بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.04.10 15:09 كەلۋ قاينارى : حالىق تورابى
بازار باقىلاۋ ـ باسقارۋ باس مەكەمەسى، وقۋ ـ اعارتۋ مينيسترلىگى، قوعام حاۋىپسىزدىگى مينيسترلىگى، قازىنا مينيسترلىگى، مەملەكەتتىك دەنساۋلىق ساقتاۋ جانە سالاماتتىق كوميتەتى تاياۋدا «كوكتەم، كۇز ماۋسىمدارىندا مەكتەپ اۋلاسىنداعى ازىق ـ تۇلىك حاۋىپسىزدىگى مەن ازىق – تۇلىك قاراجاتىن بىرلەسىپ تەكسەرۋدى ۇدايىلاندىرۋ جونىندەگى ۇقتىرۋدى» باسىپ تاراتىپ، جەر ـ جەردىڭ مەكتەپ اۋلاسىنداعى ازىق ـ تۇلىك حاۋىپسىزدىگى مەن ازىق – تۇلىك قاراجاتىن باسقارۋدى كۇشەيتىپ، ءار وقۋ ماۋسىمىندا بىرلەسىپ تەكسەرۋدى ۇدايىلاندىرۋدى ورنالاستىردى.
«ۇقتىرۋدا» مىنالار اتاپ كورسەتىلدى: بىرلەسىپ تەكسەرۋ كولەمى ورتا، باستاۋىش مەكتەپتەردىڭ مەكتەپ اسحاناسى، كوتەرمەگە الىپ تيجارات جۇرگىزەتىن كاسىپورىندار، مەكتەپ سىرتىنداعى تاماقپەن قامدايتىن ورىندار قاتارلىلاردى قامتيدى. باسقا مەكتەپتەردىڭ، بالالار باقشاسىنىڭ اسحانالارىن تەكسەرۋدى وسى ۇقتىرۋ بويىنشا اتقارۋعا بولادى.
بىرلەسىپ تەكسەرۋدىڭ ءتۇيىندى مىندەتتەرى ازىق ـ تۇلىك قاراجاتىن باسقارۋ، تاماقپەن قامداۋ اينالىمىن باسقارۋ، مەكتەپ باستىعى جاۋاپتى بولۋ ءتۇزىمىن تياناقتاندىرۋ، زات ەنگىزۋ ءتۇزىمىن تياناقتاندىرۋ، مانەرلەۋ، جاساۋ بارىسىن تياناقتاندىرۋ، ءنارلى تاماقپەن قامداۋ، قوعاممەن بىرگە جونگە سالۋ سىندى 7 جاقتاعى مازمۇندى قامتيدى. مىسالى:
مەكتەپ اسحانانىڭ كىرىس - شىعىس احۋالىن مەرزىم بويىنشا اشىق جاريالاپ، وقىتۋشى - وقۋشىلاردىڭ، اتا - انالاردىڭ جانە قوعامنىڭ باقىلاۋىن سانالى تۇردە قابىلدادى ما، جوق پا؛
مەكتەپ باستىعى ءار وقۋ ماۋسىمى باستالعان ءبىرىنشى اپتادا وقۋ باستالعان ءبىرىنشى تاماقتى بىرگە ءىشتى مە، جوق پا؛
مەكتەپ اسحاناسى، مەكتەپ سىرتىنداعى تاماقپەن قامدايتىن ورىندار ازىق - تۇلىك جانە شيكىزات ەنگىزۋ ءتۇزىمىن قاتاڭ اتقارا ما، جوق پا، تالاپ بويىنشا شەشۋشى بۋىنداردىڭ بارىسىن قاتاڭ تىزگىندەدى مە، جوق پا دەگەن سياقتىلار؛
«ۇقتىرۋدا» مىنالار تالاپ ەتىلدى: تاراۋلار قىزمەت مىندەتىنە ساي، سالىستىرىپ تەكسەرۋدە كەستە جاساپ، ءتۇرلى ماسەلەلەردىڭ كومەسكى قاتەرىن قاتاڭ تەكسەرىپ، قاتاڭ باسقارىپ، بايقالعان ماسەلەلەردىڭ كومەسكى قاتەرىن زاڭ بويىنشا دەر كەزىندە تۇزەتۋگە قۋزاۋى كەرەك.
ۇقتىرۋدا مىنالار تالاپ ەتىلدى: جەر – جەر ءىس جۇزىندىك جاعدايمەن ۇشتاستىرىپ، ءار وقۋ ماۋسىمىندا كەمىندە ءبىر رەت بىرلەسىپ تەكسەرۋ ۇيىمداستىرىپ، بىرلەسىپ تەكسەرۋ ارقىلى مەكتەپكە كىرۋ، كاسىپورىنعا كىرۋ جيىلىگىن ءونىمدى ازايتىپ، قايتالاي تەكسەرۋ، كوپ جاقتى تەكسەرۋ قۇبىلىسىنىڭ تۋىلۋىنان ساقتانۋ كەرەك. تاراۋلار ۇيىمدىق باسشىلىقتى جانە بىرلەسىپ قيمىلداۋدى، سايكەسۋدى كۇشەيتىپ، جاعدايدى حابارلاندىرۋ، ماسەلەلەردى رەتتەۋ ـ تۇزەتۋ، دەرەكتەردى وتكىزىپ بەرۋ قاتارلى قىزمەت مەحانيزمىن ۇزدىكسىز ورناتىپ جانە كەمەلدەندىرىپ، كاسىپ ءتارتىبىنىڭ تۇتاسۋى مەن جازانى اتقارۋدىڭ ۇشتاسۋىن كۇشەيتۋ كەرەك.
كەلۋ قاينارى: حالىق تورابى
