جوعارى مەكتەپ بىتىرگەن وقۋشىلاردىڭ ساپالى، تولىق جۇمىستانۋىن جەبەۋ كەرەك (ساياساتتىق تۇسىنىك) 

تاياۋدا جۇڭگو كوممۋنيستىك پارتياسى ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى ادەتتەگى جوعارى مەكتەپ بىتىرگەن وقۋشىلاردىڭ جوعارى ساپالى جۇمىستانۋىنا قىزمەت وتەۋ جۇيەسىن جەدەل قۇرۋ جونىندەگى پىكىردى (تومەندە قىسقاشا «پىكىر» دەلىنەدى) باسىپ تاراتتى. وقۋ – اعارتۋ مينيسترلىگى جوعارى مەكتەپ وقۋشىلارى تارماق مەكەمەسىنىڭ (جوعارى مەكتەپ بىتىرگەن وقۋشىلاردىڭ جۇمىستانۋىنا قىزمەت وتەۋ تارماق مەكەمەسى) جاۋاپتىسى قاتىستى ماسەلەلەر جونىندە تىلشىلەردىڭ سۇراۋىنا جاۋاپ بەردى.

جوعارى مەكتەپ بىتىرگەن وقۋشىلاردىڭ كولەمى ءۇرتىس 3 جىل 10 ميلليوننان استى، الدا ادام كۇشى بايلىعىمەن قامداۋ - قاجەتسىنۋ سايكەسپەگەن قۇرىلىمدىق جۇمىستانۋ قايشىلىعى ويداعىداي شەشىلەدى

ءتىلشى: «پىكىردىڭ» شىعارىلۋ استارى قانداي؟

جاۋاپ: جوعارى مەكتەپ بىتىرگەن وقۋشىلار _ پارتيا مەن مەملەكەتتىڭ باعالى دارىندىلار بايلىعى. پارتيا ورتالىق كوميتەتى، مەملەكەتتىك كەڭەس جوعارى مەكتەپ بىتىرگەن وقۋشىلاردىڭ جۇمىستانۋ قىزمەتىنە باسا ءمان بەرىپ وتىر. «وقۋ – اعارتۋدا قۋاتتى ەل قۇرۋ جوبا باعدارلاماسىندا (2024 – جىلدان 2035 – جىلعا دەيىن)» ”جوعارى مەكتەپ بىتىرگەن وقۋشىلاردىڭ جوعارى ساپالى جۇمىستانۋىنا قىزمەت وتەۋ جۇيەسىن جەدەل قۇرىپ، جوعارى مەكتەپ بىتىرگەن وقۋشىلاردىڭ جوعارى ساپالى، تولىق جۇمىستانۋىن جەبەۋ“ ورنالاستىرىلدى.

جوعارى مەكتەپ بىتىرگەن وقۋشىلاردى جۇمىستاندىرۋ قىزمەتى _ جوعارى دارەجەلى وقۋ - اعارتۋدىڭ ەكونوميكالىق، قوعامدىق دامۋ قاجەتىمەن ءونىمدى ۇشتاسۋ ءتۇيىنى، ول ايقىن ساياسي سيپاتقا، حالىقتىق سيپاتقا، ستراتەگيالىق سيپاتقا يە. قازىر ەلىمىزدىڭ جوعارى دارەجەلى وقۋ - اعارتۋى جالپىلاسۋ ساتىسىنا قادام تاستادى، جوعارى مەكتەپ بىتىرگەن وقۋشىلاردىڭ كولەمى ءۇرتىس ارتىپ، 2022 - جىلدان باستاپ ءۇرتىس 3 جىل ون ميلليوننان استى. جوعارى دارەجەلى وقۋ ـ اعارتۋدا دارىندىلارمەن قامداۋ - قاجەتسىنۋدىڭ ۇيلەسىمدى بولۋىن جەبەۋدى ارقاۋ ەتىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم پارمەندى دارىندىلار تىرەگىن ازىرلەۋ ءۇشىن، ماسەلەنى نىشان ەتۋدى كورنەكتىلەندىرىپ، قامداۋ مەن قاجەتسىنۋدى سايكەستىرۋ، قىزمەت وتەۋ دارەجەسىن جوعارىلاتۋ، مەحانيزمدى ساپالىلاندىرۋ سياقتى جاقتارداعى ماسەلەلەردى كۇش سالا شەشۋگە تۋرا كەلەدى.

«پىكىردى» جاساۋ قىزمەتىن ويداعىداي ىستەۋ ءۇشىن، ورتالىق وقۋ - اعارتۋ قىزمەتىنە باسشىلىق ەتۋ گرۋپپاسى ءبىر تۇتاس جوسپارلاپ باسشىلىق ەتۋدى كۇشەيتتى، وقۋ - اعارتۋ مينيسترلىگى قاتىستى تاراۋلارمەن بىرگە ىشكەرىلەي تەكسەرۋ - زەرتتەۋ، دالەلدەۋ جۇرگىزىپ، جەر - جەردەن، تاراۋلاردان، قاتىستى جوعارى مەكتەپتەردەن، مامانداردان، وقىمىستىلاردان جانە ادام ىستەتۋشى ورىنداردان كەڭ كولەمدە پىكىر - ۇسىنىس الدى.

جوعارى مەكتەپ بىتىرگەن وقۋشىلاردىڭ جوعارى ساپالى جۇمىستانۋىنا قىزمەت وتەۋ جۇيەسىن قۇرۋ _ وقۋ - اعارتۋدىڭ، عىلىم - تەحنيكانىڭ، دارىندىلاردىڭ تاماشا اينالىمىن ىركىلىسسىزدەندىرۋدىڭ ماڭىزدى كۇش سالۋ ءتۇيىنى. «پىكىر» جاريالانعاننان كەيىن ونەگە كورسەتىپ ادام تاربيەلەۋدى ءونىمدى ىلگەرىلەتىپ، جوعارى مەكتەپتەن وقۋ بىتىرگەن وقۋشىلاردى جۇمىستاندىرۋ قىزمەت ءتۇزىلىس، مەحانيزمىن اناعۇرلىم ساپالىلاندىرىپ، ادام كۇشى بايلىعىمەن قامداۋ - قاجەتسىنۋ سايكەسپەگەن قۇرىلىمدىق جۇمىستاندىرۋ قايشىلىعىن ويداعىداي شەشىپ، جوعارى مەكتەپتەن وقۋ بىتىرگەن وقۋشىلاردىڭ جوعارى ساپالى، تولىق جۇمىستانۋىن جەبەيدى.

كاسىپ سالاسى دارىندىلارىنىڭ سۇرانىسى مەن جۇمىسقا ورنالاستىرۋ جاعىنداعى باعالاۋدى جەتەكشى ەتىپ، جۇمىسقا ورنالاستىرۋعا قىزمەت وتەۋدى تۇتاس تىزبەك بويىنشا ساپالىلاندىرۋ كەرەك

ءتىلشى: پىكىردىڭ قۇرىلىمى مەن باستى مازمۇنى نە؟

جاۋاپ: «پىكىردىڭ» نەگىزگى تۇلعاسى 7 ءبولىم، 20 تارماقتان قۇرالعان، ءبىرىنشى ءبولىمى ”جالپىلىق تالاپ“ جانە ”التى ءىرى جۇيەدەن“ قۇرالادى.

ءبىرىنشى بولىمىندەگى ”جالپىلىق تالاپ“ جوعارى مەكتەپ بىتىرگەن وقۋشىلاردىڭ جوعارى ساپالى جۇمىستانۋىنا قىزمەت وتەۋ جۇيەسىن قۇرۋدىڭ ءتۇبىرلى ولشەمى، نەگىزگى جولى جانە قىزمەت نىساناسى سياقتى ماسەلەلەرگە جاۋاپ قايتاردى. جوعارى مەكتەپ بىتىرگەن وقۋشىلاردىڭ جوعارى ساپالى جۇمىستانۋىنا قىزمەت وتەۋ جۇيەسىن قۇرۋدا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە پارتيا 20 ـ كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جۇمىستانۋدى الدىمەن ويلاستىرۋ ستراتەگياسىن اتقارىپ، جوعارى مەكتەپ بىتىرگەن وقۋشىلاردىڭ جۇمىستانۋىن ەڭ ماڭىزدى ورىنعا قويۋ كەرەك. جۇيە قۇرۋدىڭ نەگىزگى جولى جونىندە كاسىپ سالاسى دارىندىلارىنىڭ سۇرانىسى مەن جۇمىستانۋ تەرمينالىن باعالاۋدى جەتەكشى ەتىپ، تاربيەلەۋ، قامداۋ، جۇمىستانۋعا جەتەكشىلىك ەتۋ، قىزمەت ىزدەۋ، قىزمەتكەر قابىلداۋ، كومەكتەسۋ، سۇيەمەلدەۋ، باعالاۋ، باقىلاۋ سياقتى قىزمەت وتەۋدى تۇتاس تىزبەك بويىنشا ساپالىلاندىرىپ، ۇيرەنگەن ارتىقشىلىعىن ساۋلەلەندىرۋگە ءتيىمدى جۇمىس ورىندارىن اشىپ، قامداۋ مەن قاجەتسىنۋدى ۇشتاستىرۋ مەحانيزمىن كەمەلدەندىرۋ كەرەك. جۇيە ورناتۋ قىزمەت نىساناسى جونىندە 3 - 5 جىل ۇزدىكسىز قۇلشىنۋ ارقىلى بارلىق قىزمەتكەردى قامتىعان، فۋنكتسياسى كەمەلدى، قامتاماسىزداندىرۋى پارمەندى قىزمەت وتەۋ جۇيەسىن نەگىزىنەن ورناتىپ، جوعارى مەكتەپ بىتىرگەن وقۋشىلاردىڭ جوعارى ساپالى، تولىق جۇمىستانۋىن جەبەۋگە بەرىك كەپىلدىك ازىرلەۋ ورتاعا قويىلدى.

”التى ءىرى جۇيەنى“ 3 بولەككە بولۋگە بولادى، ول باۋلۋ، جەتىلدىرۋ قامداۋ جۇيەسىن ساپالىلاندىرۋ، ءداستۇرلى جۇمىستانۋعا قىزمەت وتەۋ جۇيەسىن جوعارىلاتۋ جانە ونى بەكەمدەۋ، قولداۋ، قامتاماسىز ەتۋ جۇيەسىن بەكەمدەۋ سياقتىلاردان بىرگە قۇرالعان. ساپالى تاربيەلەۋ، قامداۋ جۇيەسى بولەكتەرىندە دارىندىلاردىڭ دامۋ بەتالىسى مەن جاعدايىن عىلمي جولمەن زەرتتەپ تۇجىرىمداپ، قامداۋ مەن قاجەتسىنۋدىڭ ۇيلەسىمدىلىگىن جەبەۋدى باعدار ەتىپ، جوعارى دارەجەلى وقۋ - اعارتۋدىڭ كاسىپتىك جانە بايلىق قۇرىلىمى ورنالاستىرۋىن يكەمدى رەتتەپ، وقۋشى قابىلداۋ جوسپارىن، دارىندىلاردى تاربيەلەۋ مەن جۇمىستاندىرۋدىڭ ىقپالداستىق مەحانيزمىن كەمەلدەندىرۋ ورتاعا قويىلدى. ءداستۇرلى جۇمىستانۋعا قىزمەت وتەۋ جۇيەسىنىڭ دارەجەسىن جوعارىلاتۋ ءبولىمى جۇمىستانۋعا جەتەكشىلىك ەتۋ جۇيەسىن كۇشەيتۋ، جۇمىس ىزدەۋ، قىزمەتكەر قابىلداۋ جۇيەسىن اقاۋسىزداندىرۋ، كومەكتەسۋ، سۇيەمەلدە جۇيەسىن كەمەلدەندىرۋ، باقىلاۋ - تەكسەرۋ، باعالاۋ جۇيەسىندە جاڭالىق اشۋدى قامتيدى. قامتاماسىز ەتۋ جۇيەسى بولىگىن بەكەمدەپ، كۇشەيتۋدە جوعارى مەكتەپ بىتىرگەن وقۋشىلاردىڭ جۇمىستانۋىنا قىزمەت وتەۋ قۇرىلىمىن قۇرۋ، ارنايىلانعان جۇمىستانۋعا جەتەكشىلىك ەتەتىن وقىتۋشىلار قوسىنىن قۇرۋ، جۇمىستانۋعا قىزمەت وتەۋدىڭ جاڭا ۇلگىسىن جالپىلاستىرۋ سياقتىلار جونىندە تالاپ قويىلدى. ۇيىمداستىرۋدى، اتقارۋدى كۇشەيتۋ ايقىندالدى، جەر - جەر، قاتىستى تاراۋلار جوعارى مەكتەپ بىتىرگەن وقۋشىلاردى جۇمىستاندىرۋ قىزمەت ءتۇزىمىن كەمەلدەندىرىپ، «پىكىردى» دايەكتىلەندىرۋدى، تياناقتاندىرۋدى ويداعىداي يگەرۋى كەرەك.

قامداۋ مەن قاجەتسىنۋدى ۇشتاستىرۋدى باعدار ەتكەن جوعارى دارەجەلى وقۋ ـ اعارتۋدى باسقارۋ ءتۇزىلىسى مەن دارىندىلاردى تاربيەلەۋ ۇلگىسىن ورناتۋ كەرەك

ءتىلشى: «پىكىردە» تاربيەلەۋ، قامداۋ جۇيەسىن ساپالىلاندىرۋ جوعارى مەكتەپ بىتىرگەن وقۋشىلاردىڭ جوعارى ساپالى جۇمىستانۋىنا قىزمەت وتەۋ جۇيەسىن قۇرۋدىڭ ماڭداي الدى ورنىنا قويىلدى، مۇندا نەلەر ويلاستىرىلعان؟

جاۋاپ: وسىزامانداندىرۋ قۇرىلىسىن دارىندىلارمەن سۇيەمەلدەۋدى كۇشەيتۋ تۇرعىسىنان قاراعاندا، قازىر جوعارى دارەجەلى وقۋ - اعارتۋدا قامداۋ مەن قوعامدىق قاجەتسىنۋدىڭ سايكەسپەۋى ماسەلەسىن شەشۋگە تۋرا كەلەدى. تاياۋ جىلداردان بەرى جوعارى دارەجەلى وقۋ ـ اعارتۋدىڭ جالپىلاسۋىنا، ىشكەرىلەي ىلگەرىلەۋىنە بايلانىستى، جوعارى مەكتەپ بىتىرگەن وقۋشىلار ەلىمىزدىڭ قالا ـ قالاشىقتارىندا جاڭادان جۇمىسقا ورنالاسۋدىڭ ابسوليۋتتى نەگىزگى تۇلعاسىنا اينالدى، بۇدان بىلايعى 10 جىلدا جوعارى مەكتەپ بىتىرگەن وقۋشىلاردىڭ جالپى مولشەرى ۇزدىكسىز ارتادى دەپ مەجەلەنىپ وتىر. قوعامدىق قاجەتسىنۋدىڭ شىنايىلىعى، وقۋ - اعارتۋمەن قامداۋدىڭ ونىمدىلىگى، قامداۋ مەن قاجەتسىنۋدىڭ دالدىگى ماسەلەسىن شەشۋ قازىرگى وقۋ - اعارتۋ جۇيەسىنىڭ شۇعىل شەشۋگە ءتيىستى رەال ماسەلەسىنە اينالدى.

«پىكىردە» قوعامدىق قاجەتسىنۋ جاعىندا دارىندىلاردىڭ دامۋ بەتالىسى مەن تاپشىلىق جاعدايى جونىندەگى زەرتتەۋ، جاريالاۋ مەحانيزمىن ورناتۋ كوزدە ۇستالىپ، وقۋ – اعارتۋ جۇيەسىندە قامداۋ مەن قاجەتسىنۋدىڭ سايكەسۋىن جەبەۋدى باعدار ەتكەن جوعارى دارەجەلى وقۋ – اعارتۋدى باسقارۋ ءتۇزىلىسى مەن دارىندىلاردى تاربيەلەۋ ۇلگىسىن ورناتۋ جوعارى ساپالى جۇمىستانۋعا قىزمەت وتەۋ جۇيەسىن قۇرۋدىڭ ماڭىزدى العى شارتى ەتىلدى.

ءبىرىنشى، نازاردى دارىندىلاردىڭ سۇرانىسىنا شوعىرلاندىرىپ، دارىندىلاردىڭ دامۋ بەتالىسى مەن قامداۋ - قاجەتسىنۋ جاعدايىنا عىلمي تۇجىرىم جاساۋ العا قويىلدى. قامداۋ - قاجەتسىنۋ جاعدايى جونىندە دارىندىلار سۇرانىسىنىڭ ساندى مالىمەتىنەن ورتاق يگىلىكتەنۋدى ىلگەرىلەتىپ، دارىندىلار سۇرانىسى ساندى مالىمەت قامباسىن قۇرۋ ورتاعا قويىلدى. دارىندىلاردىڭ دامۋ بەتالىسى جونىندە دارىندىلارمەن قامداۋ - قاجەتسىنۋ قاتىناسىنا كورەگەندىكپەن تالداۋ جاساپ، شۇعىل قاجەتتى پاندەر مەن كاسىپتەردىڭ دامۋعا جەتەكشىلىك ەتۋ تىزىمدىگىن مەرزىم بويىنشا جاريالاۋ ورتاعا قويىلدى.

ەكىنشى، نازار وقۋ - اعارتۋدىڭ قامداۋ جاعىنا شوعىرلاندىرىلىپ، جوعارى دارەجەلى وقۋ - اعارتۋدىڭ ماماندىعى مەن بايلىق قۇرىلىمىنىڭ ورنالاسۋىن يكەمدى رەتتەۋ ورتاعا قويىلدى. جوعارى دارەجەلى وقۋ ـ اعارتۋدىڭ كولەمىن، قۇرىلىمىن، ساپاسىن ىلگەرىلەتۋ توڭىرەگىندە ەكونوميكانىڭ، قوعامنىڭ جوعارى ساپالى دامۋ تالابىنا اناعۇرلىم ۇيلەسۋ العا قويىلىپ، جوعارى مەكتەپتەردىڭ ساتىلى ءتۇرى مەن وڭىرلىك ورنالاسۋىن ساپالىلاندىرىپ، پاندەر مەن كاسىپتەردىڭ ورنالاسۋىن ساپالىلاندىرىپ، رەتتەپ، جوعارى مەكتەپتەردىڭ بايلىق قاينارىن ورنالاستىرۋدى ساپالىلاندىرۋ كەرەك.

ءۇشىنشى، جۇمىستاندىرۋ جاعىنداعى اڭىستى كۇشەيتىپ، وقۋشى قابىلداۋ جوسپارىن، دارىندىلاردى تاربيەلەۋ مەن جۇمىستاندىرۋدىڭ ىقپالداستىق مەحانيزمىن كەمەلدەندىرۋ ورتاعا قويىلدى. وقۋشى قابىلداۋ جوسپارىن رەتكە سالۋ جونىندە وقۋشى قابىلداۋ جوسپارىن ءبولۋ ءتاسىلىن ساپالىلاندىرۋ ورتاعا قويىلدى. دارىندىلاردى تاربيەلەۋ ۇلگىسى رەفورماسى جونىندە جوعارى مەكتەپتەر اناعۇرلىم يكەمدى ۇيرەنۋ ءتۇزىمىن ورناتۋعا شابىتتاندىرىلىپ، كاسىپتىك ولشەم بويىنشا دارىندىلاردى تاربيەلەۋ جوباسىن ۇلاستىرۋ، اۋىستىرۋ، جاڭارتۋ ورتاعا قويىلدى.

ءبىر توپ وڭىرلىك، كاسىپتىك جوعارى مەكتەپ بىتىرگەن وقۋشىلاردى جۇمىستاندىرۋ بازارىن قۇرىپ، قامداۋ مەن قاجەتسىنۋ ۇشتاسقان جۇمىستاندىرۋ، ادام تاربيەلەۋ نىسانىن اتقارۋ كەرەك

ءتىلشى: «پىكىردە» قىزمەت ىزدەۋ، قىزمەتكەر قابىلداۋ جۇيەسىن كەمەلدەندىرۋ جاعىندا قانداي جاڭا شارالار بار؟

جاۋاپ: قىزمەت ىزدەۋ، جۇمىسقا قابىلداۋ _ جوعارى مەكتەپ بىتىرگەن وقۋشىلاردى جۇمىسقا ورنالاستىرۋ قىزمەتىنىڭ شەشۋشى بۋىنى، جوعارى مەكتەپ بىتىرگەن وقۋشىلار، ادام ىستەتۋشى ورىندار بۇعان توتەنشە نازار اۋدارادى. قازىر قىزمەت ىزدەۋ، قىزمەتكەر قابىلداۋ قىزمەتىنىڭ بىرىككەن كۇشى ءالى دە جەتكىلىكسىز، جوعارى مەكتەپ بىتىرگەن وقۋشىلاردىڭ جوعارى ساپالى قىزمەت وتەۋ قاجەتىن ءالى تولىق قاناعاتتاندىرا الماي وتىر.

«پىكىردە» مەكتەپ اۋلاسىندا قىزمەتكەر قابىلداۋ قيمىلىنىڭ ادام مەن قىزمەت ورنىنىڭ ۇشتاسۋىن جەبەۋدەگى ماڭىزدى رولىن ساۋلەلەندىرۋگە باسا ءمان بەرىلىپ، دالمە ـ ءدال، قولايلى باعدار كورنەكتىلەندىرىلىپ، جەلىلەس جاڭا شارالار العا قويىلدى.

ءبىرىنشى، مەكتەپ اۋلاسىندا قىزمەتكەر قابىلداۋ مەن جۇمىسقا ورنالاستىرۋ بازارىنا قىزمەت وتەۋدى كۇشەيتۋ كەرەك. جۇمىس ورنى بايلىعىنان ورتاق يگىلىكتەنۋدى جەبەۋدى كوزدە ۇستاي وتىرىپ، ءبىر توپ وڭىرلىك، كاسىپتىك جوعارى مەكتەپ بىتىرگەن وقۋشىلاردى جۇمىستاندىرۋ بازارىن قۇرۋ ورتاعا قويىلدى. يگىلىك جاراتۋ ارقىلى جۇمىستانۋدى جەبەۋ رولىن ساۋلەلەندىرۋدى كوزدە ۇستاي وتىرىپ، ستۋدەنتتەردىڭ جاڭالىق اشۋىنا، يگىلىك جاراتۋىنا قىزمەت وتەۋدى ساپالىلاندىرۋ العا قويىلدى. كوپ ارنامەن جۇمىستانۋعا شابىتتاندىرۋدى كوزدە ۇستاي وتىرىپ، جاڭا كاسىپ كۇيى، جاڭا ۇلگى، ورتا، شاعىن، ۇساق كاسىپورىندار سياقتى جۇمىستانۋعا، يگىلىك جاراتۋعا قولداۋ كورسەتۋ العا قويىلدى.

ەكىنشى، ءتۇيىندى سالالارداعى دارىندىلارعا قىزمەت وتەۋدى ىلگەرىلەتۋ كەرەك. مەملەكەتتىڭ كەلەلى ستراتەگياسى سياقتى سۇرانىستارعا باعىتتاي وتىرىپ، جۇمىسقا ورنالاستىرۋعا كوپ نەگىزدى، دالمە ـ ءدال قىزمەت وتەۋ العا قويىلدى. ءتۇيىندى سالالارعا شۇعىل قاجەتتى، تاپشى دارىندىلاردى جەتىلدىرۋگە باعىتتاي وتىرىپ، قامداۋ مەن قاجەتسىنۋدى ۇشتاستىرىپ، جۇمىسقا ورنالاستىرىپ، ادام تاربيەلەۋ نىسانىن اتقارۋ العا قويىلدى. ءتۇيىندى سالالارداعى جۇمىستانۋ باۋراۋ قۋاتىن جوعارىلاتۋعا باعىتتاي وتىرىپ، جوعارى مەكتەپ بىتىرگەن وقۋشىلاردىڭ اۋىسۋ ارناسىن ىركىلىسسىزدەندىرۋ، ءتۇيىندى سالالار مەن نەگىزگى ساتىلاردا جۇمىستانۋ ارناۋلى جوسپارىن اتقارۋ ورتاعا قويىلدى.

ءۇشىنشى، قىزمەتكەر قابىلداۋدىڭ ورنالاستىرۋى مەن ءتارتىبىن ساپالىلاندىرۋ، ارناعا ءتۇسىرۋ كەرەك. ءبىر جاعىنان، پارتيا، ۇكىمەت ورگاندارى، ءىسورىندار، مەملەكەت مەنشىگىندەگى كاسىپورىندارسياقتىلاردىڭ قابىلداۋ ۋاقىتىن ءبىر تۇتاس ورنالاستىرىپ، ءتۇرلى كاسىپتىك تولىمدىلىق ەمتيحانىنىڭ ۋاقىتىن ۇيلەسىمدى بەلگىلەۋ ورتاعا قويىلدى. ەندى ءبىر جاعىنان، جوعارى مەكتەپتەردىڭ وقۋ - اعارتۋ، وقىتۋ جانە جۇمىستانۋ قىزمەتىنىڭ اياق الىسىن ءبىر تۇتاس ورنالاستىرىپ، مەكتەپ بىتىرگەن وقۋشىلاردىڭ جۇمىس ىزدەۋ مەزگىلىنە الدىن الا ۋاقىت قالدىرۋ ورتاعا قويىلدى.

ءتورتىنشى، كوپ نەگىزدى نەگىزگى تۇلعالىق رولىن ساۋلەلەندىرۋ كەرەك. بازارلانعان، قوعامدانعان جۇمىستانۋ ارناسىن كەڭەيتۋدى ارقاۋ ەتىپ، جۇمىستانۋدىڭ جاڭا ارتۋ تۇيىندەرىن اشىپ، حالىقتىق كاسىپورىنداردىڭ جۇمىس ورنىن ورنىقتىرۋىنا، جۇمىس ورنىن كەڭەيتۋىنە قولداۋ كورسەتۋ العا قويىلدى. بۇقارالىق ۇيىمدار، ادام كۇشى بايلىعىنا قىزمەت وتەۋ قۇرىلىمدارى جانە قوعامدىق ۇيىمدار سياقتىلارعا باعىتتاي وتىرىپ، جوعارى مەكتەپ بىتىرگەن وقۋشىلاردى ەرەكشە، ارنايىلانعان جۇمىستانۋعا قىزمەت وتەۋمەن تۇرگە ءبولىپ قامداۋ العا قويدى.

2025 - جىلى جوعارى مەكتەپ بىتىرەتىن وقۋشىلاردى جۇمىستاندىرۋ قىزمەتىن بار كۇشپەن ويداعىداي ىستەپ، جۇمىستانۋعا قىزمەت وتەۋدى ساپالىلاندىرۋدىڭ جەلىلەس شارالارى الدىمەن العا قويىلدى

ءتىلشى: «پىكىردى» دايەكتىلەندىرىپ، تياناقتاندىرۋدى قالاي مىقتى يگەرۋ كەرەك؟

جاۋاپ: «پىكىردى» دايەكتىلەندىرىپ، تياناقتاندىرۋ – قازىرگى جانە بۇدان بىلايعى ءبىر مەزگىلدەگى ءار دارەجەلى پارتكومدار مەن ۇكىمەتتەردىڭ ماڭىزدى مىندەتى. وقۋ ـ اعارتۋ جۇيەسى كوپ فورمالى، ساتىلارعا بولىنگەن، جاپپاي قامتىعان ۇيرەنۋ كۋرستارىن بەلسەنە ورىستەتىپ، قالىڭ پارتيالى كادرلاردى، وقىتۋشىلاردى يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋگە جەتەكتەپ، ءتۇرلى قىزمەتتەردىڭ تياناقتانىپ، ءونىم بەرۋىن ىلگەرىلەتۋى كەرەك.

«پىكىردى» دايەكتىلەندىرىپ، تياناقتاندىرۋدى مىقتى يگەرۋ ءۇشىن، وقۋ – اعارتۋ مينيسترلىگى الىس پەن جاقىندى ۇشتاستىرۋعا تاباندى بولىپ، جوعارى مەكتەپ بىتىرگەن وقۋشىلاردىڭ جۇمىستانۋ قىزمەت ءتۇزىمىن كەمەلدەندىردى. ءبىر جاعىنان، ”التى ءىرى جۇيەمەن“ ۇشتاستىرىپ، جەلىلەس ناقتى اتقارۋ جوباسىن العا قويىپ، «پىكىردە» ورنالاستىرىلعان ءتۇرلى مىندەتتەردىڭ ناقتاپ تياناقتاندىرىلۋىن تارتىپپەن ىلگەرىلەتەدى؛ ەندى ءبىر جاعىنان، 2025 - جىلى جوعارى مەكتەپ بىتىرەتىن وقۋشىلاردى جۇمىستاندىرۋ قىزمەتىن بار كۇشپەن جاقسى ىستەپ، جۇمىستاندىرۋعا قىزمەت وتەۋدىڭ جەلىلەس شارالارىن الدىمەن العا قويىپ، جوعارى ساپالى، تولىق جۇمىستانۋدى بار كۇشپەن جەبەيدى.

كەلۋ قاينارى: حالىق تورابى