بوراننان ساقتانۋدىڭ سارى ءتۇستى دابىلى: شينجياڭ، ىشكى موڭعۇل قاتارلى جەرلەردىڭ ءىشىنارا وڭىرلەرىندە مەزەتتىك جەل كۇشى 10 بالدان اسادى 

جۇڭگو اۋا رايى تورابىنىڭ حابارى. ورتالىق اۋا رايى ستانسياسى 3 - ايدىڭ 10 – كۇنى ساعات 18 دە بوراننان ساقتانۋدىڭ سارى ءتۇستى دابىلىن جاريالادى: مەجەگە قاراعاندا، 3 - ايدىڭ 10 - كۇنى ساعات 20 دان 3 - ايدىڭ 11 - كۇنى ساعات 20 عا دەيىن، شينجياڭنىڭ شىعىس بولەگى، باتىس سولتۇستىك رايوننىڭ شىعىس بولەگى، ىشكى موڭعۇل، شىعىس سولتۇستىك رايوننىڭ ورتا - باتىس بولەگى، سولتۇستىك جۇڭگونىڭ سولتۇستىك بولەگى، شيزاڭنىڭ ورتا - باتىس بولەگى قاتارلى جەرلەردىڭ ءىشىنارا وڭىرىندە 5 - 6 بال جەل سوعادى، مۇنىڭ ىشىندە شينجياڭداعى تاۋ ساعاسىنداعى رايونداردا، ىشكى موڭعۇل قاتارلى جەرلەردىڭ ءىشىنارا رايوندارىندا 7 - 8 بال جەل سوعادى، ءىشىنارا جەرلەردە مەزەتتىك جەل كۇشى 10 بال نەمەسە ودان جوعارى بولادى؛ بوحاي تەڭىزى، بوحاي بۇعازى، باشى بۇعازىندا 7 بال بوران سوعادى، مەزەتتىك جەل كۇشى 8 بالعا جەتەدى.

3 – ايدىڭ 11 – كۇنى ساعات 20 دان 3 - ايدىڭ 12 - كۇنى ساعات 20 عا دەيىن، ىشكى موڭعۇلدىڭ ورتا - شىعىس بولەگى، شىعىس سولتۇستىك رايونىنىڭ ورتا - باتىس بولەگى جانە وڭتۇستىك بولەگى، سولتۇستىك جۇڭگونىڭ شىعىس - سولتۇستىك بولەگى، شيزاڭنىڭ ورتا - باتىس بولەگى قاتارلى جەرلەردە 5 - 6 بال جەل سوعادى، مۇنىڭ ىشىندە ىشكى موڭعۇلدىڭ ورتا - شىعىس بولەگى قاتارلى جەرلەردىڭ ءىشىنارا وڭىرلەرىندە 7 - 8 بال جەل سوعادى، ءىشىنارا جەرلەردە مەزەتتىك جەل كۇشى 9 بال جانە ودان جوعارى بولادى، بوحاي تەڭىزى، بوحاي بۇعازىندا 7 بال بوران سوعادى، مەزەتتىك جەل كۇشى 8 بالعا جەتەدى.

ساقتانۋ باعدارناماسى:

1. ورتالىق اۋا رايى ستانسياسى مەن جۇڭگو تەڭىزدەگى ىزدەۋ ـ قۇتقارۋ ورتالىعى بوراننىڭ ىقپالىنا ۇشىرايتىن تەڭىز ايدىندارىندا قاتىنايتىن، جۇمىس ىستەيتىن كەمەلەر مەن ادامدارعا پورتقا قايتىپ بوراننان تاسالانۋدى، كەمەلەردىڭ ياكوردى سۇيرەپ كەتۋىنەن، قايراڭداپ قالۋىنان جانە ءبىر – بىرىنە سوعىلۋىنان ساقتانۋدى، قاتىستى تاراۋلاردىڭ پورت قۇرىلعىلارىن بەكەمدەپ، ساقتانۋ دايىندىعىن تولىق ويداعىداي ىستەۋى كەرەكتىگىن ەسكەرتەدى؛

2. ورمان، جايىلىم، قالا رايوندارىندا ورتتەن ساقتانۋ تاراۋلارى ورتتەن ساقتاۋ جاعىنداعى دايىندىقتى ويداعىداي ىستەۋى، اۋەجاي، تەمىر جول، تاس جول قاتارلى قاتىناستى باسقارۋ تاراۋلارى شارالاردى قولدانىپ، قاتىناس حاۋىپسىزدىگىن قامتاماسىزداندىرۋى قاجەت؛

3. بيىك جەردە، سۋ ۇستىندە جۇمىس ىستەۋدى جانە ساۋىق - سايران قيمىلدارىن ورىستەتۋدى توقتاتۋ، دالادا جينالىس وتكىزۋدى توقتاتۋ، دالاداعى حاۋىپتى ەلەكتر كوزدەرىن ءۇزۋ، قورشاما تاقتا، سورەلى جارناما، قاراپايىم قۇرىلعىلار قاتارلى بوران وڭاي ۇشىراتىن زاتتاردى بەكەمدەۋ نەمەسە ۇيلەسىمدى ورنالاستىرۋ قاجەت؛

4. جاياۋلار مەن اۆتوموبيلدەر بيىك قۇرىلىستاردىڭ، جارناما تاقتالارى قاتارلى ۋاقىتتىق قۇرىلعىلاردىڭ نەمەسە اعاشتاردىڭ استىندا ايالداماعانى ءجون.

كەلۋ قاينارى: حالىق تورابى