شي جينپيڭ كومورونىڭ زۇڭتۇڭى ازاليمەن جۇڭگو مەن كومورونىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 11 - ايدىڭ 13 - كۇنى، بەيجيڭ. 11 - ايدىڭ 13 - كۇنى مەملەكەت ءتوراعاسى شي جينپيڭ كومورونىڭ زۇڭتۇڭى ازاليمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو − كومورومەن تۇڭعىش رەت ديپلوماتيالىق قارىم - قاتىناس ورناتقان مەملەكەت. جارتى عاسىردان بەرى، حالىقارالىق جاعداي قالاي وزگەرسە دە، جۇڭگو - كومورو قارىم - قاتىناسى باستان - اياق اقاۋسىز، ورنىقتى دامىدى. تاياۋ جىلداردان بەرى ەكى ەلدىڭ ساياسي ءوزارا سەنىمدىلىگى ۇزدىكسىز بەكەمدەلىپ، ءار سالاداعى اۋىس - كۇيىس، سەلبەستىك تابىسى مول بولىپ، ۇلكەندى - كىشىلى ەلدەردىڭ تەڭ تۇرعىدا مامىلە جاساۋىنىڭ، ىنتىماقتاسا ءوزارا كومەكتەسۋىنىڭ ۇلگىسىن ورناتتى. مەن جۇڭگو - كومورو قارىم - قاتىناسىنىڭ دامۋىنا ايرىقشا ءمان بەرەمىن، ازالي زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ءداستۇرلى دوستىقتى جالعاستىرىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرۋدى ىلگەرىلەتىپ، جۇڭگو مەن كومورونىڭ ستراتەگيالىق سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، جاڭا داۋىردەگى جۇڭگو مەن افريكانىڭ بارلىق جاعدايدا بىردەي تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايمىن.

ازالي مىنالاردى ءبىلدىردى: ديپلوماتيالىق قارىم - قاتىناس ورناتقان 50 جىلدان بەرى كومورو مەن جۇڭگو ءوزارا قۇرمەت ەتۋگە، ءوزارا سەنىم ارتۋعا تاباندى بولىپ، باستان - اياق بىرگە بولىپ، بەرىك، مىعىم دوستىق ورناتتى، ەكى جاقتى سەلبەستىكتىڭ سۇبەلى تابىستارى كومورو حالقىنىڭ تۇرمىسىن تەرەڭ وزگەرتتى. بۇگىنگى دۇنيە ءجۇزى بىلىعىپ، ءتوراعا شي جينپيڭ دارىپتەگەن يەلىك ۇقىققا قۇرمەت ەتۋ، ىشكى ىستەرگە كيلىكپەۋ جانە سەلبەسىپ تەڭ يگىلىككە كەنەلۋ ۇستانىمى كومورونى قامتىعان دۇنيە جۇزىندەگى وڭتۇستىك ەلدەرىنە شابىت بەردى. كومورو جاق جۇڭگو جاق العا قويعان بەيبىت، ءادىل، كوپ ۇيەكتەنگەن دۇنيە ءجۇزىن قۇرۋ ارمانىن القايدى، ادامزاتتىڭ تاعدىرلاس ورتاق تۇلعاسى يدەياسىنىڭ جەتەكشىلىگىندە، جۇڭگومەن بىرگە باياندى جانە قامتىمدى دامۋدى ۇزدىكسىز ىلگەرىلەتىپ، افريكا مەن جۇڭگونىڭ ىنتىماعىن، سەلبەستىگىن، بىرگە گۇلدەنۋىن جەبەۋگە ءتيىستى ۇلەس قوسۋدى قالايدى.