شي جينپيڭ ”بەيبىتشىلىك الاۋى، ءداۋىردىڭ جاڭا تاراۋى − جۇڭگو حالقىنىڭ جاپون شاپقىنشىلارىنا قارسى سوعىسى مەن سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جۇڭگو - رەسەي گۋمانيتارلىق اۋىس - كۇيىس قيمىلىنا“ قۇتتىقتاۋ حاتىن جولدادى

شينحۋا اگەنتتىگى، 5 ـ ايدىڭ 7 ـ كۇنى، بەيجيڭ. سول جەر ۋاقىتى 5 ـ ايدىڭ 7 ـ كۇنى مەملەكەت ءتوراعاسى شي جينپيڭ ”بەيبىتشىلىك الاۋى، ءداۋىردىڭ جاڭا تاراۋى − جۇڭگو حالقىنىڭ جاپون شاپقىنشىلارىنا قارسى سوعىسى مەن سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جۇڭگو - رەسەي گۋمانيتارلىق اۋىس - كۇيىس قيمىلىنا“ قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: 80 جىلدىڭ الدىندا جۇڭگو حالقى مەن رەسەي حالقى دۇنيە جۇزىلىك فاشيزمگە قارسى سوعىستىڭ جەڭىسىنە بىرگە وشپەس تاريحي ۇلەس قوسىپ، ىستىق قاندارىمەن مىزعىماس ۇلى دوستىق ورناتىپ، ەكى ەل قارىم - قاتىناسىنىڭ جوعارى دەڭگەيدە دامۋىنا بەرىك نەگىز قالادى. 80 جىلدان كەيىنگى بۇگىنگى تاڭدا ەكى جاقتىڭ بىرگە قۇلشىنۋىندا، جۇڭگو ـ رەسەي قارىم - قاتىناسى ۇزدىكسىز تىڭ ومىرشەڭدىك كۇشكە يە بولىپ، جاڭاشا ءىرى ەلدىك قارىم - قاتىناستىڭ ۇلگىسىن ورناتتى.

شي جينپيڭ بىلاي دەپ باسا دارىپتەدى: گۋمانيتارلىق اۋىس ـ كۇيىستى كۇشەيتۋ ءوزارا ءتۇسىنىسۋدى كۇشەيتۋدە، تاتۋ كورشىلىك دوستىقتى ساۋلەلەندىرۋدە، ەكى جاقتى قارىم ـ قاتىناستى دامىتۋدىڭ قوعامدىق، حالىق رايى نەگىزىن بەكەمدەۋدە ماڭىزدى ءارى تەرەڭ مانگە يە. ەكى ەل اقپارات قۇرالدارىنىڭ بورىشتى بىرگە ارقالاپ، قول ۇستاسا العا باسىپ، حالىقپەن ەتەنە، بۇقارامەن جاناسقان، مەيىرگە تولى گۋمانيتارلىق اۋىس ـ كۇيىستى كوبىرەك ورىستەتىپ، ەكى ەل حالقىنىڭ ءوزارا ءتۇسىنىسۋىن، جاقىنداسۋىن جەبەۋگە تىڭ قوزعاۋشى كۇش قوسىپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن دامىتۋعا تىڭ ۇلەس قوسۋىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسۋىن ءۇمىت ەتەمىن.

”بەيبىتشىلىك الاۋى، ءداۋىردىڭ جاڭا تاراۋى − جۇڭگو حالقىنىڭ جاپون شاپقىنشىلارىنا قارسى سوعىسى مەن سوۆەت وداعىنىڭ ۇلى وتان سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جۇڭگو - رەسەي گۋمانيتارلىق اۋىس - كۇيىس قيمىلىن“ جۇڭگو ورتالىق راديو - تەلەۆيزيا باس ستانسياسى مەن رەسەي بۇكىل رەسەي مەملەكەتتىك تەلەۆيزيا - راديو سەرىكتەستىگى سول كۇنى ماسكەۋدە بىرلەسىپ وتكىزدى. سول كۇنى رەسەيدىڭ زۇڭتۇڭى پۋتين دا قيمىلعا قۇتتىقتاۋ حاتىن جولدادى.

كەلۋ قاينارى: حالىق تورابى