مەملەكەتتىك ساياسي كەڭەس 14 - كەزەكتى كوميتەتىنىڭ 3 - ءماجىلىسى جابىلدى

3 - ايدىڭ 10 - كۇنى تۇستەن بۇرىن جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭدەگى حالىق سارايىندا جابىلدى. سۋرەتتە: شي جينپيڭ، لي چياڭ، ساي چي، ديڭ شۋەشياڭ، لي شي، حان جىڭ ءتوراعالار مىنبەسىنەن ورىن الدى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

3 - ايدىڭ 10 – كۇنى تۇستەن بۇرىن جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 3 - ءماجىلىسى بەيجيڭدەگى حالىق سارايىندا جابىلۋ جينالىسىن وتكىزدى. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ جينالىسىن باسقاردى ءارى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى ليۋ ۋەيبيڭ تۇسىرگەن

شينحۋا اگەنتتىگى، 3 ـ ايدىڭ 10 ـ كۇنى، بەيجيڭ. جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 3 - ءماجىلىسى ءتۇرلى كەڭەستىك تارتىپتەرىن تابىسپەن ورىنداعاننان كەيىن، 3 - ايدىڭ 10 - كۇنى تۇستەن بۇرىن حالىق سارايىندا جابىلدى. ءماجىلىس حالىق ساياسي كەڭەسىنە قاتىناسقان ورىندار مەن قالىڭ ساياسي كەڭەس مۇشەلەرىن شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تاڭداۋلى ءداستۇردى ساۋلەلەندىرىپ، ساياسي جاۋاپكەرشىلىكتى ارقالاپ، جاڭا داۋىردەگى حالىق ساياسي كەڭەسى ىستەرىنىڭ ۇزدىكسىز دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە تىڭ دا اناعۇرلىم زور ۇلەس قوسۋعا ۇندەدى.

ءماجىلىستى مەملەكەتتىك ساياسي كەڭەستىڭ ءتوراعاسى ۋاڭ حۋنيڭ باسقاردى. مەملەكەتتىك ساياسي كەڭەس ءتوراعاسىنىڭ ورىنباسارلارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ءتوراعالار مىنبەسىنىڭ الدىڭعى قاتارىنان ورىن الدى.

شي جينپيڭ، لي چياڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الدى.

تۇستەن بۇرىن ساعات 9 دا جابىلۋ جينالىسى باستالدى. ۋاڭ حۋنيڭ: جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 3 - ماجىلىسىنە قاتىناسۋعا ءتيىستى مۇشە 2454 ادام، ناقتى قاتىناسقانى 2082 ادام، بۇل بەلگىلەمەدەگى ادام سانىنا ۇيلەسەدى ، − دەپ جاريالادى.

ءماجىلىس ساياسي كەڭەس 14 - كەزەكتى مەملەكەتتىك كوميتەتى 3 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، ساياسي كەڭەس 14 - كەزەكتى مەملەكەتتىك كوميتەتى 3 - ءماجىلىسىنىڭ ساياسي كەڭەس 14 - كەزەكتى كوميتەتىنىڭ 2 - ماجىلىسىنەن بەرگى ۇسىنىس جوبا قىزمەتى جاعدايىنان بايانداما جونىندەگى قارارىن، ساياسي كەڭەس 14 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 14 - كەزەكتى كوميتەتى 3 - ءماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى بايانداماسىن، ساياسي كەڭەس 14 - كەزەكتى مەملەكەتتىك كوميتەتى 3 - ءماجىلىسىنىڭ ساياسي قارارىن ماقۇلدادى.

ۋاڭ حۋنيڭ سوزىندە بىلاي دەدى: مەملەكەتتىك ساياسي كەڭەس 14 - كەزەكتى كوميتەتىنىڭ 3 - ءماجىلىسى تۋدى بيىك ۇستاعان، زەيىن ـ زەردەنى، كۇش ـ قۋاتتى شوعىرلاندىرعان، شىندىققا جۇگىنىپ، ناقتى ءىس تىندىرعان، ىنتىماقتاسا العا باسقان ءماجىلىس بولىپ، حالىق ساياسي كەڭەسىنىڭ كورنەكتى ساياسي ابزالدىعىن، ەلىمىزدىڭ جالپى بارىستىق حالىق دەموكراتياسىنىڭ جالىندى ومىرشەڭدىك كۇشىن تولىق ايگىلەدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، ساياسي كەڭەس مۇشەلەرىنە امانداسىپ ءارى بىرىككەن گرۋپپالار تالقىسىنا قاتىناسىپ، ساياسي كەڭەس مۇشەلەرىمەن مەملەكەت ءىسىن بىرگە اقىلداستى. بارلىق ساياسي كەڭەس مۇشەسى ۇكىمەت قىزمەتىنەن باياندامانى جانە باسقا دا باياندامالاردى مۇقيات تالقىلاپ، ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتىنىڭ جاعدايى جونىندەگى بايانداما سياقتى قۇجاتتاردى مۇقيات قاراپ، ۇكىمەت ىسىنە كەڭەس بەرۋدە سۇبەلى تابىستارعا قول جەتكىزدى. بارلىق ساياسي كەڭەس مۇشەسى وتكەن ءبىر جىلدا شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ جالپى جاعدايدى مەڭگەرىپ، وزگەرىسكە بايىپتىلىقپەن توتەپ بەرىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىنشىلىقتاردى جەڭىپ، ۇدەرە العا تارتىپ، ەكونوميكالىق، قوعامدىق دامۋدىڭ باستى نىسانالىق مىندەتتەرىن ءساتتى ورىنداپ، جۇڭگو ۇلگىسىندەگى وسىزامانداندىرۋدا تىڭ دا كەلەلى تابىستارعا قول جەتكىزىلۋىن ىلگەرىلەتكەندىگىن جوعارى باعالادى؛ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى جۇڭگوشا سوتسياليزمنىڭ جاڭا جەڭىسىنە قول جەتكىزۋ بەكىمى مەن سەنىمىن اناعۇرلىم بەكەمدەيتىندىكتەرىن ءبىر اۋىزدان ءبىلدىردى.

ۋاڭ حۋنيڭ مىنالاردى ءبىلدىردى: جۇڭگو كوممۋنيستىك پارتياسىنىڭ جاپپاي باسشىلىعىنا بۇلجىماي تاباندى بولىپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، جۇرت تىلەگىن ۇيىستىرۋ، ورتاق تانىمدى ۇيىستىرۋ، اقىل - پاراساتتى ۇيىستىرۋ، كۇش - قۋاتتى ۇيىستىرۋ قىزمەتىن تىڭعىلىقتى ىستەپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتە وتىرىپ مىندەت اتقارىپ، جاۋاپكەرشىلىكتى ادا ەتىپ، ەڭ كەڭ كولەمدى وتانشىلدىق بىرلىكساپ ۇيىمىنىڭ ساياسي رولىن شىن مانىندە ساۋلەلەندىرىپ، حالىق ساياسي كەڭەسىنىڭ سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى بولۋ رولىن اناعۇرلىم ويداعىداي ساۋلەلەندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ ورەسىن ۇزدىكسىز جوعارىلاتىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرىپ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرۋ ساياسي جاۋاپكەرشىلىگىن اناعۇرلىم ويداعىداي ارقالاۋ كەرەك.

ۋاڭ حۋنيڭ مىنالاردى ءبىلدىردى: شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو كوممۋنيستىك پارتياسى 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ءبىر جاعادان باس، ءبىر جەڭنەن قول شىعارىپ، ىنتىماقتاسا العا باسىپ، جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزۋىمىز كەرەك.

ما شيڭرۇي، ۋاڭ ي، يىن لي، ليۋ گوجۇڭ، لي گانجيە، لي شۋلەي، لي حۇڭجۇڭ، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، ۋ جىڭلۇڭ، چىن ي - چين، جاڭ جۇن، يىڭ يۇڭ قاتارلى باسشى جولداستار دا جابىلۋ جينالىسىنا قاتىناستى.

جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جينالىسىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەردەگى حۋاچياۋلار قاتارلىلار ۇسىنىس بويىنشا جابىلۋ جينالىسىنا قاتىناستى.

ءماجىلىس ايبىندى مەملەكەت انىمەن جابىلدى.

كەلۋ قاينارى: حالىق تورابى