فينانستى باقىلاۋ – باسقارۋ باس مەڭگەرمەسى ”كاسىپتىك قارىز ارقالاۋ“ تۇزاعىنان ساق بولۋدى ەسكەرتتى 

حالىق گازەتىنىڭ ءتىلشىسى چۇي شينميڭ 7 – ايدىڭ 24 – كۇنى بەيجيڭنەن حابارلايدى. جۋىردا زاڭسىز ەلەمەنتتەر ”تەك ءوزىڭىزدىڭ سەنىمدىلىك ينفورماتسياڭىزدى ارناساڭىز بولعانى“، ”قارىزدى ءوزىڭىزدىڭ تولەۋىڭىزدىڭ قاجەتى جوق“، ”قىسقا مەرزىم ىشىندە جوعارى سوماداعى اقىعا يە بولاسىز“ دەگەن سياقتى ەلىكتىرەتىن سوزدەردى تۇزاق ەتىپ، تۇتىنۋشىلاردى ”كاسىپتىك قارىز ارقالاۋشى“ سىندى الدامكوستىكتىڭ شىرعاسىنا تۇسىرگەن. فينانستى باقىلاۋ – باسقارۋ باس مەڭگەرمەسىنىڭ فينانس سالاسىنداعى تۇتىنۋشىلاردىڭ ۇقىق – مۇددەسىن قورعاۋ مەكەمەسى بارشا تۇتىنۋشىلارعا قىراعىلىقتى ارتتىرۋدى، ”كاسىپتىك قارىز ارقالاۋشى“ تۇزاعىنان اۋلاق بولۋدى ەسكەرتتى.

قازىر قوعام حاۋىپسىزدىگى مينيسترلىگى مەن فينانستى باقىلاۋ – باسقارۋ باس مەڭگەرمەسى فينانس سالاسىنداعى زاڭ – تۇزىمگە قايشى قىلمىستىق توپتارعا سوققى بەرۋ قىزمەتىن بىرلەسىپ ورىستەتىپ، الدامكوستىك جولمەن قارىز اقشا الۋ، قارىز اقشاعا قاتىستى الدامكوستىك ىستەۋ قاتارلى زاڭعا قايشى قىلمىستارعا زاڭ بويىنشا قاتاڭ سوققى بەرۋدە. ەگەر بىرەۋدىڭ ”قارىز ارقالاۋ ارقىلى اقشا تابۋعا“ بولادى دەگەندى ۇگىتتەگەنىن بايقاساڭىز نەمەسە ماڭايىڭىزداعىلاردىڭ جالعان ماتەريال جاساپ، الدامكوستىك جولىمەن قارىز اقشا العانى سىندى ارەكەتتەرىن، ءسوزسىز، قاتاڭ تويتارىس بەرىڭىز ءارى دەر كەزىندە فينانستى باقىلاۋ – باسقارۋ باس مەڭگەرمەسى قاتارلى قاتىستى تاراۋلارعا اشكەرەلەڭىز نەمەسە قوعام حاۋىپسىزدىگى تاراۋلارىنا دەلو مالىمدەڭىز.

كەلۋ قاينارى: حالىق تورابى