالۋدى، زاڭ بويىنشا جونگە سالۋدى، جان - جاقتى جونگە سالۋدى، تۋ باستان جونگە سالۋدى ۇشتاستىرىپ، بۇقارالىق ساقتانۋ، بۇقارالىق جونگە سالۋ كۇشتەرىن دامىتىپ، زورايتىپ، ناعىز قۇرىش قورعان ورناتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - ارمان قىزمەتىنىڭ زاڭمەن جونگە سالىنۋىن ىلگەرىلەتىپ، ءتۇرلى قايشىلىقتار مەن داۋ - شاردى دەر كەزىندە ءونىمدى شەشۋ كەرەك.

شي جينپيڭ بىلاي دەپ باسا دارىپتەدى: پارتيانىڭ باسشىلىعى − تىنىش جۇڭگو قۇرىلىسىنىڭ ءتۇبىرلى كەپىلى. پارتيا ورتالىق كوميتەتىنىڭ مەملەكەت حاۋىپسىزدىگى قىزمەتىنە، ساياسي - زاڭ قىزمەتىنە شارتسىز باسشىلىعىنا باستان - اياق تاباندى بولىپ، ءار دارەجەلى پارتكومداردىڭ تىنىشتىق قۇرىلىسىندا جالپى جاعدايدى مەڭگەرۋ، ءار جاقتى سايكەستىرۋ سىندى باسشىلىق رولىن تولىق ساۋلەلەندىرۋ كەرەك. ۇنامدى ۇگىت پەن قوعامدىق پىكىرگە جەتەكشىلىك ەتۋدى كۇشەيتىپ، وسى زامانعى عىلىم - تەحنيكالىق تاسىلدەردەن پايدالانىپ قوعامدى جونگە سالۋ ونىمدىلىگىن جوعارىلاتۋعا ءمان بەرۋ كەرەك. ادال، كىرشىكسىز، جاۋاپكەرشىلىك ارقالايتىن جاڭا داۋىردەگى ساياسي - زاڭ قۇرىش قوسىنىن سومداۋ كەرەك.

كەلۋ قاينارى: حالىق تورابى