14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدە جابىلدى

3 - ايدىڭ 11 - كۇنى 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى بەيجيڭدەگى حالىق سارايىندا جابىلدى. پارتيا مەن مەملەكەت باسشىلارىنان شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار ءتوراعالار مىنبەسىنەن ورىن الدى.

سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

شينحۋا اگەنتتىگى، 3 - ايدىڭ 11 – كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ءتۇرلى كەڭەستىك تارتىپتەرىن تابىسپەن ورىنداعاننان كەيىن، 3 - ايدىڭ 11 - كۇنى تۇستەن كەيىن بەيجيڭدەگى حالىق سارايىندا جابىلدى. ءماجىلىس ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى. ءماجىلىس مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ ۋاكىلدەرى زاڭىىنا وزگەرىس ەنگىزۋ جونىندەگى قاۋلىنى ماقۇلدادى، مەملەكەت ءتوراعاسى شي جينپيڭ 45 - ءنومىرلى ءتوراعا بۇيرىعىنا قول قويىپ، جاريالادى.

ءماجىلىس ءتوراعالار القاسىنىڭ تاپسىرۋىمەن جابىلۋ جيىنىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي حۇڭجۇڭ باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، ليۋ چي ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

شي جينپيڭ، لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى.

جيىنعا قاتىناسۋعا ءتيىستى ۋاكىل 2929 ادام، قاتىناسقانى 2884 ادام، قاتىناسا الماعانى 45 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

تۇستەن كەيىن ساعات 3 تە لي حۇڭجۇڭ جينالىستىڭ باستالعاندىعىن جاريالادى.

جيىن داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ۇكىمەت قىزمەتىنەن بايانداما جونىندەگى قارارىن ماقۇلدادى. قاراردا مىنالار اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىرىپ، باياندامادا العا قويىلعان 2025 - جىلعى ەكونوميكالىق، قوعامدىق دامۋدىڭ جالپى تالابىنا، ساياسات بەتالىسىنا جانە قىزمەت مىندەتتەرىنە قوسىلىپ، وسى باياندامانى بەكىتۋدى ۇيعاردى.

جيىن داۋىسقا سالۋ ارقىلى مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ ۋاكىلدەرى زاڭىنا وزگەرىس ەنگىزۋ جونىندەگى قاۋلىنى ماقۇلدادى. قاۋلى 3 - ايدىڭ 12 - كۇنىنەن باستاپ اتقارىلادى. «جۇڭحۋا حالىق رەسپۋبليكاسىنىڭ مەملەكەتتىك حالىق قۇرىلتايى مەن جەرگىلىكتى ءار دارەجەلى حالىق قۇرىلتايلارىنىڭ ۋاكىلدەرى زاڭىنا» قاۋلىعا ساي سايكەستى وزگەرىستەر ەنگىزىلىپ، قايتادان جاريالانادى.

جيىن 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2025 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قارارىن داۋىسقا سالىپ ماقۇلدادى، 2024 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2025 - جىلعى حالىق شارۋاشىلىعى مەن قوعامدىق دامۋ جوسپارى جوباسى جونىندەگى باياندامانى بەكىتۋدى ۇيعاردى، 2025 - جىلعى حالىق شارۋاشىلىعى مەن قوعامدىق دامۋ جوسپارىن بەكىتتى؛ 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ 2024 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ احۋالى جانە 2025 - جىلعى ورتالىق پەن جەرگىلىكتى ورىن مەجە ەسەبى جونىندەگى قارارىن داۋىسقا سالىپ ماقۇلدادى، 2024 - جىلعى ورتالىق پەن جەرگىلىكتى ورىن مەجە ەسەبىنىڭ اتقارىلۋ احۋالى جانە 2025 - جىلعى ورتالىق پەن جەرگىلىكتى ورىن مەجە ەسەپ جوباسى جونىندەگى باياندامانى بەكىتۋدى ۇيعاردى، 2025 - جىلعى ورتالىقتىڭ مەجە ەسەبىن بەكىتتى.

جيىن 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى جونىندەگى قارارىن داۋىسقا سالىپ ماقۇلدادى. قاراردا مىنالار اتاپ كورسەتىلدى: ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتىن تولىق تۇراقتاندىرىپ، باياندامادا العا قويىلعان الداعى ءبىر جىلداعى مىندەتتەردى قۇپتاپ، وسى باياندامانى بەكىتۋدى ۇيعاردى.

جيىن داۋىسقا سالۋ ارقىلى 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەت بايانداماسى جونىندەگى قارارىن، ەڭ جوعارى حالىق پروكۋراتۋراسىنىڭ قىزمەت بايانداماسى جونىندەگى قارارىن ماقۇلداپ، وسى 2 باياندامانى بەكىتۋدى ۇيعاردى.

وسىدان كەيىن لي حۇڭجۇڭ ءسوز سويلەدى. ول بىلاي دەدى: 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ءتۇرلى كەڭەستىك تارتىپتەرىن تولىق ورىندادى. ءماجىلىس دەموكراتيانى تولىق ساۋلەلەندىرىپ، ءىستى زاڭ بويىنشا قاتاڭ ىستەپ، نىسانا - مىندەتتەردى ايقىنداپ، سەنىم مەن كۇش - قۋاتتى جەتكىزدى، زەيىن - زەردەنى، كۇش - قۋاتتى ۇيىستىرعان، شىنايى يگەرىپ، ناقتى ىستەگەن، ىنتىماقتاسا العا باسقان ءماجىلىس بولدى. بيىل − ”14 - بەسجىلدىق“ جوبا اياقتالاتىن جىل، رەفورما، دامۋ، ورنىقتىلىق مىندەتى اۋىر. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، وسى رەتكى ءماجىلىستىڭ ورنالاستىرۋلارىن، تالاپتارىن مۇقيات تياناقتاندىرىپ، سەنىمدى بەكەمدەپ، شىنايى يگەرىپ، ناقتى ىستەپ، ءتۇرلى قىزمەتتەردى تىڭعىلىقتى ىستەپ، ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋعا بەرىك نەگىز قالاۋىمىز كەرەك. ءبىز حالىقتى وزەك ەتكەن دامۋ يدەياسىنا تاباندى بولىپ، حالىقتىڭ جاسامپازدىق رۋحىنا قۇرمەت ەتىپ، جالپى بارىستىق حالىق دەموكراتياسىن امالياتتا ايگىلەپ، قالىڭ حالىق بۇقاراسىنىڭ اقىل - پاراساتى مەن كۇش - قۋاتىن ۇيىستىرىپ، بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىرۋىمىز كەرەك. ءبىز قۇدىرەتتى ەل قۇرۋ، ۇلتتى گۇلدەندىرۋ ۇلى جوباسىن كوزدەپ، جۇڭگوشا سوتسياليزم جولىنان اۋىتقىماي ءجۇرىپ، بار زەيىنىمىزبەن ءوز ءىسىمىزدى ويداعىداي ىستەپ، بەلگىلەنگەن ارەكەت باعدارلاماسىن، ستراتەگيالىق شەشىمدى، قىزمەت ورنالاستىرۋىن نىق قاداممەن رەالدىققا اينالدىرۋىمىز كەرەك. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەت، ءبىر تىلەكتە بولىپ، شىندىققا جۇگىنىپ، ناقتى ءىس ىستەپ، ءورىس اشا العا ىلگەرىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەيىك.

تۇستەن كەيىن ساعات 3 تەن 30 مينۋت وتكەندە لي حۇڭجۇڭ: جۇڭحۋا حالىق رەسپۋبليكاسى 14 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى جابىلدى، − دەپ جاريالادى. جينالىس ايبىندى مەملەكەت ءانى ىشىندە اياقتادى.

ما شيڭرۇي، ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋ جىڭلۇڭ، چىن ي - چين، جاڭ جۇن، يىڭ يۇڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، سونداي - اق ورتالىق اسكەري ىستەر كوميتەتىنىڭ مۇشەلەرى ليۋ جىنلي، جاڭ شىڭمين قاتارلىلار دا ءتوراعالار مىنبەسىنەن ورىن الدى.

ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ جانە قارۋلى ساقشى بولىمدەرىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.

شەتەلدەردىڭ جۇڭگودا تۇراتىن ەلشىلەرى ءماجىلىستى سىرتتاي تىڭدادى.

كەلۋ قاينارى: حالىق تورابى