نورو ۆيرۋسىنان ساقتانۋدا مىناداي بىرنەشە ءتۇيىندى ويداعىداي ىستەۋ كەرەك

ورتالىق تەلەۆيزيا تورابى: نورو ۆيرۋسى اسقازان مەن ىشەكتىڭ شۇعىل قابىنۋىن تۋدىراتىن ۇدايى كەزدەسەتىن باكتەرياعا جاتپايتىن اۋرۋ تۋدىرعىشتاردىڭ ءبىرى. جۋىردا كوپ جەردەگى اۋرۋدىڭ الدىن الۋ جانە ونى تىزگىندەۋ تاراۋلارى نورو ۆيرۋسىنان تۋىندايتىن شۇعىل جۇعىمدالۋ سيپاتتى ءىش ءوتۋ ءجيى تۋىلاتىن كەزەڭگە قادام تاستاعانىن ەسكەرتكەن.

ەمدەۋ قىزمەتكەرلەرى مىنانى ءبىلدىردى: اتا – انالار بالالاردىڭ دەنساۋلىق جاعدايىنا ءجىتى كوڭىل ءبولۋى كەرەك، سونىمەن بىرگە، بالالار باقشالارى مەن مەكتەپتەر كۇندەلىكتى ساقتانۋ – تىزگىندەۋ قىزمەتىن ويداعىداي ىستەۋى قاجەت. مۇنان سىرت، نورو ۆيرۋسىنان ساقتانۋدا مىناداي بىرنەشە ءتۇيىندى ويداعىداي ىستەۋ قاجەت.

قولدى ءجيى جۋۋ: تاماق الدىندا، دارەتكە وتىرعان سوڭ، تاماق جاساۋدان بۇرىن، ءسوزسىز، قولدى سابىنداپ، تازالاپ جۋۋ قاجەت.

تاماقتى ابدەن پىسىرىپ جەۋ: ازىق – تۇلىكتەردى ءبىر جاقتى ەتكەندە جانە مانەرلەگەندە پىسقانى مەن شيكىسىن ارالاستىرماعان ءجون. تاماقتى، وتە – موتە، ەت، تەڭىز ونىمدەرى جانە جۇمىرتقا قاتارلى ازىق – تۇلىكتەردى ابدەن پىسىرىپ جەۋ قاجەت.

ەرتە اۋاشالاۋ: ەگەر قۇسۋ، ءىشى ءوتۋ، قىزۋى ورلەۋ قاتارلى اۋرۋ بەلگىلەرى بايقالسا، دەر كەزىندە ەمدەلگەن سوڭ، ۇيدە دەمالىپ، جۇمىسقا نەمەسە وقۋعا اۋرۋ بەلگىلەرى ايىققاننان كەيىن 48 – 72 ساعاتتان سوڭ بارعان ءجون.

تازالاۋ جانە ديزەنفەكسيالاۋ: ەگەر وتباسىنداعىلاردا نەمەسە مەكتەپتەگىلەردە قۇسۋ نەمەسە ءىشى ءوتۋ سياقتى اۋرۋ بەلگىلەرى بايقالسا، دەر كەزىندە تازالىق ىستەۋ ءارى ديزەنفەكسيالاۋ قاجەت. مۇندا لاستانعان ورتاداعى زاتتاردىڭ بەتى، تۇرمىستىق بۇيىمدار، ازىق – تۇلىكتەردى مانەرلەيتىن جابدىقتار قاتارلىلار قامتىلادى؛ حلورلى ديزەنفەكسيالاعىشتى پايدالانۋ (مىسالى، 84 ديزەنفەكسيالاۋ سۇيىقتىعى، اعارتقىش ۇنتاق قاتارلىلار) نەمەسە ءونىم بەلگىسىندەگى تۇسىندىرمەسىنە نەگىزدەلە وتىرىپ، نورو ۆيرۋسىنان ساقتانۋى ەڭ ءونىمدى ديزەنفەكسيالاعىشتى تاڭداپ پايدالانۋ قاجەت.

كەلۋ قاينارى: حالىق تورابى