ەمدۋ قامسىزداندىرۋ الدامشىلىعىن اشكەرەلەگەندەرگە سيلىق بار   مەملەكەتتىك ەمدەۋ قامسىزداندىرۋ مەكەمەسى قوعامدىق باقىلاۋ ارقىلى ”اۋرۋ كورسەتەتىن اقشانى“ قورعاۋعا ۇندەدى

شينحۋا اگەنتتىگىنىڭ 4 – ايدىڭ 7 - كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 7 – كۇنى مەملەكەتتىك ەمدەۋ قامسىزداندىرۋ مەكەمەسىنەن ۇعىسۋىنشا، مەملەكەتتىك ەمدەۋ قامسىزداندىرۋ مەكەمەسىنىڭ ۋيچات الەۋمەتتىك تەكشەسى توراپتا اشكەرەلەۋ يقۋاتىن ىسكە قوسقان، قالىڭ قوعامدىق قۇرىلىمدار مەن بۇقارا توراپتا ەمدەۋ قامسىزداندىرۋ الدامشىلىعىنا قاتىستى جاعدايلاردى اڭىس ەتە الادى.

ۇعىسۋعا قاراعاندا، ەگەر ەمدەۋ قامسىزداندىرۋ قورىن الداپ الۋ ارەكەتى بايقالسا، مەملەكەتتىك ەمدەۋ قامسىزداندىرۋ مەكەمەسى ۋيچات الەۋمەتتىك تەكشەسىنىڭ باس بەتىنىڭ استىنداعى ”ۇكىمەت پەن حالىقتىڭ ىقپالداستىعى“ دەگەن بەت ارقىلى ”ەمدۋ قامسىزداندىرۋ الدامشىلىعىنا سوققى بەرۋ“ دەگەن جەردى باسىپ كىرىپ، ”توراپتا ارىز - ارمان ايتۋ“ نەمەسە ”مەكەمە باستىعىنىڭ حات ساندىعى“ ارقىلى قاتىستى جاعدايلاردى اڭىس ەتۋگە بولادى.

مەملەكەتتىك ەمدەۋ قامسىزداندىرۋ مەكەمەسى، قازىنا مينيسترلىگى جاريالاعان ەمدەۋ قامتاماسىزداندىرۋ قورىن زاڭعا، بەلگىلەمەگە قايشى پايدالانۋدى اشكەرەلەۋ، سيلاۋ ادىسىنە ساي، ەمدەۋ قامتاماسىزداندىرۋ اكىمشىلىك تاراۋلارى سيلاۋ شارتىنا ۇيلەسەتىن اشكەرەلەۋشىلەرگە دەلو قۇنىنىڭ بەلگىلى سالىستىرماسى بويىنشا ءبىر جولدا قارجىلاي سيلىق بەرەدى، ەڭ جوعارى بولعاندا 200 مىڭ يۋاننان اسپايدى، ەڭ تومەن بولعاندا 200 يۋاننان كەم بولمايدى. 2024 – جىلى 11 – ايدا مەملەكەتتىك ەمدەۋ قامسىزداندىرۋ مەكەمەسى ەمدەۋ قامسىزداندىرۋ قورىنىڭ قوعامدىق باقىلاۋ جانە اشكەرەلەۋ، سيلاۋ جينالىسىن اشىپ، ەمدەۋ قامسىزداندىرۋ قورىنىڭ حاۋىپسىزدىگىن قورعاۋ جاعىندا ۇلەس قوسقان اشكەرەلەۋشىلەرگە ناق مايداندا سيلىق اقشا تاراتتى.

مەملەكەتتىك ەمدەۋ قامسىزداندىرۋ مەكەمەسى بىلاي دەدى: ەمدەۋ قامسىزداندىرۋ قورى ‐ حالىق بۇقاراسىنىڭ ”اۋرۋ كورسەتەتىن اقشاسى“، ”قۇتقارۋ اقشاسى“، ەمدەۋ قامسىزداندىرۋ قورىن زاڭعا، بەلگىلەمەگە قايشى پايدالانۋ حالىق بۇقاراسىنىڭ ورتاق مۇددەسىنە زيان جەتكىزەدى. ەمدەۋ قامسىزداندىرۋ قورىن الداپ الۋ ارەكەتىنە سوققى بەرۋدە اۋىر سوققى بەرۋمەن بىرگە، قوعامداعى ءار سالانىڭ بىرگە ات سالىسۋىن دا قاجەت ەتەدى.

كەلۋ قاينارى: حالىق تورابى