سوڭعى جارىم جىلداعى ورتا، باستاۋىش مەكتەپكە وقىتۋشى بولۋ تولىمدىلىق ەمتيحانىنىڭ جازباشا ەمتيحان ناتيجەسىن بۇگىن تەكسەرىپ كورۋگە جانە بەتپە – بەت ەمتيحانعا تىزىمدەلۋگە بولادى 

2025 – جىلعى سوڭعى جارىم جىلداعى ورتا، باستاۋىش مەكتەپكە وقىتۋشى بولۋ تولىمدىلىق ەمتيحانىنىڭ (جازباشا ەمتيحان) ناتيجەسى 11 – ايدىڭ 7 – كۇنى ساعات 10 دا جاريالانادى، مىناداي ءتورت ءتۇرلى تاسىلمەن تەكسەرۋگە بولادى.

1. جۇڭگو وقۋ – اعارتۋ جانە ەمتيحان تورابى

جالعانىمى: http://ntce.neea.edu.cn/ntce/

2. جۇڭگو وقۋ – اعارتۋ جانە ەمتيحان تورابىنىڭ ۋيشين شاعىن پروگرامماسى

3. جۇڭگو وقۋ – اعارتۋ جانە ەمتيحان تورابىنىڭ جىفۋباۋداعى شاعىن پروگرامماسى

4. جۇڭگو وقۋ – اعارتۋ جانە ەمتيحان تورابىنىڭ بايدۋ شاعىن پروگرامماسى

بەتپە – بەت ەمتيحانعا تىزىمدەلۋ بۇگىننەن باستالادى

2025 – جىلعى سوڭعى جارىم – جىلداعى ورتا، باستاۋىش مەكتەپكە وقىتۋشى بولۋ تولىمدىلىق ەمتيحانىنا (بەتپە بەت ەمتيحان) تىزىمدەلۋ قىزمەتى 11 – ايدىڭ 7 – كۇنى باستالادى.

وسى رەتكى ەمتيحان 31 ولكەدە (اۆتونوميالى رايون، توتە قاراستى قالا) الىنادى، ءارقايسى ولكەلەردىڭ (اۆتونوميالى رايون، توتە قاراستى قالا) تىزىمدەۋ قىزمەتى جونىندەگى ۇقتىرۋى ينتەرنەت ارقىلى جاريالانادى، ەمتيحان بەرۋشىلەر ءوزى تۇرعان ولكەنىڭ (اۆتونوميالى رايون، توتە قاراستى قالا) تىزىمدەۋ ۇقتىرۋىنداعى تالاپتارعا ساي، بەلگىلەنگەن مەرزىمدە ينتەرنەت ارقىلى تىركەلۋ، جەكەلىك ينفورماتسياسىن تولتىرۋ، ەمتيحانعا تىزىمدەلۋ قاتارلى ىستەردى ورىنداپ بولۋى، تولىمدىلىعىن تەكسەرۋ باسقىشىنان وتكەن سوڭ، بەلگىلەنگەن ۋاقىت ىشىندە ينتەرنەت ارقىلى اقى تاپسىرۋدى ورىنداپ بولۋى قاجەت.

ەمتيحان بەرۋشىلەر ەمتيحانعا تىزىمدەلۋدەن بۇرىن ءوزى تۇرعان ولكەدەگى (اۆتونوميالى رايون، توتە قاراستى قالا) ورتا، باستاۋىش مەكتەپكە وقۋشى بولۋ تولىمدىلىق ەمتيحانى (بەتپە – بەت ەمتيحان) جونىندەگى ۇقتىرۋدا ايتىلعان ءتۇرلى مازمۇندار مەن بەلگىلەمەلەردى ەگجەي – تەگجەيلى وقۋى، ەمتيحانعا تىزىمدەلۋگە قاجەتتى ءتۇرلى شارتتارعا قانىق بولۋى، قاتىستى تالاپتار بويىنشا تىزىمدەلۋى قاجەت. سونىمەن بىرگە، تىزىمدەۋ جۇيەسىندەگى ”ادالدىقپەن ەمتيحان بەرۋگە ۋادە بەرۋ“ باسقىشىنان وتپەگەن وقۋشىلاردىڭ ەمتيحانعا تىزىمدەلۋىنە بولمايدى.

كەلۋ قاينارى: حالىق تورابى

كەلۋ قاينارى: حالىق تورابى