«شي جينپيڭ ەل باسقارۋ جونىندەنىڭ» 5 - تومىنىڭ اعىلشىن تىلىندەگى باسىلىمىن تانىستىرۋ ءماجىلىسى فرانكفۋرتتا وتكىزىلدى

«حالىق گازەتى»، 10 - ايدىڭ 14 - كۇنى، فرانكفۋرت (ءتىلشى شۇي شين). جۇڭگو مەملەكەتتىك كەڭەسىنىڭ اقپارات كەڭسەسى، جۇڭگونىڭ گەرمانيادا تۇراتىن باس ەلشىحاناسى، جۇڭگو شەتەل تىلدەرى مەكەمەسى جانە جۇڭگونىڭ فرانكفۋرتتا تۇراتىن باس كونسۋلحاناسى بىرلەسىپ ۇيىمداستىرعان «شي جينپيڭ ەل باسقارۋ جونىندەنىڭ» 5 - تومىنىڭ اعىلشىنشا باسىلىمىن تانىستىرۋ ءماجىلىسى 10 - ايدىڭ 14 - كۇنى گەرمانيانىڭ فرانكفۋرت قالاسىندا ءساتتى وتكىزىلدى.

ماجىلىسكە قاتىناسقان جۇڭگولىق، شەتەلدىك سيلى قوناقتار مىنالاردى ءبىلدىردى: «شي جينپيڭ ەل باسقارۋ جونىندە» جۇڭگوعا عانا ەمەس، دۇنيە جۇزىنە دە ءتان. «شي جينپيڭ ەل باسقارۋ جونىندەنىڭ» 5 - تومى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا جەتىستىكتەرىن جان - جاقتى، جۇيەلى بەينەلەيتىن بەدەلدى شىعارما، وندا باس شۋجي شي جينپيڭنىڭ جۇڭگو حالقىنا باسشىلىق ەتىپ، جۇڭگو ۇلگىسىندەگى وسىزامانداندىرۋ ۇلى ءىسىن ىلگەرىلەتۋدەگى جاندى امالياتى ەستەلىككە الىنىپ، جۇڭگو كوممۋنيستىك پارتياسىنىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قوسقان جۇڭگو اقىل - پاراساتىن، جۇڭگو جوباسىن تولىق بەينەلەدى. بۇل كىتاپتىڭ باسپادان شىعۋى حالىقارالىق قوعامنىڭ جاڭا داۋىردەگى جۇڭگونىڭ دامۋ جەتىستىكتەرىن، دامۋ بەتالىسىن جانە دامۋ جولىن اناعۇرلىم ىشكەرىلەي تۇسىنۋىنە، جۇڭگونىڭ دۇنيە جۇزىنە اكەلگەن باقىتى مەن ورايىنا اناعۇرلىم بەلسەندى مامىلە جاساۋىنا، جۇڭگو مەن شەتەلدىڭ ەل باسقارۋ تاجىريبەلەرىن اۋىستىرۋى مەن وركەنيەتتىڭ ءوزارا ۇلگى الۋىن ونان ارى ىلگەرىلەتۋىنە سەپتىگىن تيگىزەدى، ماڭىزدى ءارى تەرەڭ مانگە يە.

گەرمانيانىڭ سينولوگى، تاريحشى پەيگاۋد سوزىندە بىلاي دەپ اتاپ كورسەتتى: 5 - تومدا ءتوراعا شي جينپيڭنىڭ جەلىلەس سوزدەرى نەگىزگى تاقىرىپ بويىنشا تۇرگە ءبولىپ ەنگىزىلدى، بۇل سوزدەر جۇڭگونىڭ ۇزدىكسىز تابىستى دامۋى، سونداي - اق جۇڭگونىڭ دۇنيە جۇزىندەگى رولى توڭىرەگىندە ورىستەتىلەدى، مازمۇنى كەڭ، تارتىمدى، اۋدارماسى جاتىق، بۇل كىتاپتى وقۋ شي جينپيڭ جاڭا ءداۋىر جۇڭگوشا سوتسياليزم يدەياسى مەن جۇڭگونى جونگە سالۋ ۇستانىمىن اناعۇرلىم ويداعىداي تۇسىنۋگە ءتيىمدى. جۇڭگو ۇكىمەتى دوستىق سيلىعىنىڭ يەگەرى، شەتەل تىلدەرى باسپاسىنىڭ اعىلشىن تىلىندەگى قۇرمەتتى باس رەداكتورى داۆيد فەرگۋسون مىنالاردى ءبىلدىردى: ءتوراعا شي جينپيڭنىڭ ەل باسقارۋ يدەياسى − قاتاڭ لوگيكالىق جىككە يە كەمەلدى جۇيە، بۇل جۇيە ەل ءىشى مەن حالىقارا سىندى ەكى جالپى جاعدايدى عىلمي ءبىر تۇتاس جوسپارلاپ، جۇڭگونىڭ دامۋى ءدوپ كەلىپ وتىرعان بارلىق كەلەلى تاقىرىپقا جۇيەلى جاۋاپ قايتاردى، ونىڭ يدەيالىق تەرەڭدىگى مەن امالياتتىق كەڭدىگى ادامدى ءتانتى ەتەدى. فرانكفۋرت كۇڭزى شۋەيۋانىنىڭ شەتەل جاق باستىعى ۋاڭ ۋەيمىڭ مىنالاردى ءبىلدىردى: «شي جينپيڭ ەل باسقارۋ جونىندە» كىتابىن ۋاكىل ەتكەن جۇڭگو يدەياسى ءبىر مەملەكەتتىڭ وسىزاماندانۋ بارىسىنداعى وي جۇگىرتۋى مەن امالياتىن ارقالاعان، ول شىنايى جۇڭگونى شەشۋدىڭ ”يدەيالىق كىلتى“، مۇنىڭ ىشىندە دامۋ، بەيبىتشىلىك، جونگە سالۋ جونىندەگى اقىل - پاراسات ادامزات ءدوپ كەلىپ وتىرعان ورتاق سىن - سايىستى شەشۋگە جاڭا وي جەلىسىن ازىرلەپ بەرەدى.

قيمىل بارىسىندا جۇڭگو جاق شەتەل جاق ماڭىزدى سيلى قوناقتارعا «شي جينپيڭ ەل باسقارۋ جونىندەنىڭ» 5 - تومىنىڭ اعىلشىن تىلىندەگى نۇسقاسىن ۇسىندى. ماجىلىسكە قاتىناسقان مامان - وقىمىستىلار ”تەڭدىك جانە سيىسىمدىلىق: وركەنيەتتەر تىلدەسۋىنەن دۇنيە جۇزىلىك جونگە سالۋعا دەيىن“ سىندى نەگىزگى تاقىرىپتى ارقاۋ ەتىپ، جەكە - جەكە جۇڭگو ۇلگىسىندەگى وسىزامانداندىرۋ جانە دۇنيە ءجۇزى، دۇنيە جۇزىلىك جونگە سالۋ باستاماسىن امالياتتا ايگىلەۋ، جۇڭگو - ەۆروپا وركەنيەتتەرىنىڭ اۋىس - كۇيىسى، ءوزارا ۇلگى الۋى سياقتى جاقتاردان پىكىر اۋىستىرىپ، تالقى ورىستەتتى.

«شي جينپيڭ ەل باسقارۋ جونىندەنىڭ» 5 - تومىنا باس شۋجي شي جينپيڭنىڭ 2022 - جىلى 5 - ايدىڭ 27 - كۇنىنەن 2024 - جىلى 12 - ايدىڭ 20 - كۇنىنە دەيىنگى بايانداماسى، ءسوزى، اڭگىمەسى، لەكسياسى، ارناۋ ءسوزى، ماقالاسى، نۇسقاۋى سياقتى 91 شىعارما ەنگىزىلگە، 18 ارناۋلى تاقىرىپقا بولىنەدى.

كەلۋ قاينارى: حالىق تورابى