شي جينپيڭ ماسكەۋگە جەتتى

سول جەر ۋاقىتى 5 - ايدىڭ 7 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن ماسكەۋگە جەتتى، رەسەيدىڭ زۇڭتۇڭى پۋتيننىڭ ۇسىنىسى بويىنشا رەسەيدە مەملەكەتتىك ساپاردا بولادى ءارى سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ سالتىنا قاتىناسادى. رەسەي جاق اۋەجايدا سالتاناتتى قارسى الۋ سالتىن وتكىزدى. سۋرەتتە: شي جينپيڭ قۇرمەت قاراۋىلىن كوزدەن كەشىرۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 5 - ايدىڭ 7 - كۇنى، ماسكەۋ (تىلشىلەر يۇي حۇڭجيان، شياۋ شينشين). سول جەر ۋاقىتى 5 - ايدىڭ 7 - كۇنى كەشتە مەملەكەت ءتوراعاسى شي جينپيڭ ارناۋلى ۇشاقپەن ماسكەۋگە جەتتى، رەسەيدىڭ زۇڭتۇڭى پۋتيننىڭ ۇسىنىسىمەن رەسەيدە مەملەكەتتىك ساپاردا بولادى ءارى سوۆەت وداعىنىڭ ۇلى وتان سوعىسى جەڭىسكە جەتكەنىنىڭ 80 جىلدىعىن ەسكە ءتۇسىرۋ سالتىنا قاتىناسادى.

شي جينپيڭ وتىرعان ارناۋلى ۇشاق رەسەيدىڭ اۋە كەڭىستىگىنە كىرگەننەن كەيىن، رەسەي اۋە ارمياسىنىڭ سوعىس ۇشاعى كەڭىستىككە كوتەرىلىپ قورعادى.

شي جينپيڭ ماسكەۋ ۆنۋكوۆو ارناۋلى ۇشاق اۋەجايىنا جەتكەندە، رەسەي زۇڭليىنىڭ ورىنباسارى گوليكوۆا قاتارلى ۇكىمەتتىڭ جوعارى دارەجەلى ءمانساپتىلارى قىزۋ قارسى الدى.

رەسەي جاق اۋەجايدا سالتاناتتى قارسى الۋ سالتىن وتكىزدى. اسكەري وركەستر جۇڭگو مەن رەسەيدىڭ مەملەكەت اندەرىن ورىندادى. شي جينپيڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

شي جينپيڭ جازباشا ءسوز سويلەپ، جۇڭگو ۇكىمەتى مەن حالقى اتىنان رەسەي ۇكىمەتىنە جانە رەسەي حالقىنا شىنايى سالەم جولدادى جانە ىزگى تىلەك ءبىلدىردى.

شي جينپيڭ بىلاي دەپ اتاپ كورسەتتى: جۇڭگو مەن رەسەي _ بولەك كەتە المايتىن تاتۋ كورشىلەر، تاۋقىمەتتى بىرگە تارتقان ناعىز دوستار، ءوزارا تابىسقا جەتكەن جاقسى سەرىكتەر. ەكى جاق ىرگەلەس ءىرى ەلدىڭ دۇرىس قارىم ـ قاتىناس جولىن ءساتتى قاراستىرىپ، جاڭا داۋىردەگى جۇڭگو مەن رەسەيدىڭ ستراتەگيالىق سەلبەستىك رۋحىن قالىپتاستىردى. دەربەس، ءوز ـ وزىنە قوجايىن بولعان، پىسىپ ـ جەتىلگەن، بەرىك جۇڭگو ـ رەسەي قارىم - قاتىناسى ەكى ەل حالقىنا وراسان زور باقىت اكەلۋمەن بىرگە، دۇنيە ءجۇزىنىڭ ستراتەگيالىق ورنىقتىلىعىن قورعاۋعا، تەپە ـ تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن ىلگەرىلەتۋگە دە ماڭىزدى ۇلەس قوستى. بيىل _ دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعى جانە بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. دۇنيە جۇزىندەگى نەگىزگى ءىرى ەل جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندە جۇڭگو مەن رەسەي دۇنيە جۇزىلىك ەكىنشى سوعىستىڭ جەڭىس جەتىستىكتەرىن قول ۇستاسا قورعاپ، زورەكەرلىك پەن وكتەمدىك ساياسيعا باتىل قارسى تۇرىپ، ناعىز كوپ جاقتىلىقتى امالياتتا ايگىلەپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋدى ىلگەرىلەتتى. مەن پۋتين زۇڭتۇڭمەن ەكى جاقتى قارىم ـ قاتىناس، ناقتى سەلبەستىك، سونداي ـ اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىرلەسىپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم ـ قاتىناسىنىڭ دامۋىن ىلگەرىلەتۋگە پارمەندى قوزعاۋشى كۇش قوسۋدى ءۇمىت ەتەمىن؛ كوپ ەلدىڭ باسشىلارىمەن جانە رەسەي حالقىمەن بىرگە دۇنيە جۇزىلىك فاشيزمگە قارسى سوعىستىڭ جەڭىسىنە ەرلىكپەن ءوزىن ارناعان قۇربانداردى ساعىنا ەسكە الىپ، حالىقارالىق ادىلدىك پەن ادىلەتتىلىكتى قورعاۋدىڭ داۋىرلىك اسقاق ءۇنىن بىرگە شىعارۋدى ءۇمىت ەتەمىن.

ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.

جۇڭگونىڭ رەسەيدەگى باس ەلشىسى جاڭ حانحۇي دا اۋەجايعا بارىپ قارسى الدى.

شي جينپيڭ اۆتوكولىكپەن اۋەجايدان قونالقى قوناقجايعا بارا جاتقان جولىندا جەرگىلىكتى بۇقارانىڭ، سونداي ـ اق جۇڭگو قارجىلاندىرعان كاسىپورىنداردىڭ جانە سوندا وقىپ جاتقان جۇڭگولىق وقۋشىلاردىڭ ۋاكىلدەرى جولدىڭ ەكى جاعىنا جينالىپ، ”ءتوراعا شي جينپيڭنىڭ رەسەيگە ساپارلاي كەلگەندىگىن قىزۋ قارسى الامىز“ دەگەن سياقتى جازۋلار جازىلعان قىزىل كەرمە تۋ ۇستاپ، جۇڭگو مەن رەسەيدىڭ مەملەكەت تۋىن بۇلعاپ، شي جينپيڭنىڭ ساپارلاي كەلگەندىگىن قىزۋ قارسى الدى.

«حالىق گازەتى»، 5 - ايدىڭ 7 - كۇنى، بەيجيڭ. 5 - ايدىڭ 7 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپان بەيجيڭنەن اتتاندى، رەسەيدىڭ زۇڭتۇڭى پۋتيننىڭ ۇسىنىسى بويىنشا ماسكەۋگە بارىپ رەسەيدە مەملەكەتتىك ساپاردا بولادى ءارى سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ سالتىنا قاتىناسادى.

شي جينپيڭمەن بىرگە جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي قاتارلىلار ساپارلاي شىقتى.

كەلۋ قاينارى: حالىق تورابى