ساۋدا مينيسترلىگى ا ق ش – تىڭ جۇڭگونىڭ چيپىن قاتاڭ شەكتەۋىنە جاۋاپ قايتاردى: ا ق ش – تى قاتە ادىستەردى دەرەۋ تۇزەتۋگە قۋزادى

ساۋدا مينيسترلىگى 5 – ايدىڭ 15 – كۇنى تۇستەن كەيىن اقپار جاريالاۋ ءماجىلىسىن اشتى. ءبىر ءتىلشى بىلاي دەپ سۇرادى: ا ق ش ساۋدا مينيسترلىگىنىڭ ونەركاسىپ جانە حاۋىپسىزدىك مەكەمەسى حابارلاندىرۋ شىعارىپ، دۇنيە ءجۇزىنىڭ ءارقايسى جەرىندە حۋاۋەي Ascend چيپىن پايدالانۋ ا ق ش – تىڭ ەكسپورتتى باسقارۋ تۇزىمىنە قايشى دەپ اتاپ كورسەتتى، ساۋدا مينيسترلىگى بۇعان قالاي باعا بەرەدى؟

بۇل جونىندە ساۋدا مينيسترلىگىنىڭ اقپارات مالىمدەمەشىسى حى يۇڭ بىلاي دەدى: جۇڭگو قاتىستى جاعدايلارعا نازار اۋداردى، ا ق ش – تىڭ حابارلاندىرۋى بازارعا جاتپايتىن جانە سىڭار جاقتى زورەكەرلىك بولىپ، ونىڭ سىڭار جاقتىلىق، قورعانىمپازدىق ءمانىن تولىق اشكەرەلەدى، ا ق ش – تىڭ ەكسپورتتى باسقارۋ شاراسىنان قالاعانىنشا پايدالانىپ، جۇڭگونىڭ چيپ ونىمدەرىنە ”بار بولۋى مۇمكىن“ دەگەن قىلمىسپەن قاتاڭ شەك قويىپ، جۇڭگو كاسىپورىندارىنىڭ ورىندى ۇقىق – مۇددەسىنە اۋىر زيان جەتكىزدى، الەمدىك جارتىلاي وتكىزگىشپەن قامداۋ تىزبەگىنىڭ ورنىقتىلىعىنا اۋىر حاۋىپ ءتوندىرىپ، بازار ەرەجەسى مەن حالىقارالىق ەكونوميكا ـ ساۋدا ءتارتىبىن اۋىر دارەجەدە ءبۇلدىردى. ا ق ش ـ تىڭ بۇل ارەكەتى ەكى جاق كاسىپورىندارىنىڭ ۇزاق ۋاقىت ءوزارا پايدا جەتكىزۋىنە، باياندى سەلبەستىگى مەن دامۋىنا ءتيىمسىز. جۇڭگو ا ق ش ـ تى قاتە ادىستەردى دەرەۋ تۇزەتۋگە قۋزايدى ءارى باتىل شارالار قولدانىپ، جۇڭگو كاسىپورىندارىنىڭ ورىندى ۇقىق ـ مۇددەسىن قورعايدى.

كەلۋ قاينارى: حالىق تورابى