ءبىر ۇسىنىس جوبا حالىق تۇرمىسى ارناۋلى لەنياسىنىڭ اشىلۋىنا تۇرتكى بولدى

”شىر – شىر - شىر“. 4 - ايدىڭ 3 - كۇنى كەشتە بەيجيڭ انديڭ شيپاحاناسىندا 12356 ارناۋلى لەنيالى تەلەفون ءۇنى كوتەرىلدى.

”سالەمەتسىز بە، بۇل ارا بەيجيڭ قالاسىنىڭ 12356 پسيحولوگيالىق كومەك بەرۋ ارناۋلى لەنياسى، سىزگە قانداي كومەك قاجەت؟“

”جاقىننان بەرى كوڭىلىم جاي تاپپاي ءجۇر...“ تەلەفون بەرۋشى لي مىرزانىڭ كوڭىلى جابىرقاۋ ەكەنى ۇنىنەن اڭعارىلىپ تۇر. تەلەفون قابىلداۋشى شى داۋميڭ مەيىرلى داۋىسپەن كەلگەن ادامنىڭ كوڭىلىن جۇباتىپ: ”قانداي داعدارىسقا تاپ بولدىڭىز، ماعان ايتا بەرسەڭىز بولادى“ دەدى.

ءتىلشىنىڭ مەملەكەتتىك دەنساۋلىق ساقتاۋ، سالاماتتىق كوميتەتىنەن ۇعىسۋىنشا، بيىل 2 – ايدىڭ ورتا شەنىنە دەيىن بەيجيڭ، شاڭحاي، جىجياڭ سياقتى 18 ولكە 12 مىڭ 355 پسيحيكالىق كومەك ارناۋلى لەنياسىن اشقان. 5 - ايدىڭ 1 - كۇنىنەن بۇرىن مەملەكەت بويىنشا بىرلىككە كەلگەن پسيحيكالىق كومەك ارناۋلى لەنياسى جاپپاي ىسكە قوسىلادى ەكەن.

وسى حالىق تۇرمىسى ارناۋلى لەنياسىنا ساياسي كەڭەس مۇشەسىنىڭ ۇسىنىس جوباسى تۇرتكى بولىپتى.

ۇيدە قالعان بالانىڭ قامى

ۇيدە قالعان ءبىر بالانىڭ قام كوڭىلى مەملەكەتتىك ساياسي كەڭەستىڭ مۇشەسى، كوممۋنيستىك جاستار وداعى ورتالىق كوميتەتى جاستار ىستەرىن دامىتۋ ءبولىمىنىڭ باستىعى يۋە ۋەيگە تەرەڭ اسەر ەتەدى.

”اكە - شەشەم جىل بويى سىرتتا جۇمىس ىستەيدى، ۇيگە تىم از قايتادى، اتاممەن عانا بىرگە بولامىن، قۇلازىپ قالعانداي سەزىنەمىن...“ 2024 - جىلى 3 – ايدا حىناننىڭ كايفىڭ قالاسىنداعى ۇيدە قالعان بالا شياۋيۇي كوممۋنيستىك جاستار وداعى جاستار مەن ورەندەرگە قىزمەت وتەۋ ارناۋلى لەنيالى تەلەفونىن جالعاپ، كومەك سۇرادى.

”مەن سەنىڭ ايتىپ وتىرعانىڭىدى تۇسىنەم، ناقتى جاعدايىڭ جايلى مەنىمەن اڭگىمەلەسە الاسىڭ با؟“ تەلەفوننىڭ ەندى ءبىر باسىندا پسيحولوگيالىق كەڭەس بەرۋشى مۇقيات تىڭداپ، سابىرلىلىقپەن جۇباتىپ، بىرتىندەپ جۇرەك سىرىن اشادى.

”كەلەسى جولى اكە - شەشەڭە تەلەفون سوعىپ، بەينەەكران ارقىلى اڭگىمەلەسىپ سىناپ كور، قۇمنان قامال جاساۋ، بالالار ءانىن ايتۋ ارقىلى دا وزىڭە قۋانىش سيلاۋىڭا بولادى“. پسيحولوگيالىق كەڭەس بەرۋشى ءبىر جاعىنان تىڭداپ، ءبىر جاعىنان ەستەلىك الىپ، ىلگەرىندى - كەيىندى 8 رەت شياۋيۇيمەن سىرلاسىپ، ونىڭ كوڭىل كۇيىن رەتتەۋىنە كومەكتەسەدى. تولتىرا جازىلعان قىزمەت ەستەلىگىندە پسيحيكالىق كەڭەس بەرۋدىڭ تۇتاس بارىسى ەگجەي - تەگجەيلى بايانالعان.

تەلەفوندى قويا سالىپ، قىزمەت وتەۋ تەكشەسى قاراستى جەردەگى وداق ۇيىمىنىڭ ەرىكتىلەرىمەن بايلانىس جاساپ، شياۋيۇيدىڭ قامقورشىلارى مەن وقىتۋشىلارىنا امانداسا بارعاندا، شياۋيۇيدىڭ اكە - شەشەسىنىڭ ۇزاق ۋاقىت قاسىندا بولماۋى سەبەبىنەن حاۋىپسىزدىك سەزىمىنىڭ كەمشىل ەكەنىن، اتاسىنىڭ ۇيرەنۋ جاعىنداعى كومەگىنىڭ دە وتە شەكتى ەكەنىن بايقايدى.

جەلىدە جۇباتىپ، جەلىدەن تىس ماسەلەلەردى شەشتى. مەكتەپ اۋلاسىندا وقىتۋشىلار شياۋيۇيمەن ۇقساس كەشىرمەسى بار بالالاردى ويىن ويناۋعا ۇيىمداستىردى؛ مەكتەپ اۋلاسىندا ەرىكتىلەر شياۋيۇيدىڭ ۇيرەنۋىنە جەتەكشىلىك ەتىپ، وعان ءتىپتى دە كوپ سەرىك بولدى. ءبىر مەزگىل وتكەننەن كەيىن شياۋيۇي شيراقى دا اشىق بەينە كورسەتىپ، مەكتەپتىڭ ارقان تارتۋ جارىسىنا قاتىناسىپ، ماۋسىمدىق ەمتيحاندا ادەبيەت جانە ماتەماتيكادان ۇزدىك ناتيجەگە قول جەتكىزەدى.

ءبىر ساياسي كەڭەس مۇشەسىنىڭ ۇسىنىس جوباسى

وسى تەكتەس اڭگىمەلەرگە يۋە ۋەي تاعى كوپتەپ كەزىگەدى: ”جاستار - ورەندەر قىزمەتىمەن شۇعىلدانعانىما 10 نەشە جىل بولدى، پسيحولوگيالىق اقىل - كەڭەس بەرۋدىڭ ’جازىلماس اۋرۋ‘ ەكەندىگىن، جابىعۋ كوڭىل كۇيىن اسقىنباي تۇرعانداي ساباسىنا كەلتىرسە، ۇلكەن داعدارۋدان ساقتانۋعا بولاتىندىعىن ابدەن بىلەمىن“.

بەلسەنە تەكسەرۋ - زەرتتەۋ جۇرگىزىپ، وتباسىلاردى ارالاپ، قوعامدىق قىزمەتكەرلەرمەن اۋىس - كۇيىس جاساستى… يۋە ۋەي ادامداردىڭ پسيحولوگيالىق اقىل - كەڭەس بەرۋ قاجەتى ۇزدىكسىز ارتقانىن، ال الەۋمەتتىك يگىلىك، كاسىپتىك سيپاتتى ۇكىمەت ارناۋلى لەنياسىمەن قامداۋ جەتكىلىكسىز ەكەنىن بايقادى.

ءبىرىنشى، ”ويىنا دا المايدى“، كوپتەگەن تاراۋ مەن قوعامدىق قۇرىلىم نەداۋىر مولشەردە پسيحيكالىق كومەك ارناۋلى لەنياسىن اشقانىمەن، جالپى تۇلعالىق جاقتان بىتىراڭقى، شىم - شىتىرىق، ءبىلىمى تاياز، ءنومىرى ۇزىن بولعاندىقتان، بۇقارا قاجەت ەتكەندە ”ويىنا دا المايدى“؛ ەكىنشى، ”ىستەتۋگە جارامسىز“، كەيبىر ارناۋلى لەنيالار قۇرىلىسىندا رەسمي باقىلاپ – باسقارۋ كۋالاندىرۋى كەمشىل، قىرۋار تولىمدىلىعى جوق بەي رەسمي ارناۋلى لەنيادا جالعان ۇگىت جۇرگىزىلىپ، الباتى اقى الىنىپ، جوعارى اقى الىنىپ، بۇقارا قاجەت ەتكەنىمەن ”ىستەتۋگە جارامسىز“.

نەگىزگى ساتىعا تامىر تارتىپ، ىشكەرىلەي تەكسەرۋ - زەرتتەۋ جۇرگىزۋ ارقىلى ”قيىن تۇيىندەردى شەشتى“، ماماندىقتى تياناق ەتىپ، ارتىقشىلىقتى ساۋلەلەندىرىپ ”ماسەلەلەردى شەشتى“. بىلتىر مەملەكەتتىك ەكى ماجىلىستە يۋە ۋەي «بۇكىل ەل بويىنشا بىرلىككە كەلگەن پسيحيكالىق اقاۋسىزدىققا كومەك بەرۋ ارناۋلى لەنياسىنىڭ قىسقا ءنومىرىن ورناتۋ جونىندەگى ۇسىنىس جوبا» تاپسىرىپ، بۇقارانىڭ پسيحيكالىق كومەك بەرۋ ارناۋلى لەنياسىن ”ويلاي الاتىن“، ”كادەگە جارايتىن“ ەتىپ، كاسىپتىك، الەۋمەتتىك يگىلىك، قولايلى پسيحيكالىق اقاۋسىزدىققا كەڭەس بەرۋ، پسيحيكالىق داعدارىسقا ارالاسۋ سياقتى قىزمەت وتەۋلەرمەن قامداپ، ”سىر اقتارۋدى ءۇمىت ەتكەن اناعۇرلىم كوپ ادامعا اناعۇرلىم قولايلى، جوعارى ءونىمدى جول ازىرلەۋگە“ ۇندەدى.

− قايتكەندە ەسكە ساقتاۋعا قولايلى بولادى؟ قىسقا ءنومىر بەكىتۋ كەرەك. ءنومىر قاراپايىم دا ەستە قالارلىق بولۋى كەرەك. مىسالى، ”123“ نەمەسە ”125“. 123 ەڭ قاراپايىم، 125 ۇندەس دىبىستا ”مەنى سۇيە ءبىل“ دەگەن ءماندى بىلدىرەدى، ەستە ساقتاۋعا قولايدى.

− قايتكەندە جارامدى بولادى؟ ادامدار شوعىرىن قامتۋدى كەڭەيتىپ، جالپىعا ءتيىمدى ءتۇزىمدى جالپىلاستىرۋ كەرەك. مەملەكەت ارناۋلى قارجى ورنالاستىرىپ، مەملەكەتتىك دەنساۋلىق ساقتاۋ، سالاماتتىق كوميتەتى باستاماشى بولىپ، جەلىدە اقىسىز سويلەسۋ كەرەك، ەگەر جەلىدەن تىس سۇراستىرۋ قاجەت بولسا، الەۋمەتتىك يگىلىك سيپاتتى اقى الۋعا بولادى. مەملەكەت بويىنشا ءبىر تۇتاس باسقارۋ، ولكەلەر جەكە - جەكە جاۋاپتى بولۋ، وقۋ - اعارتۋ تاراۋلارى، كوممۋنيستىك جاستار وداعى سياقتىلاردىڭ بۇرىنعى ارناۋلى لەنيالارىن وقۋشىلاردىڭ، جاستار مەن ورەندەردىڭ بولىمشە لەنياسى ەتىپ، بايلانىس جاسايتىن ەرەكشە قاۋىمعا قىزمەت وتەۋ كەرەك.

− قايتكەندە اناعۇرلىم ارنايىلاندىرۋعا بولادى؟ بايلىقتى بىرىكتىرىپ، ارنا اشۋ كەرەك. 110، 119، 120 سياقتى ارناۋلى لەنيالارمەن بىرلەسىپ قيمىلداۋ مەحانيزمىن ورناتىپ، ارناۋلى لەنيا مەن رۋحاني اۋرۋلاردى ارناۋلى ەمدەۋ قۇرىلىمدارى اراسىنداعى ەمدەلۋدىڭ ”جاسىل ارناسىن“ قۇرىپ، ءبىر بايلانىس ارقىلى ساقشىعا مالىمدەۋ، ءوزارا تانىستىرۋ، 3 - جاق تەلەفونىندا سويلەسۋ، شوعىرلى قولباسشىلىق ەتۋ سياقتى يقۋاتتاردى جۇزەگە اسىرىپ، قاجەت بولعاندا بىرگە كيلىگۋدى ورىستەتۋ كەرەك.

ىشكەرىلەي تەكسەرۋ - زەرتتەۋ جۇرگىزىپ، شىنايى اقىل - كەڭەس بەرىپ، تاماشا شارا قاراستىرىپ، بۇكىل ەل بويىنشا بىرلىككە كەلگەن پسيحيكالىق كومەك ارناۋلى لەنياسىن قۇرۋدى امالياتتىق نەگىزبەن قامدادى.

ورتاق ماسەلەگە ورتاق جاۋاپ قايتارىلدى

ۇسىنىس جوبانى ءبىر جاقتى ەتەتىن ورىن رەتىندە مەملەكەتتىك دەنساۋلىق ساقتاۋ، سالاماتتىق كوميتەتى يۋە ۋەيدىڭ ۇسىنىس جوباسىنا ايرىقشا ءمان بەرىپ، ونى 2024 - جىلى ءتۇيىندى تۇردە ءبىر جاقتى ەتەتىن ۇسىنىس جوبا قاتارىنا ەنگىزدى. وسىدان كەيىن ونەركاسىپ جانە ينفورماتسيالاندىرۋ مينيسترلىگى، كوممۋنيستىك جاستار وداعى ورتالىق كوميتەتى، بەيجيڭ قالا تۇرعىندارىنىڭ ارناۋلى لەنيالى قىزمەت وتەۋ ورتالىعى سياقتىلارعا بارىپ اڭگىمە وتكىزىپ، پىكىر اۋىستىرىپ، ماماندار تالقى ءماجىلىسىن اشىپ، ىشكەرىلەي تەكسەرۋ - زەرتتەۋ جۇرگىزىپ، ۇسىنىستاردى بىرتىندەپ قابىلدادى، قاجەتكە جاراتتى.

2024 - جىلى 7 - ايدا يۋە ۋەي مەملەكەتتىك دەنساۋلىق ساقتاۋ، سالاماتتىق كوميتەتىنىڭ ەگجەي - تەگجەيلى جاۋابىن تاپسىرىپ الىپ، ونەركاسىپ جانە ينفورماتسيالاندىرۋ مينيسترلىگىمەن بىرگە بۇكىل ەل بويىنشا ءبىر تۇتاس پسيحيكالىق كومەك ارناۋلى لەنياسىنىڭ قىسقا ءنومىر قۇرىلىسىن ونان ارى ىلگەرىلەتىپ، پسيحيكالىق كومەك ارناۋلى لەنياسىنىڭ ءبىر جاقتى ەتۋ بارىسىن تىڭداۋ ولشەمىن زەرتتەۋدى ورىستەتەتىندىگىن ءبىلدىردى. ”جاۋاپ حاتتىڭ باعىتتامالىلىعى مەن ونىمدىلىگى وتە كۇشتى بولىپتى!“ دەدى يۋە ۋەي.

ۇسىنىس جوبا ۇسىنىسى بىرتىندەپ ناقتى ساياساتتىق شاراعا اينالدى –

2024 - جىلى 8 - ايدا مەملەكەتتىك دەنساۋلىق ساقتاۋ، سالاماتتىق كوميتەتى ونەركاسىپ جانە ينفورماتسيالاندىرۋ مينيسترلىگىن سايكەستىرىپ، ”12356“ نى مەملەكەت بويىنشا ءبىر تۇتاس پسيحيكالىق كومەك ارناۋلى لەنياسىنىڭ تەلەفون ءنومىرى ەتۋگە بەكىتتى. 4 ايدان كەيىن «مەملەكەتتىك دەنساۋلىق ساقتاۋ، سالاماتتىق كوميتەتىنىڭ ”12356“ مەملەكەتتىك ءبىر تۇتاس پسيحيكالىق كومەك ارناۋلى لەنيالى تەلەفون ءنومىرىن قولدانۋ جونىندەگى حابارلاندىرۋى» باسىپ تاراتىلىپ، پسيحيكالىق كومەك بەرۋدە 110، 119، 120 سياقتى قىزمەت وتەۋ ارناۋلى لەنيالارىمەن جانە جان - جاقتى جونگە سالۋ، ورنىقتىلىقتى قورعاۋ قىزمەتى سياقتىلارمەن بىرلەسىپ قيمىلداۋ مەحانيزمىن ورناتۋ بەلسەنە ىلگەرىلەتىلدى.

بيىل 1 - ايدىڭ 1 - كۇنى بەيجيڭ قالاسىنىڭ 12356 پسيحولوگيالىق كومەك بەرۋ ارناۋلى لەنياسى اشىلدى. ءبىرىنشى توپتاعى كاسىپتىك تىڭداۋشى 327 ادام رۋحاني اۋرۋلار ءبولىمى شيپاگەرلەرىنەن، پسيحولوگيالىق ەمدەۋ ماماندارىنان قۇرالدى.

”بيىل جوعارى مەكتەپ ەمتيحانىنا قاتىناسامىن، قىسىم ەرەكشە اۋىر، كوڭىل كۇيىم جابىرقاپ قالعانداي سەزىندىم... “

ءبىر كۇنى ءتۇن ورتاسىندا بەيجيڭ قالالىق 12356 ارناۋلى لەنياسىنىڭ تەلەفون قابىلداۋشىسى، بەيجيڭ انديڭ شيپاحاناسىنىڭ پسيحولوگيالىق ەمدەۋشىسى شۇي گاۋياڭ ورتا مەكتەپتىڭ 3 - جىلدىعىندا وقيتىن ءبىر وقۋشىنىڭ كومەك سۇراۋىن قابىلدادى. شۇي گاۋياڭ سوزگە كىرىسپەي جاتىپ ۇل بالا جىلاپ جىبەردى.

”سىرتتا قىزمەت ىستەيتىن اكە - شەشەممەن ءتىل تابىسا المادىم، ولار مەنىڭ جوعارى مەكتەپ ەمتيحان ناتيجەمنەن زور ءۇمىت كۇتتى، ءبىراق مەن ۋايىمنان قالاي ارىلۋدى بىلمەدىم“. شۇي گاۋياڭنىڭ سابىرلىلىقپەن جەتەكتەۋىندە، ۇل وقۋشى سىرىن ۇزدىكسىز اقتارىپ، كوڭىل كۇيى بىرتىندەپ ورنىعا باستايدى.

”كىتاپتى قىزىعا وقۋ − جاقسى ادەت، ادەتتە قايسى كىتاپتى ۇناتىپ وقيسىڭ؟“ قارىم - قاتىناس بارىسىندا شۇي گاۋياڭ ۇل وقۋشىلاردىڭ فيلوسوفيانى قىزۋ سۇيەتىنىن ءبىلىپ، وسىنى نەگىز ەتىپ ديالوگ باستايدى.

”تەلەفون جالعانعان سول ساتتە ەمدەۋىمىز باستالىپ كەتىپتى. كوڭىل كۇيى دەر كەزىندە ساباسىنا ءتۇستى، بۇلاي بولعاندا پسيحيكالىق ماسەلەنىڭ اسقىنۋىنان ساقتانا الامىز“. 12356 ارناۋلى لەنياسى بەيجيڭ انديڭ شيپاحاناسىنىڭ پسيحولوگيالىق كومەك بەرۋ ارناۋلى لەنياسىن باسقارۋشى، بەيجيڭ قالالىق پسيحولوگيالىق دەنساۋلىق ساقتاۋ ورتالىعىنىڭ مەڭگەرۋشىسى سۇي سىپىڭ تانىستىرىپ بىلاي دەدى: 1 - ايدىڭ 1 - كۇنى رەسمي ىسكە قوسىلعاننان بەرى ارناۋلى لەنيا 2 مىڭ 500 رەتتەن استام جالعاندى.

بىرگە جاۋاپ قايتارىپ، بىرگە كۇش سالىپ، قيىن ماسەلەلەردى شەشىپ، ورتاق تانىمدى ۇيىستىردى. مەملەكەتتىك دەنساۋلىق ساقتاۋ، سالاماتتىق كوميتەتىنىڭ قاتىستى جاۋاپتىسى تانىستىرىپ بىلاي دەدى: كەلەسى قادامدا جەر – جەردىڭ 12356 پسيحولوگيالىق كومەك بەرۋ ارناۋلى لەنياسىنىڭ ىسكە قوسىلۋىن جەدەلدەتۋىنە ۇزدىكسىز قۋزاۋشىلىق ەتىلەدى جانە جەتەكشىلىك ەتىلەدى، سونىمەن بىرگە، كاسىپتىك قىزمەتكەرلەردى ورنالاستىرۋ كۇشەيتىلىپ، تىڭداۋ مولشەرى مەن قىزمەت وتەۋ ساپاسى جوعارىلاتىلىپ، ءار رەتكى قابىلداۋ قىزمەت وتەۋى ويداعىداي ىستەلەدى.

ۇسىنىس جوبانى ءبىر جاقتى ەتۋ جانە وعان جاۋاپ قايتارۋ كۋالىگى

يۋە ۋەيدىڭ كەڭسەسىندە ءبىر ەرەكشە كۋالىك ساقتاۋلى تۇر.

”قازىر مەملەكەتتىك ساياسي كەڭەس ۇسىنىس جوبانىڭ جالپى بارىسىن مۇشەلەرگە اڭىس ەتۋدى جۇزەگە اسىرىپ، مۇشەلەرگە ۇسىنىس جوبانى ءبىر جاقتى ەتۋ كۋالىگىن جولداپ، مۇشەلەردىڭ ۇسىنىس جوبا ارقىلى مىندەت وتەۋ داڭق سەزىمىن، تابىس سەزىمىن كۇشەيتىپ، ۇسىنىس جوبا ساپاسىن جوعارىلاتۋدىڭ ىشكى قوزعاۋشى كۇشىن قاۋلاتتى“. مەملەكەتتىك ساياسي كەڭەس ۇسىنىس جوبا كوميتەتى كەڭسەسىنىڭ قاتىستى جاۋاپتىسى تانىستىرىپ بىلاي دەدى: ۇسىنىس جوبالاردى ءبىر جاقتى ەتۋ جانە وعان جاۋاپ قايتارۋ كۋالىگى مۇشەلەردىڭ مىندەت وتەۋ ءىزىن ەستەلىككە الىپ، حالىق ساياسي كەڭەسىنىڭ ارناۋلى كەڭەس قۇرىلىمى رەتىندە جالپى بارىستىق حالىق دەموكراتياسىن ىلگەرىلەتۋدەگى ماڭىزدى رولىن ايگىلەدى.

تانىستىرۋعا قاراعاندا، ساياسي كەڭەس مەملەكەتتىك 14 - كەزەكتى كوميتەتىنىڭ 2 - ماجىلىسىنەن بەرى جيىنى 6 مىڭ 19 ۇسىنىس جوبا تاپسىرىپ الىنىپ، 5 مىڭ 91 ۇسىنىس جوبا ەستەلىككە الىنعان، ءبىر جاقتى ەتىلىپ، جاۋاپ قايتارىلعان، ءبىر مىڭ 800 دەن استام مۇشەگە ۇسىنىس جوبانىڭ ءبىر جاقتى ەتىلۋ كۋالىگى جولدانعان. مۇقيات ءبىر جاقتى ەتۋ ارقىلى حالىق تۇرمىسى سالاسىنا ساياتىن ءبىر توپ ۇسىنىس - پىكىر قابىلدانىپ، ەكونوميكالىق، قوعامدىق دامۋدى ىلگەرىلەتۋدىڭ ساياساتتىق شاراسىنا اينالىپ، پارتيا مەن ۇكىمەتتىڭ عىلمي، دەموكراتيالىق شەشىم جاساۋىن ماڭىزدى پايدالانۋ ماتەريالىمەن قامدادى.

ءبىر ۇسىنىس جوبا حالىق تۇرمىسى ارناۋلى لەنياسىنىڭ اشىلۋىنا تۇرتكى بولدى. يۋە ۋەي بىلاي دەدى: ”ۇسىنىس جوبالاردى ءبىر جاقتى ەتۋ جۇمىسى ناقتى تياناقتانىپ، بۇقارا كوڭىل ءبولىپ وتىرعان ماسەلەلەرگە بەلسەنە جاۋاپ بەرىلدى، مىنە، بۇل − جالپى بارىستىق حالىق دەموكراتياسىنىڭ جاندى امالياتى“.

كەلۋ قاينارى: حالىق تورابى