دامىپ جاتقان جۇڭگو 丨قۇلاما قۇزداعى اڭىزعا اينالعان جول 

سۋرەتتە: جالاما قۇزدىڭ ءجۇز مەتر بيىكتىكتەگى ورنىندا جارتاستى جاپسارلاي سالعان بۇل ”ۇزىن ءدالىز“ قازىر ينتەرنەتتە تانىمال جەر سالاۋاتىمەن ءبىر جىلداعى ساياحاتشى ەڭ كوپ كەلەتىن كەزگە قادام تاستادى. حالىق تورابى سۇڭ فاڭشين فوتوسى

ءتۇس مەزگىلىندە جاڭبىر جاۋىپ وتكەن سوڭ، تايحاڭشان تاۋى تۇمانعا وراندى، كۇن نۇرى گولياڭ جالاما جارتاس جولىنداعى 35 اشىق ورىننان تاس جولعا ءتۇسىپ، تاس جول بەتىندە جارىق پەن كولەڭكە ءبىر – بىرىمەن اۋىسىپ، الىستاعى جاسىل جەلەك جامىلعان تايحاڭ شوقىلارىمەن بىرگە ەرەكشە اسەم كورىنىس قالىپتاستىردى.

گولياڭ قىستاعى تايحاڭشان تاۋىنىڭ قويناۋىنا ورنالاسقان، حىنان ولكەسى حۇيشيان قالاسى شاياۋ اۋىلىنا قاراستى، نەشە ون جىلدىڭ الدىندا، بۇل ارا سىرتقى الەمنەن وقشاۋ، تابيعاتقا عانا سۇيەنىپ كۇن كورەتىن قۇنارسىز جەر بولاتىن، قىستاقتاعىلار اتا – باباسىنان بەرى سۇڭ پاتشالىعى كەزىندە سالىنعان ”ءزاۋلىم ساتى“ ارقىلى عانا تاۋدان تۇسەتىن. 1972 – جىلى گولياڭ قىستاعى بولات بۇرعى، تەمىر بالعامەن تايحاڭشان تاۋىنداعى قۇلاما قۇزدان ۇڭگىر ويىپ، جول اشقان. 5 جىل بويى جاپا – ماشاقاتپەن قۇلشىنىپ، 30 مىڭ ادامدى ىسكە قوسىپ، 24 مىڭ تەكشە مەتر كەلەتىن شاعىلدى تازالاپ، ۇزىندىعى 1250 مەتر كەلەتىن، تەڭىز دەڭگەيىنەن 1700 مەتر بيىكتىكتەگى جالاما قۇزدى كەسىپ وتكەن ۇزىن ءدالىزدى تۇتاستىرعان، بۇل قازىرگى جارتاسقا جاپسارلاي سالىنعان تاس جول — ”گولياڭ ۇڭگىرى“ سانالادى.

كەزىندە ”ءزاۋلىم ساتى“ ارقىلى سىرتقى الەممەن بايلانىس جاسايتىن گولياڭ قىستاعى ”گولياڭ ۇڭگىرىنىڭ“ ارقاسىندا تىڭ تىرشىلىك تىنىسىن قاۋلاتتى. بۇگىنگى تاڭدا، اتالعان ”جالاما قۇزداعى ۇزىن ءدالىز“ الدە قاشان ساياحاتشىلارعا تانىمال ورىنعا اينالعان. جازدىق دەمالىس مەزگىلىندە، ۇڭگىردە قايشالىسقان ساياحاتشىلار بۇل حيكىمەت قۇرىلىسقا ءتانتى بولادى؛ ۇڭگىردىڭ سىرتقى جاعىنداعى تايحاڭشان تاۋىنىڭ كورىنىسى دە سانسىزداعان ساياحاتشىنى سۋرەتكە ءتۇسىپ ەستەلىك قالدىرۋعا باۋرايدى؛ جەرگىلىكتى ورىنداعى قىستاق تۇرعىندارى ساياحاتقا سۇيەنىپ كىرىسىن ارتتىرىپ، اۋقاتتانۋ جولىنا تۇسكەن. گولياڭ قىستاعى توڭكەرىستىك مادەنيەتى مەن جاراتىلىستىق كوركىنىڭ توعىسۋىندا اۋىل – قىستاقتى گۇلدەندىرۋدىڭ جاڭا حيكاياسىن جازۋدا.