دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن، عالامدىق جونگە سالۋ باستاماسىن تياناقتاندىرۋدى ىلگەرىلەتەيىك

شينحۋا اگەنتتىگى، 10 - ايدىڭ 15 - كۇنى، بەيجيڭ. 10 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 20 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن، دۇنيە جۇزىلىك جونگە سالۋ باستاماسىن تياناقتاندىرۋدى ىلگەرىلەتەيىك» دەگەن ماڭىزدى ماقالاسى جاريالانادى. بۇل − باس شۋجي شي جينپيڭنىڭ 2021 - جىلى 9 - ايدان 2025 - جىلى 9 - ايعا دەيىنگى قاتىستى ماڭىزدى بايىمداۋلارىنىڭ قىسقارتىلعانى.

ماقالادا بىلاي دەپ باسا دارىپتەلدى: قازىرگى دۇنيەدە بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، جونگە سالۋ قىزىل سيفرى ارتپاسا ازايمادى. ادامزاتتىڭ تاعدىرلاس ورتاق تۇلعاسىن قۇرۋ جانە دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى سياقتىلاردى العا قويۋداعى ماقسات جوعارىداعى قىزىل سيفرلاردى شەشىپ، اناعۇرلىم كوركەم دۇنيە قۇرۋدى ىلگەرىلەتىپ، ءار ەل حالقىنا اناعۇرلىم تاماشا تۇرمىس جاراتۋ بولماق.

ماقالادا مىنالار اتاپ كورسەتىلدى: دامۋ − حالىقتىڭ باقىتىن جۇزەگە اسىرۋدىڭ تەتىگى. ءبىزدىڭ جالپىعا ءتيىمدى، سيىسىمدى ەكونوميكانىڭ جاھاندانۋىن دارىپتەپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، دۇنيە جۇزىلىك دامۋ باستاماسىن امالياتتا ايگىلەۋدەگى ماقساتىمىز ارتۋ ورايىنىڭ جالپىعا ءتيىمدى بولۋىن جۇزەگە اسىرىپ، دامۋ جولىنىڭ سيىسىمدى بولۋىن ىلگەرىلەتىپ، ءار ەل حالقىن دامۋ جەتىستىكتەرىنەن بىرگە يگىلىكتەندىرىپ، ”جەر شارى قىستاعىنداعى“ ەلدەردىڭ دامۋدى، گۇلدەنۋدى بىرگە جوسپارلاۋىنا مۇمكىندىك جاساپ، تەڭ يگىلىككە كەنەلۋ ۇستانىمىن ورتاق تانىمعا اينالدىرۋ. دامۋدى الدىمەن ەسكەرۋگە، حالىقتى وزەك ەتۋگە، جالپىعا ءتيىمدى، سيىسىمدى بولۋعا، جاڭالىق اشۋ ارقىلى دەم بەرۋگە، ادام مەن تابيعاتتىڭ جاراسىمدى قاتار ءومىر سۇرۋىنە، ارەكەت بەتالىسىنا تاباندى بولىپ، دۇنيە ءجۇزى دامۋىنىڭ تەپە - تەڭ، سايكەستى، سيىسىمدى جاڭا كەزەڭگە قادام تاستاۋىن بىرگە ىلگەرىلەتۋ بولىپ تابىلادى.

ماقالادا مىنالار اتاپ كورسەتىلدى: حاۋىپسىزدىك − دامۋدىڭ العى شارتى، ادامزات − بولىنبەس حاۋىپسىزدىك ورتاق تۇلعاسى. مەملەكەت پەن مەملەكەت ءبىر - بىرىنە سۇيەنىپ وتىرعان بۇگىنگى تاڭدا، ءوزىنىڭ مۇلدە حاۋىپسىزدىگىنە، دەربەس يگىلىكتەنۋىنە تالپىنۋ ىسكە اسپايدى. دۇنيە جۇزىلىك حاۋىپسىزدىك باستاماسى سەلبەستىك ارقىلى دامۋدى جەبەۋدى، سەلبەستىك ارقىلى حاۋىپسىزدىكتى جەبەۋدى دارىپتەپ، اناعۇرلىم بىركەلكى، ءونىمدى، باياندى حاۋىپسىزدىك قۇرىلىمىن ورناتۋ بولىپ تابىلادى. ورتاق، جالپىلىق، سەلبەستىك، باياندى حاۋىپسىزدىك كوزقاراسىنا تاباندى بولىپ، ءار ەلدىڭ يەلىك ۇقىعىنا، تەرريتوريا تۇتاستىعىنا قۇرمەت ەتۋگە تاباندى بولىپ، بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىنە بويسۇنۋعا تاباندى بولىپ، ءار ەلدىڭ ۇيلەسىمدى حاۋىپسىزدىككە كوڭىل ءبولىپ وتىرعان ماسەلەلەرىنە ءمان بەرۋگە تاباندى بولىپ، مەملەكەتتەر اراسىنداعى الاۋىزدىقتار مەن تالاس - تارتىستى پىكىرلەسۋ، كەڭەسۋ ارقىلى بەيبىت جولمەن شەشۋگە تاباندى بولىپ، ءداستۇرلى سالالار مەن بەي ءداستۇرلى سالالاردىڭ حاۋىپسىزدىگىن ءبىر تۇتاس قورعاۋعا تاباندى بولۋ كەرەك.

ماقالادا مىنالار اتاپ كورسەتىلدى: الۋان ءتۇرلى وركەنيەت − دۇنيە ءجۇزىنىڭ قاسيەتى. ءار ەلدىڭ بولاشاعى مەن تاعدىرى تىعىز بايلانىسقان بۇگىنگى تاڭدا، تۇرلىشە وركەنيەت سيىسىمدى بولىپ، اۋىس - كۇيىس جاساپ، ءوزارا ۇلگى الىپ، ادامزات قوعامىنىڭ وسىزاماندانۋ اياق الىسىن ىلگەرىلەتۋدە، دۇنيە ءجۇزى وركەنيەتىنىڭ باۋ - باقشالارىن گۇلدەندىرۋدە ورنىن وگەيسىتۋگە بولمايتىن رول اتقارۋدا. دۇنيە جۇزىلىك وركەنيەت باستاماسىن العا قويۋداعى ماقسات ءار ەل حالقىنىڭ ءوزارا ءتۇسىنىسۋىن، جاقىنداسۋىن جەبەپ، ءتۇرلى وركەنيەتتەردىڭ سيىسىمدى بولۋىن، ءوزارا ۇلگى الۋىن جەبەۋ. دۇنيە ءجۇزى وركەنيەتىنىڭ الۋان تۇرلىلىگىنە قۇرمەت ەتۋدى بىرگە دارىپتەپ، بۇكىل ادامزاتتىڭ ورتاق قۇنىن ساۋلەلەندىرۋدى بىرگە دارىپتەپ، وركەنيەتكە مۇراگەرلىك ەتۋگە جانە جاڭالىق اشۋعا ءمان بەرۋدى بىرگە دارىپتەپ، حالىقارالىق گۋمانيتارلىق اۋىس - كۇيىستى، سەلبەستىكتى كۇشەيتۋدى بىرگە دارىپتەپ، دۇنيە جۇزىندەگى ءار ەلدىڭ گۋمانيتارلىق اۋىس - كۇيىسىنىڭ، مادەنيەتىنىڭ توعىسۋىنىڭ، حالىق تىلەگىنىڭ توعىسۋىنىڭ جاڭا جاعدايىن قۇلشىنا اشىپ، دۇنيە ءجۇزى وركەنيەتىنىڭ الۋان ءتۇرلى باقشالارىن كوزدىڭ جاۋىن الاتىنداي ەتى، تىرشىلىك تىنىسىن جالىنداتۋ كەرەك.

ماقالادا مىنالار اتاپ كورسەتىلدى: بيىل − دۇنيە جۇزىلىك فاشيزمگە قارسى سوعىس جەڭىسىنىڭ جانە بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى، تاريحتى ەستە بەرىك ساقتاپ، بولاشاقتى بىرگە جاراتاتىن ماڭىزدى ءسات. 80 جىلدىڭ الدىندا، ەكى رەتكى دۇنيە جۇزىلىك سوعىستىڭ زوبالاڭى حالىقارالىق قوعامدى قايعىعا باتىردى، بىرلەسكەن مەملەكەتتەر ۇيىمى دۇنيەگە كەلدى، دۇنيە ءجۇزىن جونگە سالۋدا جاڭا بەت اشىلدى. 80 جىلدان كەيىن، بەيبىتشىلىك، دامۋ، سەلبەستىك، تەڭ يگىلىكتەنۋ سىندى ءداۋىر اعىمى وزگەرگەن جوق، الايدا، قىرعي قاباقتىق وي جەلىسى، زورەكەرلىك، قورعانىمپازدىق بۇلىڭعىرلانىپ سەيىلمەي، جاڭا حاۋىپ - قاتەر، جاڭا سىن - سايىستار ارتپاسا ازايعانى جوق، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى، دۇنيە ءجۇزىن جونگە سالۋ جاڭا جول ايىرىعىندا تۇر. تاريح بىزگە مىنانى ۇعىندىردى: نەعۇرلىم قيىن - قىستاۋ ساتتەردە بەيبىت قاتار تۇرۋ اۋەلگى ماقساتىن سولعۇرلىم ۇستانىپ، سەلبەسىپ تەڭ يگىلىككە كەنەلۋ سەنىمىن بەكەمدەپ، تاريحتىڭ العا باسۋ لوگيكاسىندا العا باسۋعا، ءداۋىردىڭ دامۋ اعىمىندا دامۋعا تاباندى بولۋ كەرەك. سوندىقتان جۇڭگو دۇنيە جۇزىلىك جونگە سالۋ باستاماسىن العا قويىپ، ءار ەلمەن بىرگە اناعۇرلىم ءادىل، ۇيلەسىمدى دۇنيە جۇزىلىك جونگە سالۋ جۇيەسىن ورناتۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىنا قول ۇستاسا قادام تاستادى. ءبىرىنشى، يەلىك ۇقىق تەڭدىگىن جۇرگىزۋ كەرەك. ەكىنشى، حالىقارالىق زاڭمەن باسقارۋعا بويسۇنۋ كەرەك. ءۇشىنشى، كوپ جاقتىلىقتى امالياتتا ايگىلەۋ كەرەك. ءتورتىنشى، ادامدى نەگىز ەتۋدى دارىپتەۋ كەرەك. بەسىنشى، ارەكەت بەتالىسىنا ءمان بەرۋ كەرەك.

كەلۋ قاينارى: حالىق تورابى