ەلىمىز بويىنشا 300 ميلليوننان استام ادام وسى اۋرۋعا شالدىققان! شۇعىل ەسكەرتۋ جاريالاندى 

قان تامىرى ادامنىڭ دەنەسىندەگى ”تىرشىلىك ارناسى“ سەكىلدى، وتتەگى مەن قورەكتىك زاتتاردى تاسىمالداۋعا جاۋاپتى بولىپ، زات الماسۋدان قالىپتاسقان جاراقسىز زاتتاردى الاستايدى. الايدا، ناشار تۇرمىس تاسىلىنە بايلانىستى ەلىمىزدە جۇرەك – مي قان تامىرى اۋرۋلارىنا شالدىعۋشىلاردىڭ مولشەرى جىل سايىن ارتۋدا. مەملەكەتتىك جۇرەك قان تامىرى اۋرۋلارى ورتالىعىنىڭ ساندى مالىمەتىنە قاراعاندا، ەلىمىزدە جۇرەك قان تامىرى اۋرۋىنا شالدىققانداردىڭ سانى 300 ميلليون ادامنان اسقان.

وتباسىندا جۇرەك بۇلشىق ەتىنىڭ تۇتقيىلدان شۇعىل ولەتتەنۋىنە ۇشىراعان كەزدە ءوزىن – ءوزى قالاي قۇتقارۋعا بولادى؟ مامانداردىڭ ايتۋىنشا، ”120“ شۇعىل قۇتقارۋ تەلەفونىنا حابارلاسۋدان سىرت، ناۋقاستار ءتۇزۋ جاتىپ دەمالۋى ءارى دەر كەزىندە ازوت قىشقىلدى گليتسەريندى سورۋى كەرەك.

بەيجيڭ داشۋەسى حالىق ەمحاناسى جۇرەك ىشكى اۋرۋلار ءبولىمىنىڭ مەڭگەرۋشى شيپاگەرى ليۋ جيان: ازوت قىشقىلدى گليسەريندى سورعاندا، تىلدەگى ۆەنا قان تامىرى ارقىلى تەز ارادا قانعا ءوتىپ، 5 مينۋتتا ءونىم بەرەدى، ەگەر اۋىرعاندى باسەڭدەتسە، وندا مۇنىڭ جۇرەك شانشۋى ەكەنىن كورسەتەدى، ەگەر اۋىرعانى باسىلماسا، مۇنداي جاعدايدىڭ جۇرەك بۇلشىق ەتىنىڭ ولەتتەنۋى ەكەنىن كورسەتەدى، وندا ازوت قىشقىلدى گليتسەريندى سورۋ سانىن ارتتىرۋ قاجەت، ءبىر رەتتە ءونىم بەرمەسە ەكى رەت پايدالانۋعا بولادى، ەگەر ەكى رەتتەن كەيىن باسەڭدەمەسە، مۇمكىندىگىنشە ەمحاناعا تەزىرەك جەتىپ (ءتاج ارتەرياسىن) سۋرەتكە ءتۇسىرۋ، تىرەۋ سالۋ ارقىلى ارتەريا قان تامىرىن اشۋ كەرەك.

ماماننىڭ ايتۋىنشا، قانداعى ماي قۇرامى جوعارى بولۋ، قان قىسىمى جوعارى بولۋ، قانداعى قانت قۇرامى جوعارى بولۋ قاتارلىلار قان تامىرى اۋرۋلارىن تۋدىراتىن وتە قاتەرلى فاكتورلار. مۇنان سىرت، وتە مايلى، تۇزى اشتى، وتە ءتاتتى ىشىمدىكتەر مەن تاعامداردى تۇتىنۋ، تەمەكى مەن اراقتان ەكى ەلى ايرىلماۋ، ءبىر وتىرعان جەرىنەن قوزعالماۋ، از ۇيىقتاۋ قاتارلى ادەتتەرى بولسا، ونىڭ ۇستىنە، وتباسىندا تۇقىم قۋالاعان اۋرۋى بار ادامدار بولسا، جۇرەك – مي قان تامىرى اۋرۋىنا شالدىعۋ حاۋپىنەن ءتىپتى دە ساقتانعانى ابزال.

كەلۋ قاينارى: حالىق تورابى