بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.05.21 16:38 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 20 - كۇنى، بەيجيڭ. 5 - ايدىڭ 20 - كۇنى مەملەكەت ءتوراعاسى شي جينپيڭ 2025 - جىلعى شاڭحاي سەلبەستىك ۇيىمىنىڭ كەدەيلىكتى ازايتۋ جانە باياندى دامۋ تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: كەدەيلىكتى جويۋ − دۇنيە جۇزىلىك قيىن ماسەلە، سونداي - اق دۇنيە جۇزىندەگى ءار ەلدىڭ ورتاق نىساناسى. جۇڭگو قاجىرلىلىقپەن قۇلشىنۋ ارقىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە ءساتتى قول جەتكىزىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن تارتىبىندەگى كەدەيلىكتى ازايتۋ نىساناسىن 10 جىل بۇرىن جۇزەگە اسىرىپ، كەدەيلىكتى ازايتۋدىڭ جۇڭگوشا جولىمەن ءجۇرىپ، ادامزاتتىڭ كەدەيلىككە قارسى اتتانۋ تاريحىنىڭ تىڭ داستانىن جازدى.
شي جينپيڭ بىلاي دەپ باسا دارىپتەدى: كەدەيلىكتى ازايتۋ ماسەلەسى، سايىپ كەلگەندە، دامۋ ماسەلەسى. تاياۋ جىلداردان بەرى شاڭحاي سەلبەستىك ۇيىمى كەدەيلىكتى ازايتۋ جانە باياندى دامۋ سەلبەستىگىن بەلسەنە ورىستەتىپ، سۇبەلى تابىستارعا قول جەتكىزدى. جۇڭگو جاق شاڭحاي سەلبەستىك ۇيىمىنىڭ كەزەكتى ءتوراعا ەلى رەتىندە، ءار جاقپەن ساياساتتىق تىلدەسۋدى ۇزدىكسىز كۇشەيتىپ، كەدەيلىكتى ازايتۋ تاجىريبەسىنەن بىرگە يگىلىكتەنىپ، ناقتى سەلبەستىكتى تەرەڭدەتىپ، ءتىپتى دە كوپ ەلدىڭ ءوز مەملەكەت جاعدايىنا ۇيلەسەتىن كەدەيلىكتى ازايتۋ جانە باياندى دامۋ جولىن قاراستىرۋىنا كومەكتەسىپ، كەدەيلىكتەن ادا، بىرگە گۇلدەنگەن كوركەم دۇنيە ءجۇزىن قول ۇستاسا قۇرۋدى قالايدى.
وسى رەتكى تالقى مىنبەرى سول كۇنى شانشي ولكەسىنىڭ شي - ان قالاسىندا اشىلدى، نەگىزگى تاقىرىبى ”كەدەيلىكتى ۇزدىكسىز ازايتۋ، سەلبەسىپ دامۋ − شاڭحاي سەلبەستىك ۇيىمىنا مۇشە ەلدەردىڭ كەدەيلىكتى ازايتۋىن جانە باياندى دامۋىن ىلگەرىلەتۋ“ بولدى، ونى شاڭحاي سەلبەستىك ۇيىمىنىڭ تاتۋ كورشىلىك، دوستىق سەلبەستىك كوميتەتى مەن شانشي ولكەلىك حالىق ۇكىمەتى بىرگە وتكىزدى.
