20 - كەزەكتى ورتالىق كوميتەتتىڭ ءتورتىنشى جالپى ءماجىلىسىن اشۋدى ۇيعاردى، قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى

شينحۋا اگەنتتىگى، 7 - ايدىڭ 30 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى ءماجىلىس اشىپ، جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسىن بيىل 10 - ايدا بەيجيڭدە اشۋدى ۇيعاردى، ءماجىلىستىڭ باستى كۇن ءتارتىبى: جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ورتالىق كوميتەتكە قىزمەتتەن بايانداما جاساپ، حالىق شارۋاشىلىعى مەن الەۋمەتتىك دامۋدىڭ 15 - بەسجىلدىق پلانىن جاساۋ جونىندەگى ۇسىنىستى اقىلداسۋ. ءماجىلىس قازىرگى ەكونوميكالىق جاعدايعا تالداۋ جاساپ جانە ونى اقىلداسىپ، سوڭعى جارتى جىلداعى ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ اتاپ كورسەتتى: ”15 - بەسجىلدىق“ جوبا مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەپ، جاپپاي كۇش سالۋدىڭ شەشۋشى مەزگىلى، ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلدى، ستراتەگيالىق وراي مەن حاۋىپ - قاتەر، سىن - سايىس قاتار ءومىر سۇرۋدە، بولجاۋسىز فاكتورلار كوبەيدى، سونىمەن بىرگە، ەلىمىزدىڭ ەكونوميكالىق نەگىزى ورنىقتى، باسىمدىعى مول، سەرپىمدىلىگى كۇشتى، كومەسكى قۋاتى زور، ۇزاق ۋاقىت جاقسارۋعا بەت الۋ تىرەكتىك شارت - جاعدايى مەن نەگىزگى بەتالىسى وزگەرگەن جوق، جۇڭگوشا سوتسياليستىك ءتۇزىم ابزالدىعى، ەرەن كولەمدى بازار ابزالدىعى، كەمەلدى كاسىپ سالاسى جۇيەسى ابزالدىعى، مول دارىندىلار بايلىعى ابزالدىعى اناعۇرلىم ايگىلەندى، ستراتەگيالىق تۇراقتىلىقتى ساقتاپ، ءسوز جوق، جەڭىسكە جەتۋ سەنىمىن كۇشەيتىپ، وزگەرىستى بەلسەنە تانىپ، وزگەرىسكە تالپىنىپ، كۇشتى شوعىرلاندىرا وتىرىپ ءوز ءىسىمىزدى ويداعىداي ىستەپ، قيان - كەسكى حالىقارالىق باسەكەدە ستراتەگيالىق ىرىقتىلىققا قول جەتكىزىپ، جۇڭگو ۇلگىسىندەگى وسىزامانداندىرۋ جالپى جاعدايىنا ساياتىن ستراتەگيالىق مىندەتتى ىلگەرىلەتۋدە كەلەلى تابىستارعا قول جەتكىزۋ كەرەك.

ءماجىلىس بىلاي دەپ باسا دارىپتەدى: ”15 - بەسجىلدىق“ مەزگىلىندەگى ەكونوميكالىق، قوعامدىق دامۋدا ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋدى ارقاۋ ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىندەگى وزەكتى مىندەتتى جاپپاي ىلگەرىلەتىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ارناسىن جەدەل قالىپتاستىرىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ەكونوميكانىڭ ساپالىق جاقتان ءونىمدى جوعارىلاۋى مەن ساننىڭ ۇيلەسىمدى ارتۋىن ىلگەرىلەتىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە نىق قادام تاستاپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.

ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار بەلسەنە ءىس تىندىرىپ، قامال الىپ، قيىنشىلىقتاردى جەڭىپ، اناعۇرلىم بەلسەندى، ۇتىمدى ماكرولىق ساياساتتاردى جەدەل اتقارىپ، ەلىمىزدىڭ ەكونوميكالىق اينالىمى ورنىقتىلىق بارىسىندا ىلگەرىلەپ، جوعارى ساپالى دامۋدا تىڭ تابىستارعا قول جەتكىزدى. باستى ەكونوميكالىق كورسەتكىشتەردىڭ بەينەسى جاقسى، جاڭاشا وندىرگىش كۇشتەر بەلسەنە دامىپ، رەفورما جاساپ، ەسىك اشۋ ۇزدىكسىز تەرەڭدەپ، ءتۇيىندى سالالارداعى حاۋىپ - قاتەردەن پارمەندى، ءونىمدى تۇردە ساقتانىپ جانە ونى شەشىپ، حالىق تۇرمىسىن ەڭ تومەنگى شەكتەن تۇسىرمەي قامتاماسىز ەتۋدى اناعۇرلىم كۇشەيتتىك، ەلىمىز ەكونوميكاسى قۇدىرەتتى ومىرشەڭدىك كۇش پەن توزىمدىلىكتى ايگىلەدى.

ءماجىلىس بىلاي دەپ اتاپ كورسەتتى: قازىر ەلىمىزدىڭ ەكونوميكالىق اينالىمى ءالى دە كوپتەگەن حاۋىپ - قاتەرگە، سىن - سايىسقا ءدوپ كەلىپ وتىر، جاعدايدى دۇرىس يگەرىپ، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، دامۋ ورايىنان، كومەسكى كۇشتەن جانە باسىمدىقتان ويداعىداي پايدالانىپ، ەكونوميكانىڭ قالپىنا كەلۋدەن جاقسارۋعا بەت الۋىن بەكەمدەۋ، كەڭەيتۋ كەرەك.

ءماجىلىس بىلاي دەپ باسا دارىپتەدى: سوڭعى جارتى جىلداعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، ساياساتتىڭ ۇلاسپالىلىعىن، ورنىقتىلىعىن ساقتاپ، يكەمدىلىكتى، بولجامپازدىقتى كۇشەيتىپ، جۇمىستانۋدى، كاسىپورىندى، بازاردى، مەجەنى ورنىقتىرۋعا كۇش سالىپ، ەل ءىشى، حالىقارا سىندى قوس اينالىمدى پارمەندى جەبەپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداپ، ”14 - بەسجىلدىقتى“ تابىسپەن اياقتاتۋ كەرەك.

ءماجىلىس بىلاي دەپ اتاپ كورسەتتى: ماكرولىق ساياساتقا ۇزدىكسىز كۇش سالىپ، دەر كەزىندە كۇش ۇستەۋ كەرەك. اناعۇرلىم بەلسەندى قازىنا ساياساتىن جانە ۇيلەسىمدى، كەڭ اقشا ساياساتىن تياناقتاندىرىپ، ساياساتتىڭ اسەرىن تولىق ىسكە قوسۋ كەرەك. ۇكىمەت زايومىن تاراتۋ، پايدالانۋدى تەزدەتىپ، قارجىنىڭ جۇمسالۋ ونىمدىلىگىن جوعارىلاتۋ كەرەك. نەگىزگى ساتىداعى ”ءۇشتى قامتاماسىز ەتۋدىڭ“ تومەنگى شەگىن بەرىك ساقتاۋ كەرەك. اقشا ساياساتىندا اينالىمنىڭ جەتكىلىكتى بولۋىن ساقتاپ، قوعامدىق جالپىلىق قارجى قۇراۋ وزىندىك قۇنىنىڭ تومەندەۋىن جەبەۋ كەرەك. ءتۇرلى قۇرىلىمدىق اقشا ساياساتى قۇرالدارىنان ويداعىداي پايدالانىپ، عىلىم - تەحنيكادا جاڭالىق اشۋعا، تۇتىنۋدى سەرپىلتۋگە، شاعىن، ۇساق كاسىپورىنداردى ورنىقتىرۋعا، سىرتقى ساۋدانى ورنىقتىرۋعا كۇش سالا قولداۋ كورسەتۋ كەرەك. ەكونوميكالىق ءىرى ولكەلەردىڭ ۇلكەن تىرەكتىك رول اتقارۋىن قولداۋ كەرەك. ماكرولىق ساياساتتىڭ بەتالىسىنىڭ بىردەيلىگىن كۇشەيتۋ كەرەك.

ءماجىلىس بىلاي دەپ باسا دارىپتەدى: ىشكى سۇرانىستىڭ كومەسكى كۇشىن ءونىمدى ىسكە قوسۋ كەرەك.

تۇتىنۋدى سەرپىلتۋ ارناۋلى قيمىلىن ىشكەرىلەي اتقارىپ، تاۋار تۇتىنۋىن كەڭەيتۋمەن بىرگە، قىزمەت وتەۋ تۇتىنۋىنىڭ جاڭا ارتۋ تۇيىندەرىن جەتىلدىرۋ كەرەك. حالىق تۇرمىسىن قامتاماسىزداندىرۋ جانە جاقسارتۋ بارىسىندا تۇتىنۋ قاجەتىن كەڭەيتۋ كەرەك. ”ەكى كەلەلى“ قۇرىلىسىن جوعارى ساپامەن ىلگەرىلەتىپ، حالىقتىق قارجى قوسۋدىڭ ومىرشەڭدىگىن تاسقىنداتىپ، ءونىمدى قارجى قوسۋدى كەڭەيتۋ كەرەك.

ءماجىلىس مىنالاردى اتاپ كورسەتتى: رەفورمانى تاباندىلىقپەن تەرەڭدەتۋ كەرەك. عىلىم - تەحنيكادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتۋگە تاباندى بولىپ، حالىقارالىق باسەكەلىك قۋاتقا يە جاڭادان گۇلدەنگەن تىرەكتى كاسىپ سالالارىن جەدەل جەتىلدىرىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسپالى دامۋىن ىلگەرىلەتۋ كەرەك. بۇكىل ەل بويىنشا بىرلىككە كەلگەن ءىرى بازار قۇرىلىسىن ىشكەرىلەي ىلگەرىلەتىپ، بازار باسەكەسى ءتارتىبىنىڭ ۇزدىكسىز ساپالىلانۋىن ىلگەرىلەتۋ كەرەك. كاسىپورىنداردىڭ ءتارتىپسىز باسەكەسىن زاڭ بويىنشا جونگە سالۋ كەرەك. ءتۇيىندى كاسىپ سالالارىنىڭ ءوندىرىس قۋاتىن جونگە سالۋدى ىلگەرىلەتۋ كەرەك. جەرگىلىكتى ورىنداردىڭ ساۋداگەر شاقىرىپ، قارجى ەنگىزۋ ارەكەتىن ارناعا ءتۇسىرۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ، ءتۇرلى تيجارات تۇلعالارىنىڭ ومىرشەڭدىك كۇشىن قاۋلاتۋ كەرەك.

ءماجىلىس بىلاي دەپ باسا دارىپتەدى: جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن ورنىقتىرۋ كەرەك. سوققىعا ۇشىراعان سىرتقى ساۋدا كاسىپورىندارىنا كومەكتەسىپ، قارجى قۇراۋ جاعىنان قولداۋدى كۇشەيتىپ، ىشكى - سىرتقى ساۋدانىڭ ءبىر تۇلعالانىپ دامۋىن جەبەۋ كەرەك. ەكسپورتتان باجى قايتارۋ ساياساتىم ساپالىلاندىرىپ، ەركىن ساۋدا سىناق رايونى سياقتى اشىق تۇعىرلاردى جوعارى دەڭگەيدە قۇرۋ كەرەك.

ءماجىلىس بىلاي دەپ اتاپ كورسەتتى: ءتۇيىندى سالالارداعى حاۋىپ - قاتەردەن ۇزدىكسىز ساقتانۋ جانە ونى جويۋ كەرەك. ورتالىقتىڭ قالا قىزمەتى ءماجىلىسىنىڭ رۋحىن ويداعىداي تياناقتاندىرىپ، قالانى جاڭارتۋدى جوعارى ساپامەن ورىستەتۋ كەرەك. جەرگىلىكتى ۇكىمەتتەردىڭ قارىز حاۋىپ - قاتەرىن بەلسەندى، ورنىقتى تۇردە شەشىپ، كومەسكى قارىزدى تىڭنان ارتتىرۋعا قاتاڭ تيىم سالىپ، جەرگىلىكتى ورىنداردىڭ قارجى قۇراۋ تۇعىرىنىڭ اداقتالۋىن پارمەندى، ءتارتىپتى، ءونىمدى ىلگەرىلەتۋ كەرەك.

ەل ىشىندەگى كاپيتال بازارىنىڭ باۋراۋ قۋاتى مەن قامتىمدىلىعىن كۇشەيتىپ، كاپيتال بازارىنىڭ ورنىقتى جاقسارۋ جاعدايىن بەكەمدەۋ كەرەك.

ءماجىلىس بىلاي دەپ باسا دارىپتەدى: حالىق تۇرمىسىن قامتاماسىزداندىرۋ قىزمەتىن تىڭعىلىقتى ىستەۋ كەرەك. جۇمىستانۋدى الدىڭعى ورىنعا قويۋدىڭ ساياساتتىق باعدارىن كورنەكتىلەندىرىپ، جوعارى مەكتەپ بىتىرگەن وقۋشىلار، قوسىننان شەگىنگەن اسكەريلەر، شارۋا جۇمىسكەرلەر قاتارلى ءتۇيىندى قاۋىمنىڭ جۇمىستانۋىن جەبەۋ كەرەك. حالىققا تيىمدىلىك جاساۋ ساياساتتارىن ويداعىداي تياناقتاندىرىپ، قوعامدىق قۇتقارۋ، كومەك بەرۋدىڭ ساتىعا، تۇرگە بولىنگەن جۇيەسىن اقاۋسىزداندىرۋ كەرەك. اۋىل شارۋاشىلىعى، اۋىل - قىستاق، شارۋالار نەگىزىن بەكەمدەپ، استىق جانە ماڭىزدى اۋىل شارۋاشىلىق ونىمدەرىنىڭ باعاسىن ۇيلەسىمدى دەڭگەيدە ساقتاۋدى ىلگەرىلەتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، كولەمدى تۇردە قايتا كەدەيلەسۋدەن، كەدەيلەسۋدەن ساقتانۋعا شىنايى كەپىلدىك ەتۋ كەرەك. حالىق بۇقاراسىنىڭ باس اماندىعىن باستان - اياق ءبىرىنشى ورىنعا قويىپ، ءوندىرىس حاۋىپسىزدىگى مەن ازىق - تۇلىك حاۋىپسىزدىگىن باقىلاۋ - باسقارۋدى كۇشەيتىپ، تاسقىننان ساقتانۋ، شۇعىل جاعدايعا توتەپ بەرۋ، قاتەردەن اراشالاۋ، اپاتتان قۇتقارۋ قىزمەتىن بار كۇشپەن ويداعىداي ىستەپ، جازعى ەلەكترمەن قامداۋدى قامتاماسىز ەتۋ كەرەك. ”15 - بەسجىلدىق“ جوبانى جاساۋ قىزمەتىن جاقسى ىستەۋ كەرەك.

ءماجىلىس بىلاي دەپ اتاپ كورسەتتى: ءار جاقتىڭ بەلسەندىلىگىن تولىق جۇمىلدىرۋ كەرەك.

باسشى كادرلار دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، جاڭا دامۋ ۇستانىمى بويىنشا ەكونوميكالىق قىزمەتتى جاقسى ىستەۋى كەرەك. كاسىپورىنشىلار اتويلاپ الدا ءجۇرىپ، ساپالى ونىمدەر مەن قىزمەت وتەۋلەر ارقىلى ىرىقتىلىققا قول جەتكىزۋى كەرەك. جەر - جەر، تاراۋلار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي تياناقتاندىرىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ جونىندەگى ۇيرەنۋ تاربيەسىنىڭ جەتىستىكتەرىنەن ويداعىداي پايدالانىپ، جوعارى ساپالى دامۋعا قۇدىرەتتى قوزعاۋشى كۇش ازىرلەۋى كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى