عىلمي شەشىم جاساۋعا، دەموكراتيالىق شەشىم جاساۋعا، زاڭ بويىنشا شەشىم جاساۋعا تاباندى بولىپ، ”15 - بەسجىلدىق“ جوبانى جاساۋ قىزمەتىن جوعارى ساپامەن ورىنداۋ كەرەك

شينحۋا اگەنتتىگى، 5 - ايدىڭ 19 ـ كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ”15 - بەسجىلدىق“ جوبانى جاساۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: بەسجىلدىق جوبانى عىلمي جاساۋ جانە ۇزدىكسىز اتقارۋ − پارتيامىزدىڭ ەل باسقارۋداعى ماڭىزدى تاجىريبەسى، سونداي ـ اق جۇڭگوشا سوتسياليزمنىڭ ماڭىزدى ساياسي ابزالدىعى. ”15 - بەسجىلدىق“ جوبانى جاساۋ جانە اتقارۋ پارتيانىڭ 20 - قۇرىلتايىنىڭ ستراتەگيالىق ورنالاستىرۋىن جاپپاي تياناقتاندىرۋدا، جۇڭگو ۇلگىسىندەگى وسىزامانداندىرۋدى ىلگەرىلەتۋدە كەلەلى مانگە يە. عىلمي شەشىم جاساۋعا، دەموكراتيالىق شەشىم جاساۋعا، زاڭ بويىنشا شەشىم جاساۋعا تاباندى بولىپ، جوعارى دەڭگەيدە جوبالاۋ مەن حالىقتان كەڭەس الۋدى بىرلىككە كەلتىرىپ، تەكسەرىپ - زەرتتەۋدى، دالەلدەۋدى كۇشەيتىپ، ورتاق تانىمدى كەڭىنەن ۇيىستىرىپ، ءتۇرلى تاسىلدەرمەن حالىق بۇقاراسى مەن قوعامداعى ءار سالانىڭ ۇسىنىس - پىكىرلەرىن تىڭداپ، كادرلار مەن بۇقارانىڭ اماليات بارىسىندا جاراتقان جاڭا تاجىريبەلەرىن تولىق قابىلداپ، نىسانالىق مىندەتتەر مەن ساياساتتىق شارالاردىڭ جۇيەلىلىگىنە، تۇتاس تۇلعالىعىنا، سايكەسىمدىلىگىنە ءمان بەرىپ، جوبانى جاساۋ قىزمەتىن جوعارى ساپامەن ورىنداۋ كەرەك.

ەلىمىز 2026 - جىلدان باستاپ ”15 - بەسجىلدىق“ جوبانى اتقارادى، قازىر پارتيا ورتالىق كوميتەتى ”15 - بەسجىلدىق“ جوبا ۇسىنىسىن جازۋعا ۇيىمداستىرۋدا. شي جينپيڭنىڭ ماڭىزدى نۇسقاۋىنىڭ رۋحىنا جانە جوبا ۇسىنىسىن دايىنداۋ قىزمەتىنىڭ ورنالاستىرۋىنا ساي، قاتىستى جاقتار تاياۋدا ءتۇرلى فورمالار ارقىلى كادرلار مەن بۇقارادان، مامان ـ وقىمىستىلاردان ”15 - بەسجىلدىق“ جوبانى جاساۋ جونىندە ۇسىنىس ـ پىكىر الادى.

كەلۋ قاينارى: حالىق تورابى