شي جينپيڭ گانانىڭ زۇڭتۇڭى ماحامامەن كەزدەستى

10 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا دۇنيە جۇزىلىك ايەلدەر باسشىلار ماجىلىسىنە قاتىناسۋ ءۇشىن جۇڭگوعا كەلگەن گانانىڭ زۇڭتۇڭى ماحامامەن كەزدەستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 10 - ايدىڭ 14 - كۇنى، بەيجيڭ (تىلشىلەر ما فەي، ۋاڭ رۇڭ). 10 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا دۇنيە جۇزىلىك ايەلدەر باسشىلار ماجىلىسىنە قاتىناسۋ ءۇشىن جۇڭگوعا كەلگەن گانانىڭ زۇڭتۇڭى ماحامامەن كەزدەستى.

شي جينپيڭ بىلاي دەپ اتاپ كورسەتتى: بيىل − جۇڭگو مەن گانانىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعى. جۇڭگو مەن گانانىڭ دوستىعىن ەكى ەلدىڭ اعا بۋىن باسشىلارى ءوز قولدارىمەن سومداپ، ۋاقىت كەرۋەنىندە بەكەمدەلە ءتۇستى. جۇڭگو جاق گانانىڭ ءوز مەملەكەت جاعدايىنا ۇيلەسەتىن وسىزامانداندىرۋ جولىمەن ءجۇرۋىن باتىل قولدايدى، گانا جاقپەن بىرەە ءار سالاداعى سەلبەستىكتىڭ دارەجەسىن جوعارىلاتىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن بىرگە قۇرۋعا اناعۇرلىم زور ۇلەس قوسۋدى قالايدى.

شي جينپيڭ بىلاي دەپ باسا دارىپتەدى: جۇڭگو باستان - اياق شىنايى، ادال بولۋ تانىمى مەن دۇرىس ادىلەت - مۇددە كوزقاراسىن ۇستانىپ افريكامەن سەلبەستىك ورىستەتىپ كەلەدى، گانا جاقپەن ساياسي ءوزارا سەنىمدىلىكتى نىعايتىپ، ەكى جاقتىڭ وزەكتى مۇددەسىنە جانە كوكەيتەستى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا قولداۋ كورسەتۋدى قالايدى. ەكى جاق جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ جەتىستىكتەرىن بىرگە كۇش سالا تياناقتاندىرىپ، كوپ نەگىزدى سەلبەستىك ۇلگىسىن قاراستىرۋى؛ كەن شارۋاشىلىعى، ەنەرگيا، نەگىزدىك قۇرىلعى قۇرىلىسى، اۋىل شارۋاشىلىعى، بالىق شارۋاشىلىعى سياقتى سالالارداعى سەلبەستىكتى كەڭەيتىپ، گانانىڭ بايلىق ابزالدىعىن دامۋ قوزعاۋشى كۇشىنە اينالدىرۋىنا كومەكتەسىپ، بايلىقتى اشۋ مەن ورتانى قورعاۋدىڭ ءونىمدى سايكەسۋىن جۇزەگە اسىرىپ، ەكى ەل سەلبەستىگىنىڭ جوعارى ساپالى دامۋىن ىلگەرىلەتۋ؛ دۇنيە جۇزىلىك باسقارۋ باستاماسىن بىرگە امالياتتا ايگىلەپ، اناعۇرلىم ءادىل، ۇيلەسىمدى دۇنيە جۇزىلىك باسقارۋ جۇيەسىن ورناتۋدى ىلگەرىلەتۋ كەرەك. ەكى جاق بىرگە كۇش سالىپ ەكونوميكالىق سەرىكتەستىك قارىم - قاتىناستى دامىتۋ كەلىسىمىنىڭ العاشقى مەزگىلدەگى تابىسى جونىندە پرينسيپتىك ورتاق تانىمعا كەلدى، گانا جاقتىڭ جۇڭگونىڭ افريكامەن ديپلوماتيالىق قارىم - قاتىناس ورناتقان ەلدەرگە %100 باجى تۇرىندەگى ونىمدەرىنەن كەدەن باجىسىن الماۋ شاراسىنان ەرتەرەك يگىلىكتەنۋىن ءۇمىت ەتەمىن.

ماحاما جۇڭگونىڭ دۇنيە جۇزىلىك ايەلدەر باسشىلار ءماجىلىسىن ءساتتى وتكىزگەندىگىن قۋانىشپەن قۇتتىقتاپ، وسى رەتكى باسشىلار ءماجىلىسىنىڭ ماڭىزى زور، جۇڭگونىڭ دۇنيە جۇزىلىك ايەلدەر ىستەرىنىڭ دامۋىن ىلگەرىلەتۋدەگى باسشىلىق قۋاتىن ايگىلەدى دەپ قارادى. ول مىنالاردى ءبىلدىردى: گانانىڭ جۇڭگومەن دوستىق قارىم - قاتىناسىنىڭ تاريحى ۇزاق، جۇڭگو جاقتىڭ جۇڭگو - افريكا سەلبەستىك تالقى مىنبەرى جانە ”ءبىر بەلدەۋ، ءبىر جولدى“ بىرگە قۇرۋ جۇلگەسىندەگى سەلبەستىك جۇلگەسىندە گاناعا زور كۇشپەن قولداۋ كورسەتكەندىگىنە جانە كومەكتەسكەندىگىنە العىس ايتامىن. گانا جاق ءبىر جۇڭگو ساياساتىن باتىل اتقارادى، جۇڭگومەن قارىم - قاتىناسىن تەرەڭدەتۋگە كۇش سالادى، جۇڭگو جاقپەن ساۋدا، سيفرلى ەكونوميكا، نەگىزدىك قۇرىلعى قۇرىلىسى، ەنەرگيا، كەن ونىمدەرى، گۋمانيتارلىق اۋىس - كۇيىس سياقتى سەلبەستىكتەردى كۇشەيتىپ، ەكى ەل قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى ءۇمىت ەتەدى. گانا جاق كوپ جاقتىلىقتى باتىل قولدايدى، جۇڭگو سياقتى تانىمى قارايلاس ەلدەرمەن ىنتىماقتى كۇشەيتىپ، كوپ جاقتى سايكەسۋدى جيىلەتىپ، دۇنيە جۇزىلىك باسقارۋ باستاماسىن امالياتتا ايگىلەپ، حالىقارالىق تەڭدىك پەن ادىلدىكتى قورعاۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى