مۇراتتاس بولىپ، قول ۇستاسا العا باسىپ، بۇرىنعىعا مۇراگەر بولىپ، كەيىنگىگە جول اشىپ، جاڭا تاراۋ جازايىق

«حالىق گازەتى»، 4 - ايدىڭ 14 - كۇنى، حانوي. 4 - ايدىڭ 14 - كۇنى، حانويعا بارىپ ۆيەتنامدا مەملەكەتتىك ساپاردا بولۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنامنىڭ «حالىق گازەتىندە» «مۇراتتاس بولىپ، قول ۇستاسا العا باسىپ، بۇرىنعىعا مۇراگەر بولىپ، كەيىنگىگە جول اشىپ، جاڭا تاراۋ جازايىق» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:

مۇراتتاس بولىپ، قول ۇستاسا العا باسىپ، بۇرىنعىعا مۇراگەر بولىپ، كەيىنگىگە جول اشىپ، جاڭا تاراۋ جازايىق

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ

كوكتەم مەزگىلىندە، تىرشىلىك تىنىسى جالىن اتادى. جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى قارساڭىندا، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لين جولداس پەن ۆيەتنامنىڭ مەملەكەت ءتوراعاسى لياڭ چياڭ جولداستىڭ ۇسىنىسىمەن ۆيەتنامدا مەملەكەتتىك ساپاردا بولامىن.

بۇل _ مەنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى بولعاننان بەرى وسى كورىكتى جەرگە 4 - رەت قادام تاستاۋىم، مەن ۆيەتنام باسشىلارىمەن دوستىقتى اقتارىلا اڭگىمەلەپ، سەلبەستىكتى بىرگە اقىلداسىپ، جاڭا داۋىردەگى جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ جاڭا جوباسىن جاساۋدى ءۇمىت ەتەمىن.

جۇڭگو مەن ۆيەتنام _ سوتسياليستىك دوس كورشىلەر، ورتاق مۇرات - سەنىمگە جانە كەڭ كولەمدى ستراتەگيالىق مۇددەگە يە. ءوز - ءوزىنىڭ مەملەكەت جاعدايىنا ۇيلەسەتىن سوتسياليزم جولىن قاراستىرۋ جانە ءوز - ءوزىنىڭ وسىزاماندانۋىن ىلگەرىلەتۋ بارىسىندا ەكى پارتيا، ەكى ەل حالقى ەرتەدە ورناتقان تەرەڭ دوستىق ۇزدىكسىز جوعارىل ورەگە قادام تاستادى. ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋ ەكى ەلدىڭ ورتاق مۇددەسىنە ۇيلەسەدى، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە ءتيىمدى، تاريحتىڭ تالعامى، حالىقتىڭ تالعامى.

جۇڭگو - ۆيەتنام تاعدىرلاس ورتاق تۇلعاسى ايقىن قىزىل گەنگە مۇراگەرلىك ەتكەن. ەكى ەل توڭكەرىسىنىڭ ارداگەرلەرى وتاندى جويىلۋدان قۇتقارۋدىڭ جولىن قول ۇستاسا قاراستىرىپ، دۇنيە ءجۇزىنىڭ وتارشىلدىققا، يمپەرياليزمگە قارسى كۇرەستىڭ جەڭىسىنە قول جەتكىزۋىنە ماڭىزدى ۇلەس قوستى. جۇڭگو گۋاڭجوۋداعى ۆيەتنام جاستارىنىڭ توڭكەرىستىك مۇراتتاستار ۇيىمى، گۋاڭشي جيڭشيدەگى ”ۆيەتنام وداعى“ ءىس باسقارماسى سياقتى توڭكەرىستىك كونە جۇرتتار _ جۇڭگو - ۆيەتنامنىڭ توڭكەرىستىك دوستىعىنىڭ تاريحي ايعاعى. جۇڭگو حالقىنىڭ جاپون شاپقىنشىلارىنا قارسى سوعىسى كەزىندە ءتوراعا حۋ جىميڭ ىلگەرىندى - كەيىندى يان - ان، گۇيلين، چۇڭچيڭ، كۇنميڭ قاتارلى جەرلەردە جۇڭگونىڭ جاپون شاپقىنشىلارىنا قارسى سوعىسىنا قاتىناستى جانە ونى قولدادى. جۇڭگو اسكەري اقىلشىلار ۇيىرمەسى مەن ساياسي اقىلشىلار ۇيىرمەسىن جىبەرىپ، ۆيەتنام حالقىنىڭ فرانسياعا قارسى كۇرەسىن قولدادى، جۇڭگو پارتياسى، ۇكىمەتى جانە حالقى ۆيەتنامنىڭ ا ق ش - عا قارسى تۇرىپ، وتاندى قۇتقارۋ ادىلەتتى ءىسىن بار كۇشپەن قولدادى. ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس“ دەگەن ءسوز ماڭگى وشپەيتىن قىزىل ەستەمەگە اينالدى.

جۇڭگو مەن ۆيەتنامنىڭ تاعدىرلاس ورتاق تۇلعاسى تەرەڭ ساياسي ءوزارا سەنىمنەن باستاۋ الادى. تاياۋ جىلداردان بەرى مەن باس شۋجي رۋان فۋجۇڭ، باس شۋجي سۋ لين قاتارلى ۆيەتنام باسشىلارىمەن كوپ رەت ءوزارا ساپاردا بولىپ، جۇڭگو مەن ۆيەتنامنىڭ تاعدىرلاس ورتاق تۇلعاسى قۇرىلىسىنا باعدار كورسەتىپ، رول ۇستادىق. ەكى پارتيانىڭ، ەكى ەلدىڭ جوعارى جىكتەگىلەرى تىعىز ىقپالداسىپ، جۇڭگو - ۆيەتنام ەكى جاقتى سەلبەستىككە جەتەكشىلىك ەتۋ كوميتەتى، ەكى پارتيانىڭ نازاريالىق زەرتتەۋ - تالقى ءماجىلىسى، شەكاراداعى مەملەكەت قورعانىسى دوستىق اۋىس - كۇيىسى، ەكى ەلدىڭ قوعام حاۋىپسىزدىگى مينيسترلىگىنىڭ قىلمىستىلارعا سەلبەسە سوققى بەرۋ ءماجىلىسى سياقتى مەحانيزمدەر ءونىمدى اينالىمعا ءتۇستى، ەكى ەلدىڭ زاڭ شىعارۋ قۇرىلىمدارىنىڭ بىرلەسكەن كوميتەتى سياقتى جوعارى دارەجەلى مەحانيزمدەر ورناتىلدى، ەكى ەلدىڭ ديپلوماتيا، مەملەكەت قورعانىسى، قوعام حاۋىپسىزدىگى سياقتى ”3+3“ ستراتەگيالىق كەڭەستەرى ءساتتى وتكىزىلدى.

كوپتەگەن حالىقارالىق جانە وڭىرلىك ماسەلەلەردە جۇڭگو مەن ۆيەتنام ەكى ەلدىڭ تۇرعىسى جاقىن، سەلبەستىگى تىعىز بولدى.

جۇڭگو - ۆيەتنام تاعدىرلاس ورتاق تۇلعاسى سەلبەستىكتىڭ قۇنارلى توپىراعىنا تامىر تارتقان. دۇنيە ءجۇزى ەكونوميكاسىنىڭ قالپىنا كەلۋى دارمەنسىز بولىپ وتىرعان جاعدايدا جۇڭگو مەن ۆيەتنامنىڭ كاسىپ سالاسى تىزبەگى مەن قامداۋ تىزبەگىنىڭ سەلبەستىگى اناعۇرلىم جيىلەي ءتۇستى. جۇڭگو ءۇرتىس 20 نەشە جىل ۆيەتنامنىڭ ءبىرىنشى ۇلكەن ساۋدا سەرىگى بولدى، 2024 - جىلى جۇڭگو مەن ۆيەتنامنىڭ ەكى جاقتى ساۋدا سوماسى 260 ميلليارد دوللاردان استى. دۋريان (ليۋليان)، كوكوس سياقتى ۆەتنامنىڭ ساپالى اۋىل شارۋاشىلىق ونىمدەرى جۇڭگو وتباسىلارىنا بارعان سايىن مولداپ جەتكىزىلۋدە. ەكى ەل تەمىر جولىن ۇلاستىرۋ - تۇتاستىرۋ جانە زەردەلى شەكارا وتكەلى قۇرىلىسى تارتىپپەن ىلگەرىلەتىلىپ، فوتوۆولت، قوقىر - قوقسىقتان توك تاراتۋ سياقتى تازا ەنەرگيا نىساندارى ۆيەتنامنىڭ ەلەكترمەن قامداۋىن پارمەندى قامتاماسىز ەتتى، جۇڭگو كاسىپورىندارى سالعان حانويداعى جەڭىل رەليستى 2 - ءنومىرلى لەنيا قالا تۇرعىندارىنىڭ كۇندەلىكتى ءجۇرىس - تۇرىسىنا قولايلىلىق تۋدىردى.

جۇڭگو مەن ۆيەتنام ءوزارا تابىسقا جەتىپ، بىرگە دامىپ، دۇنيە جۇزىندەگى وڭتۇستىك ەلدەرىنىڭ ىنتىماعىنىڭ، سەلبەستىگىنىڭ ءمانى جاندى بەينەلەندى.

جۇڭگو - ۆيەتنام تاعدىرلاس ورتاق تۇلعاسى گۋمانيتارلىق اۋىس - كۇيىستى تىعىز ىلگەرىلەتۋدە. سوڭعى جىلدارى جۇڭگو مەن ۆيەتنامنىڭ گۋمانيتارلىق اۋىس - كۇيىسى بارعان سايىن كۇشەيىپ، ەكى ەل حالقى بارعان سايىن ەتەنە بولا ءتۇستى. 2024 - جىلى جۇڭگودان ۆيەتنامعا ساياحاتتاي بارعان ساياحاتشى 3 ميلليون 700 مىڭ ادام - رەتتەن استى، دىتيان (بانيو) شەكارا اتتاعان ساياحات سەلبەستىك رايونى رەسمي جۇمىس باستاپ، شەكارا اتتاعان كوپتەگەن جەكە كولىكپەن ساياحاتتاۋ جەلىسى اشىلىپ، ”ءبىر كۇندە ەكى ەلدى ساياحاتتاۋ“ رەالدىققا اينالدى. جۇڭگونىڭ كينو - تەلەۆيزيا تۋىندىلارى، ەلەكتروندىق ويىندارى ۆيەتنام جاستارىنىڭ قىزۋ تالقى تاقىرىبىنا اينالىپ، ۆيەتنامنىڭ ”جۇڭگو ءتىلى ورلەۋىن“ ۇزدىكسىز ورلەۋگە كوتەردى. ۆەتنامنىڭ كوپتەگەن ءانى جۇڭگو ينتەرنەتىنىڭ قولامتالى ىزدەۋ قاتارىنا قوسىلدى، حىفىن كەسپەسى سياقتى ۆەتنامنىڭ ءدامدى تاعامدارى كوپتەگەن جۇڭگو بۇقاراسىن تاتىپ كورۋگە باۋرادى.

قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلمەن ورىستەتىلۋدە، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى. سىڭار جاقتىلىق، قورعانىمپازدىق باس كوتەرگەن جاعدايدا، جۇڭگو ەكونوميكاسى قيىندىققا قارسى اتتانىپ، 2024 - جىلى %5 ارتۋدى جۇزەگە اسىرىپ، دۇنيە ءجۇزى ەكونوميكاسىنىڭ ارتۋىنا ۇلەس قوسۋ شاماسىن %30 اينالاسىندا ساقتاپ، دۇنيە ءجۇزى ەكونوميكاسىنىڭ ماڭىزدى قوزعالتقىشىنا ۇزدىكسىز اينالدى. جۇڭگونىڭ جاڭا ەنەرگيا كاسىبى، جاساندى زەردە جانە قۋىرشاق كينو - تەلە فيلمدەرى بۇكىل دۇنيە ءجۇزىنىڭ نازارىن اۋداردى. جۇڭگو جوعارى دەڭگەيدە سىرتقا ەسىك اشۋ ارقىلى دۇنيە جۇزىنە اناعۇرلىم كوپ وراي ازىرلەۋگە تاباندى بولىپ، ءوزىنىڭ جوعارى ساپالى دامۋى ارقىلى ءار ەلدىڭ بىرگە دامۋىن جەبەيدى.

ازيا _ دۇنيە جۇزىلىك سەلبەستىك پەن دامۋدىڭ بيىگى، تۇتاس تۇلعالىق گۇلدەنۋدى جۇزەگە اسىرۋدىڭ جاڭا باستاماسىندا تۇر، بۇرىن بولىپ كورمەگەن وراي مەن سىن - سايىستارعا ءدوپ كەلۋدە. جۇڭگو كورشىلەس ەلدەرمەن ديپلوماتيالىق ساياساتىنىڭ ۇلاسپالىلىعى مەن ورنىقتىلىعىن ساقتاپ، تاتۋ - ءتاتتى، ادال، ءتيىمدى، كەشىرىمشىل بولۋ ۇستانىمىندا جانە كورشىلەرمەن تاتۋ بولۋ، كورشىلەرمەن سەرىك بولۋ باعىتىنا تاباندى بولىپ، كورشىلەس ەلدەرمەن دوستىق سەلبەستىكتى تەرەڭدەتىپ، ازيانىڭ وسىزاماندانۋ اياق الىسىن بىرگە ىلگەرىلەتەدى.

جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، ۆيەتنام ۇلت دامۋىنىڭ جاڭا عاسىرىن باستاپ، پارتيا قۇرۋ، مەملەكەت قۇرۋدىڭ ”ەكى 100 جىلدىق“ كۇرەس نىساناسىنا قاراي ارشىندى قادام تاستاۋ الدىندا تۇر. جۇڭگو ۆيەتنامدى باستان - اياق توڭىرەكتىك ديپلوماتيانىڭ الدىمەن ەسكەرىلەتىن باعىتى دەپ قارايدى. ءبىز جۇڭگو مەن ۆيەتنامنىڭ تاعدىرلاس ورتاق تۇلعاسى قۇرىلىسىن جاپپاي تەرەڭدەتىپ، ازيانىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا جانە دامىپ، گۇلدەنۋىنە بەلسەندى ۇلەس قوسۋىمىز كەرەك.

_ ستراتەگيالىق ءوزارا سەنىمدىلىكتى تەرەڭدەتىپ، سوتسياليزم ىستەرىنىڭ دامۋىن، زورايۋىن ىلگەرىلەتۋ كەرەك. جوعارى جىكتەگىلەردىڭ جەتەكشىلىك ەتۋىنە تاباندى بولىپ، جۇڭگو مەن ۆيەتنامنىڭ ەكى جاقتى سەلبەستىگىنە جەتەكشىلىك ەتۋ كوميتەتىنىڭ ءبىر تۇتاس جوسپارلاۋ، سايكەستىرۋ رولىن ساۋلەلەندىرىپ، پارتيالار ارا، ۇكىمەت، ارميا، زاڭ اتقارۋ حاۋىپسىزدىگى سياقتى باعىتتامالى تاراۋلاردىڭ سەلبەستىگىن تەرەڭدەتىپ، سىرتقى حاۋىپ - قاتەرلەر مەن سىن - سايىستارعا قول ۇستاسا توتەپ بەرىپ، ساياسي حاۋىپسىزدىكتى بىرگە قورعاۋ كەرەك. جۇڭگو جاق ۆيەتنام جاقپەن ەل باسقارۋ تاجىريبەلەرىن اۋىستىرۋدى تەرەڭدەتىپ، سوتسياليزم نازارياسى مەن امالياتىن بىرگە قاراستىرىپ جانە بايىتىپ، ەكى ەلدىڭ سوتسياليزم ىستەرىنىڭ ورنىقتى، باياندى دامۋىن ىلگەرىلەتۋدى قالايدى.

_ سەلبەسىپ تەڭ يگىلىككە كەنەلۋگە تاباندى بولىپ، ەكى ەل حالقىنىڭ ىرىس - قۇتىن ارتتىرۋ كەرەك. دامۋ ستراتەگياسىن ءتۇيىلىستىرۋدى تەرەڭدەتىپ، ەكى ەل ۇكىمەتىنىڭ ”ءبىر بەلدەۋ، ءبىر جولدى“ بىرگە قۇرۋدى ”ەكى ءدالىز، ءبىر شەڭبەر“ جۇلگەسىمەن ءتۇيىلىستىرۋ جونىندەگى سەلبەستىك جوباسىن ويداعىداي تياناقتاندىرىپ، اناعۇرلىم كوپ ەكونوميكالىق، تەحنيكالىق سەلبەستىك تۇعىرىن قالىپتاستىرۋ كەرەك. جۇڭگو جاق ۆيەتناممەن ۆيەتنامنىڭ سولتۇستىگىندەگى 3 ولشەمدى رەليستى تەمىر جول نىسانى سەلبەستىگىن ىلگەرىلەتىپ، زەردەلى شەكارا وتكەلىن قۇرۋدى قالايدى. جۇڭگو جاق ۆيەتنامنىڭ اناعۇرلىم كوپ ساپالى تاۋارلارىنىڭ جۇڭگو بازارىنا كىرۋىن قارسى الادى، اناعۇرلىم كوپ جۇڭگو كاسىپورىندارىن ۆيەتنامعا بارىپ قارجى قوسىپ، شارۋاشىلىعىن شالقىتۋعا شابىتتاندىرادى. ەكى جاق كاسىپ سالاسى تىزبەگى مەن قامداۋ تىزبەگى سەلبەستىگىن كۇشەيتىپ، 5G، جاساندى زەردە، جاسىل دامۋ سياقتى جاڭادان گۇلدەنگەن سالالارداعى سەلبەستىكتى كەڭەيتىپ، ەكى ەل حالقىن اناعۇرلىم ويداعىداي باقىتقا كەنەلتۋى كەرەك.

_ گۋمانيتارلىق اۋىس - كۇيىستى كۇشەيتىپ، حالىق تىلەگىنىڭ توعىسۋ دانەكەرىن نىعايتۋ كەرەك. بيىل ”جۇڭگو - ۆيەتنام گۋمانيتارلىق اۋىس - كۇيىس جىلىن“ وتكىزۋدى وراي ەتىپ، باي مازمۇندى، كوپ نەگىزدى گۋمانيتارلىق اۋىس - كۇيىستى ورىستەتۋ كەرەك. جۇڭگو جاق ۆيەتنام حالقىنىڭ جۇڭگونىڭ جەر - جەرىنە كوبىرەك بارىپ ”قىدىرۋىن“ قارسى الادى، سونداي - اق جۇڭگولىق ساياحاتشىلاردى ۆيەتنامنىڭ ايگىلى كورىنىس وڭىرلەرىنە ات باسىن بۇرۋعا شابىتتاندىرادى. جۇڭگو مەن ۆيەتنام جاستارىنىڭ دوستىق كەزدەسۋى، شەكاراداعى حالىقتىڭ بىرلەسكەن ساۋىعى سياقتى مەيىرلى، بۇقارامەن ەتەنە، جۇرت تىلەگىن توعىستىرعان گۋمانيتارلىق اۋىس - كۇيىس قيمىلدارىن بىرگە ويداعىداي وتكىزىپ، قىزىل بايلىقتى ىشكەرىلەي اشىپ، ەكى ەل حالقىنىڭ دوستىق حيكايالارىن ويداعىداي بايانداپ، جۇڭگو - ۆيەتنام دوستىعىنىڭ كۇش جالعاۋ تاياقشاسىن ۇرپاقتان - ۇرپاققا جالعاۋ كەرەك.

_ كوپ جاقتى سەلبەستىكتى جيىلەتىپ، ازيانىڭ گۇلدەنىپ - كوركەيۋىن جەبەۋ كەرەك. بيىل _ جۇڭگو حالقىنىڭ جاپون شاپقىنشىلارىنا قارسى سوعىسىنىڭ جانە دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 80 جىلدىعى ءارى بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن بەلسەنە تياناقتاندىرىپ، دۇنيە ءجۇزىنىڭ بارابار، ءتارتىپتى كوپ ۇيەكتەنۋىن، ەكونوميكانىڭ جالپىعا ءتيىمدى، سيىسىمدى جاھاندانۋىن ىلگەرىلەتىپ، دۇنيە جۇزىندەگى قالىڭ وڭتۇستىك ەلدەرىمەن بىرگە وركەندەپ كەلە جاتقان ەلدەردىڭ ورتاق مۇددەسىن قورعاۋ كەرەك.

ساۋدا سوعىسىندا، كەدەن سالىعى سوعىسىندا جەڭىمپاز بولمايدى، قورعانىمپازدىقتىڭ شىعار جولى جوق. كوپ جاقتى ساۋدا ءتۇزىلىسىن باتىل قورعاۋ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋ، اشىق، سەلبەسكەن حالىقارالىق ورتانى قورعاۋ كەرەك. شىعىس ازيا ەلدەرى سەلبەستىگى، لانساڭجياڭ وزەنى - مەكونگ وزەنى سەلبەستىگى سياقتى مەحانيزمدەردە سايكەسۋدى، سەلبەسۋدى كۇشەيتىپ، بىلىقپالىق ارالاسقان دۇنيە جۇزىنە اناعۇرلىم كوپ ورنىقتىلىق جانە وڭ ەنەرگيا قوسۋ كەرەك.

_ الاۋىزدىقتاردى ۇيلەسىمدى تىزگىندەپ، ءوڭىردىڭ بەيبىتشىلىگى مەن ورنىقتىلىعىن قورعاۋ كەرەك. جۇڭگو مەن ۆيەتنام ەكى ەلدىڭ قۇرلىق شەكاراسى مەن بەيبۋ شىعاناعى شەكاراسىن ايىرۋدىڭ تابىستى امالياتى ەكى جاقتىڭ تەڭىزدەگى ماسەلەنى كەڭەسۋ، كەلىسسوز وتكىزۋ ارقىلى ويداعىداي شەشۋگە قابىلەتى جەتەتىندىگىن، اقىل - پاراساتى جەتەتىندىگىن ايگىلەدى. ەكى جاق ەكى پارتيانىڭ، ەكى ەلدىڭ جوعارى جىكتەگىلەرىنىڭ ورتاق تانىمىن تياناقتاندىرىپ، تەڭىزدەگى كەلىسسوز مەحانيزمىنىڭ رولىن ويداعىداي ساۋلەلەندىرىپ، تەڭىزدەگى الاۋىزدىقتاردى ۇيلەسىمدى مەڭگەرىپ، تەڭىزدەگى سەلبەستىكتى ۇزدىكسىز كەڭەيتىپ، تالاس - تارتىستى تۇبەگەيلى شەشۋگە شارت - جاعداي توپتاۋى كەرەك. «نانحاي تەڭىزىندەگى ءار جاقتىڭ ارەكەت جارناماسىن» جاپپاي، ءونىمدى تياناقتاندىرىپ، ”نانحاي تەڭىزى ارەكەت ولشەمىن“ اقىلداسۋدى بەلسەنە ىلگەرىلەتىپ، كەدەرگىلەردى الاستاپ، ورتاقتىقتاردى ۇيىستىرىپ، ايىرماشىلىقتاردى جويىپ، نانحاي تەڭىزىن شىن مانىندە بەيبىتشىلىك تەڭىزىنە، دوستىق تەڭىزىنە، سەلبەستىك تەڭىزىنە اينالدىرۋ كەرەك.

جاڭا تاريحي باستامادا جۇڭگو ۆيەتناممەن بىرگە قول ۇستاسا العا باسىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ تىڭ داستانىن ۇزدىكسىز جازىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ دا اناعۇرلىم زور ۇلەس قوسۋدى قالايدى.

كەلۋ قاينارى: حالىق تورابى