جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى

شينحۋا اگەنتتىگى، 7 - ايدىڭ 30 - كۇنى، بەيجيڭ. 7 - ايدىڭ 23 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەر اڭگىمە ءماجىلىسىن اشىپ، قازىرگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ ۇسىنىس - پىكىرلەرىن تىڭدادى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ بىلاي دەپ باسا دارىپتەدى: سوڭعى جارتى جىلداعى ەكونوميكالىق قىزمەتتى ويداعىداي ىستەۋدە ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ساياساتتىڭ ۇلاسپالىلىعىن، ورنىقتىلىعىن ساقتاپ، يكەمدىلىكتى، بولجامپازدىقتى كۇشەيتىپ، جۇمىستانۋدى، كاسىپورىندى، بازاردى، مەجەنى كۇش سالا ورنىقتىرىپ، تۇتىنۋدى پارمەندى سەرپىلتىپ، ”ىشكى قاراتالاسۋدى“ تالقانداپ، ەل ءىشى ۇلكەن اينالىمىن ىركىلىسسىزدەندىرىپ، ەل ءىشى جانە حالىقارا سىندى قوس اينالىمدى جەبەپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن قۇلشىنا ورىنداپ، ”14 - بەسجىلدىقتى“ تابىسپەن اياقتاتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ اڭگىمە ماجىلىسىنە قاتىناستى. لي چياڭ جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن الدىڭعى جارتى جىلداعى ەكونوميكالىق قىزمەتكە قاتىستى جاعدايلاردى حابارلاندىرىپ، سوڭعى جارتى جىلداعى ەكونوميكالىق قىزمەت جونىندەگى قاتىستى ويلاردى تانىستىردى.

اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، ”3 - قىركۇيەك“ ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى سۇن چيشين ىلگەرىندى - كەيىندى لەبىز ءبىلدىردى. ولار جۇڭگو كوممۋنيستىك پارتياسى ورتالىق كوميتەتىنىڭ قازىرگى ەكونوميكالىق اۋقىم تۋراسىنداعى تالداۋ، تۇجىرىمى جانە كەيىنگى جارىم جىلدىق ەكونوميكالىق قىزمەت تۋراسىنداعى ويلارىن بۇكىلدەي قولدادى ءارى عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ءوڭىر اتتاپ سايكەسۋىن ىلگەرىلەتۋ، مادەنيەت، دەنە تاربيە، ساياحات، ساۋدانىڭ توعىسپالى دامۋىن جەبەۋ، قىزمەت وتەۋ كاسىبىندەگى تۇتىنۋدى جەبەۋ، بولاشاق كاسىپ سالالارىن الدىن الا ورنالاستىرۋ، ساندى مالىمەت فاكتورلارى بىرلىككە كەلگەن ءىرى بازار قۇرۋدى جەدەلدەتۋ، قالالاردىڭ جاڭارۋىن جوعارى ساپالى ىلگەرىلەتۋ، حالىقتىق كاسىپورىنداردىڭ ومىرشەڭدىك كۇشىن ونان ارى تاسقىنداتۋ، يكەمدى جۇمىستانعان قاۋىمنىڭ قوعامدىق قامتاماسىزداندىرۋىن كۇشەيتۋ سياقتىلار جونىندە پىكىر جانە ۇسىنىس بەردى.

كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: بيىل الدىڭعى جارتى جىلدا جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار بەلسەنە ءىس تىندىرىپ، قيىندىقتاردى جەڭىپ، اناعۇرلىم بەلسەندى، ۇتىمدى ماكرولىق ساياساتتاردى جەدەل اتقارىپ، ەلىمىزدىڭ ەكونوميكالىق اينالىمى ورنىقتىلىق بارىسىندا ىلگەرىلەپ، قوعامدىق جالپى جاعداي ورنىقتى بولدى. بۇل ەلىمىزدىڭ ەكونوميكالىق نەگىزى ورنىقتى، باسىمدىعى مول، سەرپىمدىلىگى كۇشتى، كومەسكى قۋاتى زور بولۋ، جوعارى ساپالى دامۋعا تىرەك بولۋ بەلسەندى فاكتورلارىنىڭ ۇزدىكسىز توپتالعاندىعىن بەينەلەيدى.

شي جينپيڭ بىلاي دەپ باسا دارىپتەدى: قازىر ەلىمىزدىڭ ەكونوميكالىق اينالىمى ءالى دە كوپتەگەن حاۋىپ - قاتەر مەن سىن - سايىسقا ءدوپ كەلىپ وتىر، جاعدايدى دۇرىس يگەرىپ، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، دامۋ ورايىنان، كومەسكى كۇشتەن جانە باسىمدىقتان ويداعىداي پايدالانىپ، ەكونوميكانىڭ قالپىنا كەلۋدەن جاقسارۋعا بەت الۋىن بەكەمدەۋ، كەڭەيتۋ كەرەك.

سوڭعى جارتى جىلدا ماكرولىق ساياسات جاعىندا ۇزدىكسىز كۇش سالىپ، دەر كەزىندە كۇش سالىپ، ىشكى سۇرانىمدى جان - جاقتى كەڭەيتۋ، رەفورمانى تاباندىلىقپەن تەرەڭدەتىپ، ەسىك اشۋدى كەڭەيتۋ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسپالى دامۋىن ىلگەرىلەتۋ، ءتۇيىندى سالالارداعى حاۋىپ - قاتەردەن ۇزدىكسىز ساقتانۋ جانە ونى جويۋ، كوپ ءتۇرلى شارالاردى قاتار قولدانىپ حالىق تۇرمىسىن جاقسارتۋ سياقتى قىزمەتتەردى ءتۇيىندى تۇردە ويداعىداي ىستەۋ كەرەك.

شي جينپيڭ بىلاي دەپ اتاپ كورسەتتى: الدىڭعى جارتى جىلدا ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسى ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن تىعىز بايلانىستىرىپ، نازاردى ەكونوميكالىق، قوعامدىق دامۋداعى ءىشىنارا ءتۇيىندى، قيىن ماسەلەلەرگە شوعىرلاندىرا وتىرىپ ىشكەرىلەي تەكسەرۋ - زەرتتەۋ جۇرگىزىپ، سىندارلى اقىل - كەڭەس بەرىپ، دەموكراتيالىق باقىلاۋدى بەلسەنە ورىستەتىپ، جۇڭگو كوممۋنيستىك پارتياسىنىڭ باسشىلىعىندا ىنتىماقتاسا سەلبەسۋدەي ساياسي جاۋاپكەرشىلىكتى جانە ىسكەرلىك رۋحتى ايگىلەدى.

ول جۇڭگو كوممۋنيستىك پارتياسى ورتالىق كوميتەتى اتىنان كوپشىلىككە شىن جۇرەكتەن العىس ايتتى.

شي جينپيڭ دەموكراتيالىق پارتيا - توپتارعا، مەملەكەتتىك ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە مىناداي ەكى ءتۇرلى ءۇمىت ارتتى: ءبىرىنشى، يدەيالىق تانىمدى بىرلىككە كەلتىرىپ، كەڭ كولەمدى ورتاق تانىم ۇيىستىرۋ. جۇڭگو كوممۋنيستىك پارتياسى ورتالىق كوميتەتىنىڭ قازىرگى ەكونوميكالىق جاعداي جونىندەگى تالداۋ، تۇجىرىمىن جانە ەكونوميكالىق قىزمەت جونىندەگى جەتەكشى يدەياسىن، كەلەلى باعىت - ساياساتتارىن، ماڭىزدى ورنالاستىرۋلارىن تەرەڭ ءتۇسىنىپ، يگەرىپ، ساياساتتى ۇگىتتەۋ، كۇدىك - كۇماننان ارىلتۋ، كوڭىل كۇيدى ساباسىنا ءتۇسىرۋ، ورتاق تانىمدى ۇيىستىرۋ قىزمەتىن كوبىرەك ىستەپ، ىنتىماقتاسا كۇرەس جۇرگىزۋدىڭ قۋاتتى وڭ ەنەرگياسىن توپتاۋ كەرەك. ەكىنشى، ءوز ابزالدىعىن تياناق ەتىپ، جوعارى ساپالى دامۋدى ىلگەرىلەتۋ.

مىندەت وتەۋمەن ۇشتاستىرىپ، تەكسەرۋ - زەرتتەۋ تاقىرىپتارىن دۇرىس تاڭداپ، ءتۇرلى بايلىق پەن كاسىپتىك اقىل - پاراسات قويماسىنان ءبىر تۇتاس ويداعىداي پايدالانىپ، كورەگەندىككە، يكەمدىلىككە يە ءتىپتى دە كوپ پىكىر - ۇسىنىستى العا قويۋ كەرەك. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق قايراتكەرلەرىن نەگىزگى كاسىپتە تاباندى بولۋعا، ناقتى كاسىپتى كۇشەيتۋگە، جوعارى ساپالى دامۋ جولىمەن بۇلجىماي جۇرۋگە باستاۋى كەرەك.

ليۋ گوجۇڭ، لي گانجيە، حى ليفىڭ، جاڭ گوچيڭ، ۋ جىڭلۇڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسىنە قاتىناستى.

اڭگىمە ماجىلىسىنە پارتيا سىرتىنداعى قايراتكەرلەردەن تاعى شاۋ حۇڭ، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن جانە جاڭ ىندي، فاڭ گۋاڭحۋا، جوۋ لي - ان قاتارلىلار قاتىناستى.

كەلۋ قاينارى: حالىق تورابى