”15 - بەسجىلدىق“ جوبانى جاساۋ قىزمەتىندە توراپتا پىكىر الۋ قيمىلى ورىستەتىلەدى

شينحۋا اگەنتتىگى، 5 - ايدىڭ 20 - كۇنى، بەيجيڭ. باس شۋجي شي جينپيڭ تاياۋدا ”15 - بەسجىلدىق“ جوبانى جاساۋ قىزمەتى جونىندە ماڭىزدى نۇسقاۋ بەرىپ، عىلمي شەشىم جاساۋعا، دەموكراتيالىق شەشىم جاساۋعا، زاڭ بويىنشا شەشىم جاساۋعا تاباندى بولىپ، جوبانى جاساۋ قىزمەتىن جوعارى ساپامەن ورىنداۋدى باسا دارىپتەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرۋ، تياناقتاندىرۋ ءۇشىن، 5 - ايدىڭ 20 - كۇنىنەن باستاپ ”15 - بەسجىلدىق“ جوبانى جاساۋ قىزمەتى جونىندە توراپتا پىكىر الۋ قيمىلى ورىستەتىلەدى.

تانىستىرۋعا قاراعاندا، وسى رەتكى توراپتا پىكىر الۋ قيمىلىندا جەكە - جەكە حالىق گازەتىدە، شينحۋا اگەنتتىگىندە، ورتالىق راديو - تەلەۆيزيا باس ستانسياسىنا قاراستى رەسمي سايتتا، اقپارات كليەنتىندە، سونداي - اق ”ۇيرەنۋدە قۋاتتى ەل“ ۇيرەنۋ تۇعىرىندا ”15 - بەسجىلدىق“ جوباعا ۇسىنىس بەرۋ ارناۋلى ايدارى اشىلعان، قالىڭ توراپكەرلەردىڭ قاتىستى بەتتەرگە كىرىپ اقىل - كەڭەس بەرۋىنە بولادى ەكەن. توراپتا پىكىر الۋ قيمىلى ءبىر ايعا جالعاسادى، قاتىستى پىكىرلەر مەن ۇسىنىستار جيناقتالىپ رەتتەلگەننەن كەيىن ورتالىقتىڭ شەشىم جاساۋدا پايدالانۋىنا بەرىلەدى.

”15 - بەسجىلدىق“ جوبا مەزگىلى ەلىمىزدىڭ سوتسياليستىك وسىزامانداندىرۋدى نەگىزىنەن جۇزەگە اسىرۋ بارىسىندا بۇرىنعىعا مۇراگەر بولىپ، كەيىنگىگە جول اشۋىندا كەلەلى مانگە يە، ”15 - بەسجىلدىق“ جوبا كەزىندەگى ەكونوميكالىق، قوعامدىق دامۋدى عىلمي جوسپارلاۋ كەرەك. قازىر پارتيا ورتالىق كوميتەتى ”15 - بەسجىلدىق“ مەزگىلىندەگى ەكونوميكالىق، قوعامدىق دامۋ جوباسى جونىندەگى ۇسىنىستى ۇيىمداستىرىپ جاساۋدا.