بۇل شيپاحانالار بيىل 6 - ايدىڭ سوڭىنان بۇرىن دەنە سالماعىن باسقارۋ امبۋلاتورياسىن جاپپاي قامتۋدان ءۇمىت بار

شينحۋا اگەنتتىگىنىڭ 4 – ايدىڭ 10 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 10 – كۇنى مەملەكەتتىك دەنساۋلىق ساقتاۋ جانە سالاماتتىق كوميتەتىنەن ۇعىسۋىنشا، مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭگوشا ەمدەۋ جانە ءدارى – دارمەك مەكەمەسى تاياۋدا «دەنە سالماعىن باسقارۋ امبۋلاتورياسىن قۇرۋ جانە باسقارۋ قىزمەتىن ويداعىداي ىستەۋ جونىندەگى ۇقتىرۋدى» باسىپ تاراتقان، شارت - جاعدايى بار 3 - دارەجەلى ۋنيۆەرسال شيپاحانالاردىڭ، بالالار شيپاحانالارىنىڭ، جۇڭگوشا ەمدەۋ شيپاحانالارىنىڭ (جۇڭگوشا ەمدەۋ مەن باتىسشا ەمدەۋدى ۇشتاستىرۋ شيپاحانالارىن، از ۇلت ەمدەۋ شيپاحانالارىن قامتيدى) دەنە سالماعىن باسقارۋ امبۋلاتورياسىن قۇرۋىن قولدايدى. مەملەكەتتىك دەنساۋلىق ساقتاۋ جانە سالاماتتىق كوميتەتى، مەملەكەتتىك جۇڭگوشا ەمدەۋ جانە ءدارى ـ دارمەك مەكەمەسىنە قاراستى (باسقاراتىن)، ولكەگە (اۆتونوميالى رايون، توتە قاراستى قالا) قاراستى ۋنيۆەرسال شيپاحانالار، بالالار شيپاحانالارى، جۇڭگوشا شيپاگەرلىك شيپاحانالارى 2025 ـ جىلى 6 ـ ايدىڭ سوڭىنان بۇرىن دەنە سالماعىن باسقارۋ امبۋلاتورياسىن جاپپاي قامتۋدى نەگىزىنەن جۇزەگە اسىرۋ كەرەك.

ساناققا قاراعاندا، ەلىمىزدە 18 جاستاعى جانە ودان جوعارى تۇرعىنداردىڭ سالماق ارتۋ جانە سەمىزدىك مولشەرى %50 تەن اسقان، 6 جاستان 17 جاسقا دەيىنگى بالالاردىڭ، جاستار مەن ورەندەردىڭ سەمىزدىك مولشەرى %20 كە تاياپ، قانتتى نەسەپ اۋرۋىنىڭ، جۇرەك قان تامىر اۋرۋلارىنىڭ ماڭىزدى سەبەبىنە اينالعان.

ۇقتىرۋدا مىنالار اتاپ كورسەتىلدى: دەنە سالماعىن باسقارۋ امبۋلاتورياسى سالىستىرمالى تۇراقتى بالالار ءبولىمى، بەساسپاپ ءبولىمى، ىشكى سەكرەتسيا ءبولىمى، كلينيكالىق قورەكتىك ءبولىمى، جۇڭگوشا شيپاگەرلىك ءبولىمى قاتارلى بولىمدەردىڭ شيپاگەرلەرىن ورنالاستىرادى ءارى امبۋلاتوريا جيىلىگىن ۇيلەسىمدى ورنالاستىرادى. جالپىلىق قۋاتى ءبىرشاما كۇشتى شيپاحانالاردىڭ سەمىزدىكتەن ساقتانۋ جانە ونى ەمدەۋ ورتالىعىن قۇرۋىنا دەم بەرىپ، بالنيتساعا جاتىپ دەنە سالماعىن باسقارۋعا قاتىستى قىزمەت وتەۋ كەرەك. شارت - جاعدايى بار نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ دەنە سالماعىن باسقارۋ امبۋلاتورياسىن قۇرۋىنا دەم بەرىپ جانە قولداۋ كورسەتىپ، ۇگىت – تاربيە جۇرگىزۋ، سۇراستىرىپ تۇرۋ، سالاماتتىقتى باسقارۋ قاتارلى قىزمەت وتەۋمەن قامداپ، جوعارىدان تومەنگە قاراي اۋىستىرىپ دياگنوز قويۋ ءتارتىبىن ساپالىلاندىرۋ كەرەك. شارت - جاعدايى بار شيپاحانالاردى ينتەرنەت تەحنيكاسى، جاساندى زەردە، كيۋگە بولاتىن جابدىق قاتارلىلار ارقىلى سۇراستىرىپ تۇرۋ، باقىلاۋ - تەكسەرۋ، دەنساۋلىققا جەتەكشىلىك ەتۋ قاتارلى قىزمەت وتەۋدى ورىستەتۋگە شابىتتاندىرۋ كەرەك.

تۇرلىشە ادامداردىڭ قاجەتىنە باعىتتاي وتىرىپ، دەنە سالماعىن باسقارۋ امبۋلاتورياسى تۇرگە ءبولىپ قىزمەت وتەۋگە، باسقارۋعا تاباندى بولادى: دەنە سالماعى قالىپسىز بۇقاراعا دەنە سالماعىن باسقارۋعا قاتىستى اقىل - كەڭەس بەرۋ، باعالاۋ، كلينيكالىق قورەكتىك، ارەكەت ارقىلى ساۋىقتىرۋ، رۋحاني پسيحيكا، جۇڭگوشا شيپاگەرلىك، ءدارى – دارمەك قاتارلى كاسىپتىك جەتەكشىلىك ەتۋ جانە قولداۋ كورسەتەدى؛ سەمىزدىك، قورەكتىك زات الماسۋى كەدەرگىگە ۇشىراعان ناۋقاستارعا كاسىپتىك ەمدەۋ جاعىنان قىزمەت وتەيدى؛ قوسانجار اۋرۋلاردى بىرىكتىرۋگە ارناۋلى ەمدەۋ جاعىنان قىزمەت وتەيدى. دەنە سالماعى قالىپسىز قارتتار، بالالار، جۇكتى ايەلدەر، سوزىلمالى اۋرۋعا شالدىققاندار، كاسىپتىك ادامدار قاتارلى ءتۇيىندى قاۋىمعا قاراتا دەنە سالماعىن دارالىق جاقتان باسقارۋ قىزمەت وتەۋىمەن قامدايدى.

ۇقتىرۋدا مىنالار تالاپ ەتىلدى: ەمدەۋ قىزمەتكەرلەرىنىڭ دەنە سالماعىن باسقارۋعا جەتەكشىلىك ەتۋ پرينسيبى، جوعارى قان قىسىم قاتارلى سوزىلمالى اۋرۋلاردىڭ قورەكتىگى مەن ارەكەتىنە جەتەكشىلىك ەتۋ پرينسيبى، سەمىزدىكتى ەمدەۋ باعدارناماسى قاتارلىلارعا بويسۇنا وتىرىپ، ۇيلەسىمدى ازىقتانۋ، ارەكەت جاساۋ، رۋحاني جاقتان قولداۋ كورسەتۋ سياقتى تۇرمىس تاسىلىنە ارالاسىپ، قاتىستى دارىلەردى ۇيلەسىمدى پايدالانىپ، ۇيلەسۋ كۋالىگى بويىنشا ۇيلەسىمدى ەمدەۋ ءتاسىلىن قاتاڭ تاڭداۋعا جەتەكشىلىك ەتۋ كەرەك. دەنە سالماعىن باسقاراتىن دارىندىلار قوسىنى قۇرىلىسىن كۇشەيتىپ، كاسىپتىك قىزمەتكەرلەردى ۇيلەسىمدى ورنالاستىرىپ، ەمدەۋ قىزمەتكەرلەرىنىڭ دەنە سالماعىن باسقارۋعا قاتىستى ەمدەۋ قىزمەت وتەۋىمەن شۇعىلدانۋ بەلسەندىلىگىن تولىق جۇمىلدىرۋ كەرەك.

كەلۋ قاينارى: حالىق تورابى