ج ك پ ورتالىق كوميتەتى، مەملەكەتتىك كەڭەس «اۋىل شارۋاشىلىعىندا قۋاتتى ەل قۇرۋدى جەدەلدەتۋ جوباسىن (2024 − 2035 - جىل)» باسىپ تاراتتى

ج ك پ ورتالىق كوميتەتى، مەملەكەتتىك كەڭەس تاياۋدا «اۋىل شارۋاشىلىعىندا قۋاتتى ەل قۇرۋدى جەدەلدەتۋ جوباسىن (2024 − 2035 - جىل)» باسىپ تاراتتى.

جوبادا مىنالار العا قويىلدى: 2027 ـ جىلعا بارعاندا، اۋىل شارۋاشىلىعىندا قۋاتتى ەل قۇرۋدا كورنەكتى ىلگەرىلەۋشىلىككە قول جەتكىزىلەدى. اۋىل ـ قىستاقتى جاپپاي گۇلدەندىرۋدە ماندىك ىلگەرىلەۋشىلىككە قول جەتىپ، اۋىل شارۋاشىلىعىن، اۋىل ـ قىستاقتى وسىزامانداندىرۋ تىڭ ساتىعا كوتەرىلەدى. 2035 - جىلعا بارعاندا، اۋىل شارۋاشىلىعىندا قۋاتتى ەل قۇرۋدا كورنەكتى ونىمدىلىككە قول جەتكىزىلەدى. اۋىل ـ قىستاقتى جاپپاي گۇلدەندىرۋدە شەشۋشى ىلگەرىلەۋشىلىككە قول جەتىپ، اۋىل شارۋاشىلىعىن وسىزامانداندىرۋ نەگىزىنەن جۇزەگە اسىپ، اۋىل ـ قىستاقتاردا وسى زامانعى تۇرمىس شارت ـ جاعدايى نەگىزىنەن ازىرلەنەدى. وسى عاسىردىڭ ورتا شەنىنە بارعاندا، اۋىل شارۋاشىلىعىندا قۇدىرەتتى ەل جاپپاي قۇرىلادى. اۋىل ـ قىستاقتار جاپپاي گۇلدەنىپ، اۋىل شارۋاشىلىعىن، اۋىل ـ قىستاقتاردى وسىزامانداندىرۋ جاپپاي جۇزەگە اسادى.

جوبادا مىنالار العا قويىلدى: استىق حاۋىپسىزدىگىنىڭ نەگىزىن جان ـ جاقتى بەكەمدەپ، جۇڭگولىقتاردىڭ ىشەر اسىن اناعۇرلىم مىقتى، اناعۇرلىم ورنىقتى ۇستاۋ كەرەك؛ تۇتاس سالادا اۋىل شارۋاشىلىق عىلىم ـ تەحنيكا جابدىقتارىندا جاڭالىق اشۋدى ىلگەرىلەتىپ، جوعارى دەڭگەيدەگى اۋىل شارۋاشىلىق عىلىم ـ تەحنيكاسىنڭ ءوز كۇشىنە سۇيەنىپ ءوزىن الۋەتتەندىرۋىن جەدەل جۇزەگە اسىرۋ كەرەك؛ تۇتاس بۋىندا وسى زامانعى اۋىل شارۋاشىلىق تيجارات جۇيەسىن كەمەلدەندىرىپ، شاعىن شارۋا وتباسىلارى مەن وسى زامانعى اۋىل شارۋاشىلىعىنىڭ دامۋىن ورگانيكالى ۇشتاستىرۋدى جەبەۋ كەرەك؛ تۇتاس تىزبەكتە اۋىل شارۋاشىلىق كاسىپ جۇيەسىنىڭ دارەجەسىن جوعارىلاتۋدى ىلگەرىلەتىپ، اۋىل شارۋاشىلىعىنىڭ جالپىلىق ونىمدىلىگىن جوعارىلاتۋ كەرەك؛ اۋىل شارۋاشىلىعىنىڭ سىرتپەن سەلبەستىگىن ونان ارى تەرەڭدەتىپ، اۋىل شارۋاشىلىعىنىڭ حالىقارالىق باسەكەسىنىڭ جاڭا باسىمدىلىعىن جەتىلدىرۋ كەرەك؛ قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن جوعارى ساپامەن ىلگەرىلەتىپ، اۋىل - قىستاقتىڭ وسى زامانعى تۇرمىس ورەسىن جوعارىلاتۋ كەرەك؛ قالا مەن اۋىلدىڭ توعىسپالى دامۋىن جەبەپ، قالا مەن اۋىلدىڭ پارقىن ازايتۋ كەرەك.

كەلۋ قاينارى: حالىق تورابى