سەنىمدى بەكەمدەپ، ناقتى ءىس ىستەپ، ناقتى ناتيجە جاراتايىق (باسماقالا)

حالىقتىڭ ءۇنىن تىڭداپ، حالىقتىڭ تىلەگىن قابىلداپ، حالىقتىڭ اقىل - پاراساتىن شوعىرلاندىرىپ، حالىقتىڭ كۇش - قۋاتىن توپتادى. 3 – ايدىڭ 11 - كۇنى 14 - كەزەكتى مەملەكەتتىك حالىق قۇرىلتايىنىڭ 3 - ءماجىلىسى ءتۇرلى كەڭەستىك تارتىپتەرىن تولىق ورىنداپ، بەيجيڭدە جەڭىسپەن جابىلدى. ماجىلىسكە قاتىناسقان ۋاكىلدەر كوپتىڭ اقىل - پاراساتىن شوعىرلاندىرىپ، ءماجىلىستىڭ ستيلى پاك، سالتى دۇرىس، جەتىستىكتەرى مول بولىپ، پارتيانىڭ قۋاتتاماسى مەن حالىق ەركىنىڭ بىرلىگىن تولىق ايگىلەدى. ءبىز ءماجىلىستىڭ تابىستى بولعاندىعىن قىزۋ قۇتتىقتايمىز!

”14 - بەسجىلدىق“ جوبا اياقتالاتىن جىلدا بۇل رەتكى ءماجىلىس ورتاق تانىم ۇيىستىرىپ، مىندەتتەردى ايقىنداپ، سەنىمدى بەكەمدەگەن، زەيىن - زەردەنى، كۇش - قۋاتتى شوعىرلاندىرعان، شىنايى يگەرىپ، ناقتى ىستەگەن، ىنتىماقتاسا ەكپىندەي ىلگەرىلەگەن ءماجىلىس بولدى. ءماجىلىس وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ ەرەكشە دامۋ بارىسىن باسىپ ءوتىپ، ادامدى شابىتتاندىراتىن تابىستارعا قول جەتكىزگەندىگىن، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستاعاندىعىن جوعارى باعالادى. ءماجىلىس ۇكىمەت قىزمەتىنەن باياندامانى جانە باسقا دا ءتۇرلى ماڭىزدى باياندامالاردى قارادى جانە بەكىتتى، جوسپار مەن مەجە ەسەپتى تەكسەرىپ بەكىتتى. ۋاكىلدەر بىلاي دەپ قارادى: ۇكىمەت قىزمەتىنەن بايانداما شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ناتيجەلەردى شىندىقتى ءىس جۇزىنەن ىزدەي وتىرىپ قورىتىندىلاپ، جاعدايعا وبيەكتيۆ، دالمە - ءدال تالداۋ جاسادى، بەلگىلەگەن نىساناسى عىلمي، ۇيلەسىمدى بولدى، ورتاعا قويعان شارالارى شىنايى دا ۇتىمدى بولدى، بۇل − نەگىزگى تاقىرىبى ايقىن، جاۋاپكەرشىلىك ارقالاپ العا باسقان، ىنتىماقتاسا قايرات ۇستەگەن تارتىمدى بايانداما. ءماجىلىس ۋاكىلدەر زاڭىنا وزگەرىس ەنگىزۋ جونىندەگى قاۋلىنى قاراپ ماقۇلداپ، جاڭا داۋىردەگى حالىق قۇرىلتايى ۋاكىلدەرى قىزمەتىنىڭ امالياتتىق تاجىريبەلەرى مەن جاڭالىق اشۋ جەتىستىكتەرىن ىشكەرىلەي قورىتىندىلادى، بۇل حالىق قۇرىلتايى ۋاكىلدەرى قىزمەتىنىڭ تۇزىمدەنۋ، جۇيەلىلەنۋ، تارتىپتەنۋ دەڭگەيىن جوعارىلاتۋدا ماڭىزدى مانگە يە. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلدا زاڭ بويىنشا مىندەت اتقارىپ، جاۋاپكەرشىلىك ارقالاپ، جاۋاپكەرشىلىكتى ادا ەتىپ، ءتۇرلى قىزمەتتەردە تىڭ ىلگەرىلەۋشىلىكتەر مەن ناتيجەلەرگە قول جەتكىزگەندىگىن تولىق تۇراقتاندىردى. ءماجىلىستىڭ تابىستى بولۋى بۇكىل ەلدەگى ءار ۇلت حالقىن ۇزدىكسىز كۇرەس جۇرگىزىپ، ەرلىكپەن العا ىلگەرىلەپ، 2025 - جىلعى ءتۇرلى قىزمەتتەردى تىڭعىلىقتى ويداعىداي ىستەپ، جاڭا ساپاردا جاڭا جاۋاپكەرشىلىك ارقالاۋعا، جاڭا ىسكەرلىك كورسەتۋگە شابىتتاندىردى.

قازىر ەلىمىزدىڭ دامۋىندا ءارى سىرتقى ورتا تۇراقسىزدىعىنىڭ سىن - سايىسى ءومىر ءسۇرىپ وتىر، ءارى جاڭا، كونە قوزعاۋشى كۇش اۋىسۋىنىڭ قىسىمىنا ءدوپ كەلىپ وتىر. ”14 - بەسجىلدىق“ جوبانىڭ نىسانالارىن، مىندەتتەرىن جوعارى ساپامەن ورىنداپ، ”15 - بەسجىلدىقتىڭ“ تاماشا باستاماسىن جۇزەگە اسىرۋ ءۇشىن نەگىز قالادى، مىندەت جاپالى، جاۋاپكەرشىلىك اۋىر. جاعداي كۇردەلى دە قاتاڭ بولعان سايىن، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، نىسانادان جازباي، باتىلدىقپەن قامال الىپ، باتىلدىقپەن ىستەپ، ناقتى ىستەپ، ءماجىلىس رۋحىن رەفورمانىڭ ناقتى ونىمدىلىگىنە، دامۋدىڭ ناقتى ونىمدىلىگىنە اينالدىرۋ كەرەك.

بوران - شاشىندى باستان كەشىرۋ بارىسىندا ەسەيىپ - ەرجەتتىك، سىن - سىناقتى باستان كەشىرۋ بارىسىندا زورايدىق، ءبىز، جەڭىسكە جەتۋ سەنىمىمىزدى اناعۇرلىم بەكەمدەيمىز. وتكەن ءبىر جىلدا قات - قابات قيىنشىلىقتار مەن سىن - سايىس الدىندا ەلىمىز ەكونوميكاسىنىڭ جالپى مولشەرى تۇڭعىش رەت 130 تريلليون يۋاننان اسىپ، ارتۋ جىلدامدىعى دۇنيە جۇزىندەگى نەگىزگى ەكونوميكالىق تۇلعالاردىڭ الدىڭعى قاتارىنا ءوتتى. بۇل ەلىمىز دامۋىنىڭ كولەمدىك ابزالدىعىن، بازار ابزالدىعىن، دارىندىلار ابزالدىعىن، جاڭالىق اشۋ ابزالدىعىن تولىق ايگىلەدى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ ساياسي ابزالدىعى مەن جۇڭگوشا سوتسياليزمنىڭ تۇزىمدىك ابزالدىعىن اناعۇرلىم كورنەكتىلەندىردى. بولاشاققا بەت العاندا، ۋاقىت، اۋقىم، ادىلەت ءبىزدىڭ جاعىمىزدا. سەنىم مەن بەكىمدى نىعايتىپ، ستراتەگيالىق تۇراقتىلىقتى ساقتاپ، زەيىن - زەردەنى شوعىرلاندىرا وتىرىپ ءوز ءىسىمىزدى ويداعىداي ىستەسەك، ءسوز جوق، تار جول، تايعاق كەشۋلەردەن ءوتىپ، اسۋلاردان اسا الامىز. حالىق قۇرىلتايى ءتۇزىمى مەملەكەتتىڭ دامۋىن، حالىقتىڭ باقىتىن، ۇلتتىڭ گۇلدەنۋىن ىلگەرىلەتۋ بارىسىندا وراسان زور ساياسي ابزالدىعى مەن ۇيىمدىق ونىمدىلىگىن ايگىلەدى. ءتۇزىم سەنىمىن اناعۇرلىم بەكەمدەپ، حالىق قۇرىلتايى تۇزىمىنە ويداعىداي تاباندى بولىپ، ونى كەمەلدەندىرىپ، ويداعىداي جۇرگىزگەندە عانا، جاڭا ءداۋىردىڭ جاڭا جورىعىنداعى پارتيا مەن حالىقتىڭ كۇرەس نىساناسىن جۇزەگە اسىرۋدى بەرىك تۇزىمدىك كەپىلمەن قامداۋعا بولادى.

ناقتى ءىس ىستەگەندە عانا ەلدى كوركەيتۋگە، كۇرەس جۇرگىزگەندە عانا ەلدى قۇدىرەتتەندىرۋگە بولادى. وليمپيادا سپورت جارىسى ساڭلاقتارىنىڭ شىڭدالۋىنان ەڭبەك سىڭىرگەن ۇلگىلەردىڭ جىل بويى تاپجىلماي ەڭبەكتەنۋىنە دەيىن، سان ميلليونداعان شارۋالاردىڭ قاجىرلىلىقپەن ەڭبەكتەنىپ، استىق وندىرىسىندە قاتارىنان 20 جىل مول ءونىم الۋدى جۇزەگە اسىرۋىنا دەيىن، حالىقتىق كاسىپورىنشىلاردىڭ قاجىرلىلىقپەن يگىلىك جاراتۋ ارقىلى دۇنيە جۇزىلىك ايگىلى ماركا قالىپتاستىرۋىنا دەيىن، اماليات مىنانى جاندى ءتۇسىندىردى: ارماندى جۇزەگە اسىرۋدىڭ توتە جولى جوق، ناقتى ىستەۋ كەرەك. ”14 - بەسجىلدىقتا“ شەشۋشى جەڭىسكە جەتۋدە ءبىز ”100 شاقىرىمدىق جولدىڭ 90 شاقىرىمىن باسساڭ دا، ءالى جولدامىن دەپ ءبىل“ دەيتىن سەرگەكتىكتى ساقتاپ، ”اسقار شىڭنان اسقانشا بەلبەۋدى شەشپەيتىن“ قايسارلىقتى شىڭداپ، جاۋاپكەرشىلىك ارقالاۋعا باتىل بولىپ، ىسكەرلىك كورسەتۋگە شەبەر بولىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنۋىمىز كەرەك. مەملەكەتتىك حالىق قۇرىلتايى مەن ونىڭ تۇراقتى كوميتەتى پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، نەگىزگى زاڭ مەن زاڭداردا جۇكتەلگەن مىندەتىن مۇقيات اتقارىپ، عىلمي زاڭ شىعارۋدى، دەموكراتيالىق زاڭ شىعارۋدى، زاڭ بويىنشا زاڭ شىعارۋدى ىشكەرىلەي ىلگەرىلەتىپ، باقىلاۋ قىزمەتىنىڭ باعىتتامالىلىعى مەن ناقتى ونىمدىلىگىن اناعۇرلىم كۇشەيتسە، جوعارى ساپالى دامۋدى زاڭمەن باسقارۋ جاعىنان بەرىك كەپىلمەن قامداي الادى.

باس شۋجي شي جينپيڭ بىلاي دەپ اتاپ كورسەتتى: ” جۇڭگو ۇلگىسىندەگى وسىزامانداندىرۋدىڭ جاڭا جورىعىندا ءاربىر ادام باس كەيىپكەر، ءاربىر بوداۋ توتەنشە قاستەرلى، ءاربىر ساۋلە جارقىراپ شۇعىلا شاشادى“. العا باسۋ جولىندا، ءسوز جوق، حالىقتىڭ نەگىزگى تۇلعالىق ورنى مەن جاسامپازدىق رۋحىنا تولىق قۇرمەت ەتۋگە تاباندى بولىپ، حالىقتىڭ وزىنە - ءوزى قوجايىن بولۋى ءتۇزىم جۇيەسىن ۇزدىكسىز اقاۋسىزداندىرىپ، حالىقتىڭ بەلسەندىلىگىن، ىرىقتىلىعىن، جاسامپازدىعىن تاسقىنداتۋ كەرەك. حالىق قۇرىلتايى تۇزىمىندە جالپى بارىستىق حالىق دەموكراتياسىن امالياتتا ايگىلەپ، حالىقتىڭ وزىنە - ءوزى قوجايىن بولۋىن قامتاماسىزداندىراتىن كورنەكتى ابزالدىعىن تولىق ساۋلەلەندىرىپ، حالىق بۇقاراسىنىڭ پىكىرى مەن ۇسىنىسىنا قۇلاق اسىپ، حالىق بۇقاراسىمەن قويۋ بايلانىستى ساقتاپ، سانالىلىقپەن حالىقتان اقىل - كەڭەس الىپ، حالىقتىڭ قاجەتىن ۇعىسىپ، جالپى حالىقتىڭ كۇش - قۋاتىن جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم ءونىمدى ۇيىستىرۋ كەرەك.

ءبىر نيەتپەن ىنتىماقتاسىپ، دامۋدى كوزدەپ، جىگەرلەنە بولاشاققا تالپىنۋ كەرەك. جوبانىڭ اياقتالار جىلىندا مەجەلى نىسانانى جۇزەگە اسىرۋدىڭ ۋاقىتى تىعىز، مىندەتى اۋىر، تالابى جوعارى، ءسوز جوق، ۋاقىت كۇتىپ تۇرمايدى دەيتىن رۋحپەن، سەكۋندتى دا زايا جىبەرمەيتىن ارەكەتپەن تياناقتاندىرۋدى مىقتى يگەرۋ كەرەك. ۋاقىت كۇتىپ تۇرمايدى، تاريح كۇتىپ تۇرمايدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىنتىماقتاسا كۇرەس جۇرگىزىپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋدىڭ ۇلى جوباسىن نىق قاداممەن تاماشا رەالدىققا اينالدىرايىق.

كەلۋ قاينارى: حالىق تورابى