ۋاڭ حۋنيڭ مەكسيكا قاۋىم پالاتاسىنىڭ باستىعى گۋتەررەسپەن كەزدەستى

شينحۋا اگەنتتىگى، 5 - ايدىڭ 20 - كۇنى، بەيجيڭ. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 5 - ايدىڭ 20 - كۇنى بەيجيڭدە مەكسيكا قاۋىم پالاتاسىنىڭ باستىعى گۋتەررەسپەن كەزدەستى.

ۋاڭ حۋنيڭ مىنالاردى ءبىلدىردى: 2024 - جىلى 11 - ايدا ءتوراعا شي جينپيڭ شەينباۋىم زۇڭتۇڭمەن 20 ەل توبى باسشىلارىنىڭ باس قوسۋىنا قاتىناسقان كەزدە كەزدەسۋ وتكىزىپ، جۇڭگو - مەكسيكا قارىم - قاتىناسىنىڭ دامۋىنا ايقىن باعدار كورسەتتى. جۇڭگو جاق مەكسيكا جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن بەلسەنە تياناقتاندىرىپ، ناقتى سەلبەستىكتى تەرەڭدەتىپ، گۋمانيتارلىق اۋىس - كۇيىستى كۇشەيتىپ، كوپ جاقتىلىقتى بىرگە قورعاپ، جۇڭگو مەن مەكسيكانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. جۇڭگو مەملەكەتتىك ساياسي كەڭەسى ەكى ەل قارىم - قاتىناسىنىڭ دامۋىن جەبەۋگە ۇلەس قوسۋدى قالايدى.

گۋتەررەس مىنالاردى ءبىلدىردى: مەكسيكا مەن جۇڭگونىڭ ارالىعى الىس بولعانىمەن، ەكى ەل حالقىنىڭ دوستىعى تەرەڭ. مەكسيكا جاق جۇڭگونىڭ قول جەتكىزگەن وراسان زور تابىستارىن قۇتتىقتايدى ءارى وعان سۇيىنەدى، جۇڭگو جاقپەن ساۋدا، عىلىم - تەحنيكا، وقۋ - اعارتۋ، كادرلاردى باۋلۋ سياقتى سالالارداعى سەلبەستىكتى كۇشەيتىپ، كوپ جاقتىلىقتى بىرگە قورعاۋدى قالايدى. مەكسيكا قاۋىم پالاتاسى جۇڭگو مەملەكەتتىك ساياسي كەڭەسىمەن دوستىق بارىس - كەلىستى كۇشەيتىپ، مەكسيكا مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ۇزدىكسىز دامۋىن جەبەۋدى قالايدى.

حى باۋشياڭ قاتارلىلار كەزدەسۋدە بىرگە بولدى.