مەملەكەتتىك كەڭەس، ورتالىق اسكەري ىستەر كوميتەتى وزگەرىس ەنگىزىلگەننەن كەيىنگى «جۇڭگو حالىق ازاتتىق ارمياسىنىڭ ‹جۇڭحۋا حالىق رەسپۋبليكاسىنىڭ ءدارى - دارمەك باسقارۋ زاڭىن› اتقارۋ ءادىسىن» جاريالادى

شينحۋا اگەنتتىگى، 4 - ايدىڭ 10 – كۇنى، بەيجيڭ. مەملەكەتتىك كەڭەس، ورتالىق اسكەري ىستەر كوميتەتى وزگەرىس ەنگىزىلگەننەن كەيىنگى «جۇڭگو حالىق ازاتتىق ارمياسىنىڭ ‹جۇڭحۋا حالىق رەسپۋبليكاسىنىڭ ءدارى - دارمەك باسقارۋ زاڭىن› اتقارۋ ءادىسىن (تومەندە قىسقاشا «ءادىس» دەلىنەدى)» جاريالادى. «ءادىس» 2025 – جىلى 6 – ايدىڭ 1 – كۇنىنەن باستاپ اتقارىلادى، جالپى 7 تاراۋ، 60 تارماق، باستىسى مىناداي مازمۇندارعا وزگەرىس ەنگىزىلدى.

ءبىرىنشى، پارتيانىڭ باسشىلىعىنا تاباندى بولىپ، قىزمەت ءتۇزىمىن كەمەلدەندىرۋ. ارميانىڭ ءدارى - دارمەك باسقارۋ قىزمەتىندە جۇڭگو كوممۋنيستىك پارتياسىنىڭ باسشىلىعىنا تاباندى بولۋ، حاۋىپ - قاتەردى باسقارۋ، جالپى بارىستى باسقارۋ - مەڭگەرۋ، ارميا مەن جەرگىلىكتى ورىن سايكەسۋ پرينسيبىنە تاباندى بولۋ، ارميا مەن جەرگىلىكتى ورىننىڭ قىزمەت جاۋاپكەرشىلىگىن ايقىنداۋ، ارميا مەن جەرگىلىكتى ورىننىڭ ءدارى - دارمەك باسقارۋ سەلبەستىگىن كۇشەيتۋ بەلگىلەندى.

ەكىنشى، ارميانىڭ ءدارى - دارمەك زاپاسىن باسقارۋدى كۇشەيتىپ، ءدارى - دارمەكپەن قامداۋدى قامتاماسىزداندىرۋ. ارميانىڭ ءدارى - دارمەك زاپاسى ءتۇزىمىن كەمەلدەندىرىپ، ارميانىڭ ءدارى - دارمەك ساتىپ الۋىن باسقارۋدى ارناعا ءتۇسىرىپ، ارميانىڭ ءدارى - دارمەكپەن قامداۋىن باسقارۋدى كەمەلدەندىرۋ كەرەك.

ءۇشىنشى، ارميانىڭ ەمدەۋ قۇرىلىمدارىنىڭ ءدارى ىستەرىن باسقارۋىن ارناعا ءتۇسىرىپ، ۇيلەسىمدى ءدارى ىستەتۋدى ىلگەرىلەتۋ. ارميانىڭ ەمدەۋ قۇرىلىمدارىنان تولىمدىلىعى تانىلعان شيپاگەرلەردى نەمەسە باسقا دا ءدارى - دارمەك تەحنيكتەرىن ورنالاستىرىپ، ارميانىڭ ەمدەۋ قۇرىلىمدارىنىڭ ءدارى - دارمەك دايىنداۋ رۇقسات كۋالىگىن، ءدارى - دارمەكتى بەكىتۋ كۋالىك قۇجاتىن بەرەتىن ورگانداردى ايقىنداپ، ەمدەۋ قۇرىلىمدارىنىڭ ءدارى - دارمەكتى رەتتەپ پايدالانۋ ءتۇزىمىن كەمەلدەندىرۋ تالاپ ەتىلدى.

ءتورتىنشى، ارمياعا ەرەكشە قاجەتتى ءدارى - دارمەكتى باسقارۋدى اشالاپ، ءدارى - دارمەكتىڭ ساپاسىنا كەپىلدىك ەتۋ. ارمياعا ەرەكشە قاجەتتى ءدارى - دارمەكتى تىركەۋگە الۋ ءتارتىبىن ايقىنداپ، ارمياعا ەرەكشە قاجەتتى ءدارى - دارمەك ءوندىرىسىن باسقارۋدى كۇشەيتىپ، ارميا مەن جەرگىلىكتى ورىننىڭ تەحنيكالىق قولداۋ سەلبەستىك مەحانيزمىن ارتتىرۋ جونىندەگى بەلگىلەمە قوسىلدى.

بەسىنشى، ارميانىڭ ءدارى - دارمەك باقىلاۋ - باسقارۋىن كۇشەيتىپ، ءدارى - دارمەك حاۋىپسىزدىگىن قامتاماسىزداندىرۋ. ارميانىڭ باقىلاۋ - تەكسەرۋ مىندەتى ايقىندالىپ، ارميانىڭ ءدارى - دارمەك ساپاسىن ۇلگى الىپ تەكسەرۋ ءتۇزىمى كەمەلدەندىرىلىپ، ارميانىڭ ءدارى - دارمەك حاۋىپسىزدىگى حاۋىپ - قاتەرىن باسقارۋ - مەڭگەرۋ بەلگىلەمەسى قوسىلدى، ارميا مەن جەرگىلىكتى ورىننىڭ زاڭعا قايشى ارەكەتتەرىن تەكسەرىپ ءبىر جاقتى ەتۋ مەحانيزمى اقاۋسىزداندىرىلىپ، قاتىستى زاڭدىق جاۋاپكەرشىلىك بەلگىلەمەلەرى كەمەلدەندىرىلدى.

كەلۋ قاينارى: حالىق تورابى