كينو كورۋشىلەرگە قوسىمشا قاراجات بەرىلەدى! ءبىر ميلليارد يۋان قاراجات ءبولىندى 

4 – ايدىڭ 18 – كۇنى، مەملەكەتتىك كينو مەڭگەرمەسى قاتارلى ورىندار بەيجيڭدە ”جۇڭگو كينو سالاسىنداعى تۇتىنۋ جىلى“ قيمىلىن باستادى، وسى ارقىلى كينو سالاسىنىڭ قوعامدىق تۇتىنۋدى سەرپىلتۋ جاعىنداعى باستاماشىلدىق رولىن تولىق ساۋلەلەندىرەدى.

”جۇڭگو كينو سالاسىنداعى تۇتىنۋ جىلى“ قيمىلى بارىسىندا كينو سالاسىنداعى تۇتىنۋ جاعىندا حالىققا تيىمدىلىك جاراتاتىن ءبىر قىدىرۋ قيمىلدار ورتاعا قويىلىپ، كاسىپ اتتاپ، تاراۋ اتتاپ بىرلەسىپ ارەكەتتەنۋ كورنەكتىلەندىرىلىپ، تۇتىنۋدى ىلگەرىلەتۋ جاعىنداعى جان – جاقتى شارالار ورتاعا قويىلادى.

ۇعىسۋعا قاراعاندا، جۇڭگو ونەركاسىپ – ساۋدا بانكەسى، جۇڭگو قۇرىلىس بانكەسى، جۇڭگو بانكەلەر بىرلەستىگى، ماۋيان، تاۋپياۋپياۋ قاتارلىلار باستى قولداۋشى ورىندار بولىپ، كينو كورۋشىلەرگە تيىمدىلىك جاراتۋ قوسىمشا قاراجاتى رەتىندە كەمىندە ءبىر ميلليارد يۋان قوسىلىپ، ءتۇيىندى ۋاقىتتاردى توڭىرەكتەي وتىرىپ، كينو سالاسىنداعى تۇتىنۋعا قولداۋ كورسەتىلەدى ءارى ”اپتا سوڭىندا بىرگە كينو كورەيىك“ قاتارلى وتىمدىلەندىرۋ قيمىلدارى ۇزدىكسىز ورىستەتىلىپ، تۇتىنۋشىلارعا تيىمدىلىك جاسالادى.

كەلۋ قاينارى: حالىق تورابى