سەنىمدى بەكەمدەپ، جوعارى ساپالى دامۋدى، جوعارى ءونىمدى جونگە سالۋدى ىلگەرىلەتىپ، ورتا جازىقتىڭ بايتاق دالاسىندا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تىڭ داستانىن قۇلشىنا جازۋ كەرەك

5 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا قىزمەت تەكسەردى. سۋرەتتە: 5 - ايدىڭ 19 - كۇنى تۇستەن كەيىن شي جينپيڭ لوياڭ قازانشىق توبى شەكتى جارنا سەرىكتەستىگىنىڭ زەردەلى زاۆودىندا قىزمەت تەكسەرگەندە كاسىپورىن جۇمىسشى - قىزمەتكەرلەرىمەن بىرگە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

5 - ايدىڭ 19 - كۇنىنەن 20 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىناندا قىزمەت تەكسەردى. سۋرەتتە: 5 - ايدىڭ 19 - كۇنى تۇستەن كەيىن شي جينپيڭ لوياڭ لۇڭمىن تاس ۇڭگىرىندە قىزمەت تەكسەرگەندە ساياحاتشىلارمەن ىقىلاسپەن اڭگىمەلەسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 5 - ايدىڭ 20 - كۇنى، جىڭجوۋ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حىناندا قىزمەت تەكسەرگەندە بىلاي دەپ باسا دارىپتەدى: جاڭا ءداۋىردىڭ جاڭا جورىعىندا حىنان پارتيا ورتالىق كوميتەتىنىڭ ورتا بولەكتەگى رايونداردىڭ جەدەل ەڭسە كوتەرۋى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ سياقتىلار جونىندەگى ستراتەگيالىق ورنالاستىرۋلارىن مۇقيات تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباي، رەفورما جاساپ، ەسىك اشۋدى جاپپاي تەرەڭدەتىپ، وسىزاماندانعان كاسىپ سالاسى جۇيەسى مەن اۋىل شارۋاشىلىعىنداعى قۋاتتى ولكە قۇرۋعا، حالىق تۇرمىسىن جاقسارتۋعا، قوعامدى جونگە سالۋدى كۇشەيتۋگە، ەكولوگيالىق ورتانى قورعاۋدى كۇشەيتۋگە، مادەنيەتتىڭ گۇلدەنىپ - كوركەيۋىن ىلگەرىلەتۋگە كۇش سالىپ، جوعارى ساپالى دامۋ مەن جوعارى ءونىمدى جونگە سالۋ ارقىلى ورتا جازىقتىڭ بايتاق دالاسىندا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تىڭ داستانىن قۇلشىنا جازۋى كەرەك

5 - ايدىڭ 19 - كۇنىنەن 20 - كۇنىنە دەيىن شي جينپيڭ حىنان ولكەلىك پارتكومنىڭ شۋجيى ليۋ نيڭ مەن ولكە باستىعى ۋاڭ كايدىڭ سەرىك بولۋىندا ىلگەرىندى - كەيىندى لوياڭ مەن جىڭجوۋعا بارىپ تەكسەرۋ - زەرتتەۋ جۇرگىزدى.

5 - ايدىڭ 19 - كۇنى تۇستەن كەيىن شي جينپيڭ الدىمەن لوياڭ قازانشىق توبى شەكتى جارنا سەرىكتەستىگىنە كەلىپ قىزمەت تەكسەردى. بۇل سەرىكتەستىكتىڭ توركىنى ”1 - بەسجىلدىق“ كەزىندە سالىنعان لوياڭ قازانشىق زاۆودى. زەردەلى زاۆودتا شي جينپيڭ كاسىپورىننىڭ دامۋ بارىسىن ۇعىسىپ، تۇرلىشە تيپتەگى قازانشىق ونىمدەرىنىڭ قولدانىلۋ ورنى مەن قاسيەتى جونىندەگى تانىستىرۋدى تىڭداپ، ءوندىرىس جەلىسىن ارالاپ، ءوندىرىس بارىسىن كوزدەن كەشىردى. ول قورالاي كەلگەن كاسىپورىن جۇمىسشى - قىزمەتكەرلەرىنە بىلاي دەدى: جاساۋ كاسىبى − حالىق شارۋاشىلىعىنىڭ ماڭىزدى تىرەگى، جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، جاساۋ كاسىبىنىڭ ۇيلەسىمدى سالىستىرماسىن ساقتاۋ كەرەك. وسىزامانعى جاساۋ كاسىبى عىلىم - تەحنيكا قۋاتىنان ايرىلا المايدى، تەحنيكالىق قامال الۋدى بارىنشا كۇشەيتىپ، دەربەس جاڭالىق جاراتۋ سىندى دامۋ جولىمەن ءجۇرۋ كەرەك. ول جۇمىسشى - قىزمەتكەرلەردى قوجايىندىق رۋحتى ساۋلەلەندىرىپ، كاسىپورىننىڭ دامۋى بارىسىندا قايراتتانا ۇمتىلىپ، كوپتەپ ۇلەس قوسۋعا شابىتتاندىردى.

وسىدان كەيىن شي جينپيڭ شىعىس حان پاتشالىعى جىلدارىندا سالىنعان بايما بۇتحاناسىنا كەلىپ قىزمەت تەكسەرىپ، بۇددا ءدىنىنىڭ جۇڭگوشالانۋى مەن بۇتحاناداعى مادەني مۇرالاردى قورعاۋ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: بايما بۇتحاناسى بۇددا ءدىنىنىڭ تارالۋ، دامۋ جانە ۇزدىكسىز جۇڭگوشالانۋ اياق الىسىنا كۋا بولدى. تاريح ەلىمىزدە ءدىندى جۇڭگوشالاندىرۋ بەتالىسىنا تاباندى بولۋ بۇكىلدەي دۇرىس بولعاندىعىن دالەلەدى، ءدىندى جۇڭحۋانىڭ تاڭداۋلى ءداستۇرلى مادەنيەتىمەن توعىسۋعا، سوتسياليستىك قوعامعا سايكەسۋگە بەلسەنە باستاۋ كەرەك.

1500 جىلدان استام تاريحقا يە لۇڭمىن تاس ۇڭگىرى − دۇنيە جۇزىلىك ماڭىزدى مادەني مۇرا. شي جينپيڭ وسى اراعا كەلىپ، تاس ۇڭگىردىڭ تۇلعالىق ورنالاستىرىلۋ كەلبەتىن جانە ۋاكىلدىك سيپاتتى ۇڭگىرشەلەردى، مۇسىندەردى كورىپ، ناق مايدانداعى مادەني ەسكەرتكىشتەردى قورعاۋ قىزمەتكەرلەرىمەن ىقىلاسپەن اڭگىمەلەستى. ول بىلاي دەپ باسا دارىپتەدى: وسى جۇڭحۋا مادەنيەتىنىڭ جاۋھارىن ويداعىداي قورعاۋ، ويداعىداي جالعاستىرۋ، ويداعىداي تاراتۋ كەرەك. ساياحاتشىلار باس شۋجيدى كورىپ قاتتى قۋانىپ، باس شۋجيمەن امانداستى. شي جينپيڭ ءالسىن - ءالى كوپشىلىكپەن پىكىر اۋىستىرىپ، بالاقايلاردى جۇڭحۋا مادەنيەتىنىڭ قاينارىنا شىنايى ءۇڭىلىپ، كىشكەنتايىنان مادەنيەت سەنىمىن ورناتۋعا ارنايى شابىتتاندىردى. ول بىلاي دەپ اتاپ كورسەتتى: مادەنيەت پەن ساياحاتتى توعىستىرۋدىڭ بولاشاعى كەڭ، مادەنيەت پەن ساياحات كاسىبىنىڭ جوعارى ساپالى دامۋىن ىلگەرىلەتىپ، تىرەكتى كاسىپ سالاسىنا، حالىق تۇرمىسى كاسىپ سالاسىنا، باقىت جاراتاتىن كاسىپ سالاسىنا شىن مانىندە اينالدىرۋ كەرەك.

4 - ايدىڭ 20 - كۇنى تۇستەن بۇرىن شي جينپيڭ حىنان ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، حىناننىڭ ءار جاقتا قول جەتكىزگەن ناتيجەلەرىن تۇراقتاندىرىپ، كەلەسى قادامداعى قىزمەتتەر جونىندە تالاپ قويدى.

شي جينپيڭ بىلاي دەپ اتاپ كورسەتتى: جوعارى ساپالى دامۋ − جۇڭگو ۇلگىسىندەگى وسىزامانداندىرۋدىڭ تابيعي تالابى. كۇردەلى سىرتقى ورتا الدىندا، سەنىمدى بەكەمدەپ، ءوز ءىسىمىزدى تاباندىلىقپەن ويداعىداي ىستەپ، جوعارى دەڭگەيدەگى سىرتقا ەسىك اشۋدى تاباندىلىقپەن كەڭەيتىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، جوعارى ساپالى دامۋدىڭ تۇراقتىلىعى ارقىلى ءتۇرلى تۇراقسىزدىققا توتەپ بەرۋ كەرەك. حىنان ەكونوميكالىق ءىرى ولكە رەتىندە، ناقتى ەكونوميكا سىندى وسى نەگىزدى ونان ارى بەكەمدەپ، عىلىم - تەحنيكادا جاڭالىق اشۋدى جەتەكشى ەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسىزاماندانعان كاسىپ سالاسى جۇيەسىنىڭ جوعارى ساپالى دامۋعا تىرەك بولۋ قابىلەتىن جوعارىلاتۋى كەرەك. ەگىستىك جەردى قورعاۋ مەن قۇرۋدى كۇشەيتىپ، استىق حاۋىپسىزدىگى جاۋاپكەرشىلىگىن بەرىك ارقالاپ، وسى زامانعى اۋىل شارۋاشىلىعىنىڭ كاسىپ سالاسى تىزبەگىن ۇزارتىپ، قالا مەن اۋىلدىڭ توعىسپالى دامۋى ارقىلى اۋىل - قىستاقتىڭ جاپپاي گۇلدەنۋىنە جەتەكشىلىك ەتىپ، قالا مەن اۋىلدىڭ بىرگە اۋقاتتانۋىن جەبەۋ كەرەك. ءتۇيىندى اعارلاردىڭ ەكولوگياسىن قورعاۋدى، جونگە سالۋدى تاباندىلىقپەن كۇشەيتىپ، لاستانۋدان ساقتانۋ جانە ونى جونگە سالۋدان قامال الۋدى تەرەڭدەتىپ، ەكولوگيالىق حاۋىپسىزدىك قالتقىسىن بەكەمدەۋ كەرەك.

شي جينپيڭ بىلاي دەپ باسا دارىپتەدى: حىناننىڭ حالىق سانىنىڭ جالپى مولشەرى، حالىق سانىنىڭ تىعىزدىعى، حالىق سانىنىڭ جىلجىمالىلىعى ءبىرشاما زور، قوعامدىق ماسەلەلەر كۇردەلى دە الۋان ءتۇرلى، ءسوز جوق، قوعامدىق جونگە سالۋدى تىڭعىلىقتى كۇشەيتۋ كەرەك. پارتيانىڭ باسشىلىعىن جاپپاي تياناقتاندىرىپ، قوعامدىق جونگە سالۋ ءتۇزىلىس، مەحانيزمىن اقاۋسىزداندىرىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭا جۇمىستانعان قاۋىمنىڭ پارتيا قۇرىلىسى قىزمەتىن كۇشەيتۋ كەرەك. بۇقارانى ءتىپتى دە ويداعىداي ۇيىستىرىپ جانە ولارعا ويداعىداي قىزمەت وتەپ، بۇقارانىڭ مۇددەسىن سايكەستىرۋ مەحانيزمىن اقاۋسىزداندىرىپ، الەۋمەتتىك قىزمەت وتەۋ دەڭگەيىن جوعارىلاتىپ،

بۇقارانىڭ شۇعىل، قيىن، ۋايىمداعان، ءزارۋ ماسەلەلەرى شىن نيەتپەن، سۇيىسپەنشىلىكپەن شەشۋ كەرەك. نەگىزگى ساتىنى يگەرۋدى، نەگىزدى كۇشەيتۋدى، نەگىزدى بەكەمدەۋدى كورنەكتىلەندىرىپ، بايلىقتىڭ، قىزمەت وتەۋدىڭ، باسقارۋدىڭ تومەنگە ءتۇسۋىن ىلگەرىلەتىپ، قوعامدىق جونگە سالۋ قىزمەتتەرىنىڭ بويلىق باعىتتا تۇپكىلىكتى تياناقتانۋىنا، ەندىك باعىتتا شەتىنە جەتۋىنە شىنايى كەپىلدىك ەتۋ كەرەك. زاڭمەن جونگە سالۋ جانە سەنىمدىلىك قۇرىلىسىنا ايرىقشا ءمان بەرىپ، زاڭمەن جونگە سالۋدىڭ قوعامدى جونگە سالۋدى ارناعا ءتۇسىرۋ جانە قامتاماسىز ەتۋ رولىن ويداعىداي ساۋلەلەندىرىپ، ادال، سەنىمدى قۇن جەتەكشىلىگىن كۇشەيتىپ، ۇكىمەتتىڭ سەنىمدىلىگىن، كاسىپورىننىڭ سەنىمدىلىگىن، قوعامنىڭ سەنىمدىلىك دەڭگەيىن جوعارىلاتۋ كەرەك. حاۋىپ - قاتەردى، كومەسكى كىناراتتاردى ءبىر - بىرلەپ تەكسەرۋدى جانە جونگە سالۋدى مىقتاپ قاداعالاپ، قوعام اماندىعىن جالپى تۇلعالىق جاقتان ساقتاۋدى كۇشەيتىپ، ءتۇيىندى سالالارداعى حاۋىپ - قاتەردەن ءونىمدى ساقتانىپ جانە ونى شەشىپ، قوعامنىڭ جاراسىمدىلىعىن، ورنىقتىلىعىن شىنايى قورعاۋ كەرەك. ءار دارەجەلى باسشى كادرلار ىرىقتىلىقپەن ءىس تىندىرىپ، قوعامدى جونگە سالۋدى ىلگەرىلەتۋ بارىسىندا جاڭا جاعدايداعى پارتيانىڭ بۇقارالىق قىزمەت زاڭدىلىعىن قورىتىندىلاۋعا شەبەر بولىپ، تۇرلىشە قوعامدىق توپتاردىڭ ەرەكشەلىگىنە باعىتتاي وتىرىپ، قىزمەتتى ەگجەي - تەگجەيلى، ناقتى ىستەۋى كەرەك. فورماشىلدىقتى شىن مانىندە وڭاپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ باتىلدىقپەن ءىس تىندىرىپ، بەدەل ورناتۋىن قولداۋ، بۇقارانىڭ ءوز كۇشىنە سۇيەنىپ قوعامدىق جونگە سالۋ بارىسىنداعى ماسەلەلەردى شەشۋىنە قولداۋ كورسەتۋ كەرەك.

شي جينپيڭ بىلاي دەپ اتاپ كورسەتتى: ورتالىقتىڭ سەگىز ءتۇرلى بەلگىلەمەسى − پارتيا ورتالىق كوميتەتىنىڭ سەنىم ورناتۋ شاراسى، جاڭا داۋىردەگى پارتيانى باسقارۋدىڭ، پارتيانى جونگە سالۋدىڭ بوگەنايلىق شاراسى. ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ − بيىلعى پارتيا قۇرىلىسى قىزمەتىنىڭ ءتۇيىندى مىندەتى. ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتۋگە كۇش سالىپ، پارتيالى كادرلاردىڭ جەكە باسىنىڭ تەكسەرىپ ورتاعا قويۋىن، تۇزەتۋىن ۇيىمنىڭ تەكسەرىپ ورتاعا قويىپ، تۇزەتۋىمەن تىعىز ۇشتاستىرىپ، ستيلدەگى قاتاڭ تالاپتى قاتاڭ شاراعا شىنايى اينالدىرىپ، بۇلجىماس قاعيدامەن تەگەۋرىن قالىپتاستىرىپ، ۇيرەنۋدىڭ ساپاسىنا، تەكسەرۋدىڭ تەبىنىنە، تۇزەتۋدىڭ ونىمدىلىگىنە كەپىلدىك ەتۋ كەرەك. ۇيرەنۋ تاربيەسىندەگى ورتالىق جەتەكشىلىك ەتۋ گرۋپپاسى مىندەتىن مۇقيات اتقارىپ، جاۋاپكەرشىلىگىن ادا ەتىپ، قىزمەت ءتۇيىنىن ماسەلەنى شەشۋدى ىلگەرىلەتۋگە اۋدارىپ، دالمە - ءدال جەتەكشىلىك ەتىپ، ناقتى ونىمدىلىككە قول جەتكىزۋى كەرەك.

شي جينپيڭ بىلاي دەپ باسا دارىپتەدى: بيىل جىل باسىنان بەرى ەلىمىزدىڭ كەيبىر وڭىرلەرىندە قۋاڭشىلىق جاعدايى جارىققا شىقتى، كەيبىرەۋى ءالى دە جالعاسۋدا، قاتىستى تاراۋلار تىعىز سايكەسىپ، سۋدان پايدالانۋدى رەتتەۋدى كۇشەيتىپ، قالا، اۋىل تۇرعىندارىنىڭ سۋمەن قامداۋ جانە اۋىل شارۋاشىلىعىنداعى سۋارۋ قاجەتىنە شىنايى كەپىلدىك ەتۋى كەرەك. قۋاڭشىلىق بولسا، سۋ اپاتى تۋىلۋى مۇمكىن، قۋاڭشىلىق پەن سۋ اپاتىنىڭ شۇعىل كوبەيۋىنەن قاتاڭ ساقتانۋ كەرەك. تاسقىن مەزگىلى كەلدى، جەر - جەر تاسقىننان ساقتانۋ، تاسقىنعا قارسى اتتانۋدا، ءسوز جوق، دەن قويا دايىندىق جاساپ، جوبانىڭ تولىق، توتەپ بەرۋدىڭ بايسالدى بولۋىنا كەپىلدىك ەتۋى كەرەك. تاسقىن، لاي تاسقىنى سياقتى جاراتىلىستىق اپاتتار وڭاي تۋىلاتىن رايونداردا شۇعىل جاعدايعا توتەپ بەرۋ، ءبىر جاقتى ەتۋ جاۋاپكەرشىلىگىن جاپپاي تياناقتاندىرۋ كەرەك.

حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋگە بايلانىستى ورتالىقتىڭ 2 - جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.

كەلۋ قاينارى: حالىق تورابى