شي جينپيڭ موزامبيكتىڭ زۇڭليى لەۆيمەن كەزدەستى

10 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا دۇنيە جۇزىلىك ايەلدەر باسشىلار ماجىلىسىنە قاتىناسۋ ءۇشىن جۇڭگوعا كەلگەن موزامبيكتىڭ زۇڭليى لەۆيمەن كەزدەستى.

سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن

«حالىق گازەتى»، 10 - ايدىڭ 14 - كۇنى، بەيجيڭ. 10 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا دۇنيە جۇزىلىك ايەلدەر باسشىلار ماجىلىسىنە قاتىناسۋ ءۇشىن جۇڭگوعا كەلگەن موزامبيكتىڭ زۇڭليى لەۆيمەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن موزامبيك ديپلوماتيالىق قارىم - قاتىناس ورناتقان 50 جىلدان بەرى ەكى ەلدىڭ ءداستۇرلى دوستىعى حالىقارالىق اۋمالى - توكپەلى جاعدايدىڭ سىنىنان ءوتىپ، بولاتتاي بەرىك بولدى. جۇڭگو جاق موزامبيك جاقپەن ۇزدىكسىز باتىل قولداۋ كورسەتىپ، ستراتەگيالىق سەلبەستىكتى كۇشەيتىپ، ءوزارا ءتيىمدى سەلبەستىكتى كەڭەيتىپ، جۇڭگو مەن موزامبيكتىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز تەرەڭدەتىپ، اناعۇرلىم شۇعىلالى 50 جىلدىقتى بىرگە جازۋدى قالايدى.

شي جينپيڭ بىلاي دەپ باسا دارىپتەدى: جۇڭگو جاق موزامبيك جاقتىڭ ءوز مەملەكەت جاعدايىنا ۇيلەسەتىن دامۋ جولىن دەربەس، ءوز - وزىنە قوجايىن بولا وتىرىپ قاراستىرۋىن، مەملەكەتتىڭ ىنتىماعى مەن ورنىقتىلىعىن قورعاۋىن قولدايدى، موزامبيك جاقپەن ۇكىمەت، ساياسي پارتيا، زاڭ شىعارۋ قۇرىلىمى سەلبەستىگىن كۇشەيتىپ، پارتيانى، مەملەكەتتى جونگە سالۋ تاجىريبەلەرىن اۋىستىرۋدى تەرەڭدەتۋدى قالايدى. ەكى جاق جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرۋدى وراي ەتىپ، ناقتى سەلبەستىكتى تەرەڭدەتىپ، ەنەرگيا، كەن بايلىعى جانە نەگىزدىك قۇرىلعى قۇرىلىسىن جان - جاقتى اشۋ، سايكەستى دامىتۋ سەلبەستىگىنىڭ جاڭا جولىن بىرگە قاراستىرۋى كەرەك. موزامبيك جۇڭگو مادەنيەت ورتالىعى قۇرىلىسىن جەدەلدەتىپ، ەكى ەلدىڭ گۋمانيتارلىق اۋىس - كۇيىسى مەن حالىق تىلەگىنىڭ توعىسۋىن كۇشەيتۋ كەرەك. جۇڭگو جاق موزامبيك جاقپەن بىرگە دۇنيە جۇزىلىك جونگە سالۋ باستاماسىن تياناقتاندىرىپ، سىڭار جاقتىلىق پەن زورەكەرلىككە قارسى تۇرىپ، ەكى ەلدىڭ جانە دۇنيە ءجۇزىنىڭ وڭتۇستىگىنىڭ ورتاق مۇددەسىن قورعاۋدى قالايدى.

لەۆي مىنالاردى ءبىلدىردى: ءتوراعا شي جينپيڭنىڭ دۇنيە جۇزىلىك ايەلدەر باسشىلار ماجىلىسىندە سويلەگەن ءسوزىنىڭ ىقپالى تەرەڭ، ماڭىزى زور، موزامبيك جاق جۇڭگو جاقپەن بىرگە باسشىلار ءماجىلىسىنىڭ جەتىستىكتەرىن تياناقتاندىرىپ، دۇنيە ءجۇزى ايەلدەر ىستەرىنىڭ دامۋىن ىلگەرىلەتۋدى قالايدى. جۇڭگو − موزامبيكتىڭ سەنىمدى جاقسى سەرىگى، ديپلوماتيالىق قارىم - قاتىناس ورناتقان 50 جىلدان بەرى ەكى ەل باستان - اياق ءبىرىن - ءبىرى قولداپ، تىعىز سەلبەستى. موزامبيك جاق ءبىر جۇڭگو پرينسيبىن باتىل اتقارادى، جۇڭگونىڭ دامۋ تاجىريبەسىنەن ۇيرەنىپ، ۇلگى الىپ، جۇڭگو جاقپەن ەكونوميكا - ساۋدا، ەنەرگيا، كەن شارۋاشىلىعى، عىلىم - تەحنيكا، وقۋ - اعارتۋ سياقتى سالالارداعى سەلبەستىكتى جيىلەتىپ، ءوزىنىڭ ەكونوميكالىق، قوعامدىق دامۋىنا دەم بەرىپ، حالىققا ءتىپتى دە زور باقىت جاراتۋدى قالايدى. موزامبيك جاق جۇڭگو جاق العا قويعان 4 ءىرى دۇنيە جۇزىلىك باستامانى قولدايدى، جۇڭگونىڭ ءوز دامۋى ارقىلى دۇنيە ءجۇزىنىڭ گۇلدەنۋى مەن ورنىقتىلىعىنا بەلسەندى ۇلەس قوسقانىن القايدى، جۇڭگو جاقپەن كوپ جاقتى سەلبەستىكتى كۇشەيتىپ، اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋدى ىلگەرىلەتۋدى قالايدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى