پارتيانىڭ وزىندىك توڭكەرىسىن ىلگەرىلەتۋدە ”بەستى اناعۇرلىم تياناقتاندىرۋدى“ ورىنداۋ كەرەك

شينحۋا اگەنتتىگى، 11 - ايدىڭ 30 - كۇنى، بەيجيڭ. 12 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 23 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ وزىندىك توڭكەرىسىن ىلگەرىلەتۋدە ’بەستى اناعۇرلىم تياناقتاندىرۋدى‘ ورىنداۋ كەرەك» دەگەن ماڭىزدى ماقالاسى جاريالانادى.

ماقالادا مىنالار باسا دارىپتەلدى: وزىندىك توڭكەرىس − پارتيامىزدىڭ تىنىشتىق - بىلىقپالىق، گۇلدەنۋ - قۇلدىراۋ سىندى تاريح پەريودىنان اتتاپ ءوتۋىنىڭ ەكىنشى جاۋابى. ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋ − جاڭا داۋىردەگى پارتيانىڭ وزىندىك توڭكەرىسىنىڭ ماڭىزدى تاجىريبەسى. پارتيانىڭ وزىندىك توڭكەرىسىن ارقاۋ ەتۋدىڭ وي جەلىسى مەن تالابى ايقىن، تەتىگى تياناقتاندىرۋدى شىنايى يگەرۋدە.

ماقالادا مىنالار اتاپ كورسەتىلدى: پارتيانىڭ وزىندىك توڭكەرىسى جونىندەگى تانىمدى ونان ارى تياناقتاندىرۋ كەرەك. قازىر پارتيامىز ارقالاپ وتىرعان جۇڭگو ۇلگىسىندەگى وسىزامانداندىرۋ قۇرىلىسىنىڭ مىندەتى توتەنشە اۋىر، ءدوپ كەلىپ وتىرعان بيلىك جۇرگىزۋ ورتاسى توتەنشە كۇردەلى، وزىندىك توڭكەرىس سىندى ارقاۋدى، ءسوز جوق، اناعۇرلىم شيراتۋ كەرەك. پارتيامىز وزىندىك توڭكەرىس جاساپ، پىشاقتىڭ ءدۇزىن ىشكە قاراتىپ، كىناراتتى الاستاپ، ۋىتتى ايدايدى، بۇل پارتيانىڭ وبرازى مەن بەدەلىنە ىقپال جاسامايدى، قايتا پارتيانىڭ وبرازى مەن بەدەلىن جوعارىلاتادى؛ پارتيالى كادرلاردىڭ بەلسەندىلىگىنە نۇقسان جەتكىزبەيدى، قايتا پارتيالى كادرلاردىڭ بەلسەندىلىگىن اناعۇرلىم كەڭ كولەمدە، اناعۇرلىم تولىق جۇمىلدىرا الادى؛ ەكونوميكالىق، قوعامدىق دامۋعا ىقپال جەتكىزبەيدى، قايتا جوعارى ساپالى دامۋدى پارمەندى ساياسي كەپىلمەن قامدايدى.

ماقالادا مىنالار اتاپ كورسەتىلدى: پارتيالى كادرلاردىڭ پارتيالىلىقتى كۇشەيتۋىن اناعۇرلىم تياناقتاندىرۋ كەرەك. وزىندىك توڭكەرىستى ىلگەرىلەتۋدە، ءسوز جوق، ارقاۋدى بەكەمدەپ، نەگىزدى جەتىلدىرىپ، پارتيالىلىقتى كۇشەيتۋ كەرەك. مۇندا مۇرات - سەنىمدى نىعايتىپ، پارتياعا ادالدىقتى بەكەمدەپ، حالىققا دەگەن سۇيىسپەنشىلىكتى كۇشەيتىپ، ءمورالدىق قاسيەتتى كىرشىكسىزدەندىرىپ، پاك، كىرشىكسىز بولۋ ماڭىزدى ءتۇيىن ەتىلەدى. نازاريامەن قارۋلانۋدى كۇشەيتىپ، كوممۋنيستەردىڭ رۋحاني تالپىنىسىنان جازباۋ كەرەك. جۇڭگو ۇلگىسىندەگى وسىزامانداندىرۋ قۇرىلىسىنىڭ امالياتىنا بەلسەنە ات سالىسىپ، ءىس تىندىرىپ، شارۋاشىلىق قۇرۋ بارىسىندا كۇرەس جاساۋ ءومىرىن شىڭداپ، حالىققا باقىت جاراتۋ بارىسىندا ءمورالدىق ورەنى جوعارىلاتۋ كەرەك. پارتيا ىشىندەگى ساياسي تۇرمىسقا بەلسەنە قاتىناسىپ، پارتيا ۇيىمىنىڭ تاربيەسى مەن ءار جاقتىڭ باقىلاۋىن قابىلداۋعا پەيىل بولۋ كەرەك. ۇنامدى - ۇنامسىز تيپتەرگە سالىستىرىپ ءوزىن - ءوزى تەكسەرىپ، ىشكى جاقتا قۇر قيالعا سالىنباي، سىرتقى جاقتا ۇرىنشاقتىق ىستەمەۋگە كەپىلدىك ەتۋ كەرەك. ادام تاڭداۋدا، ادام ىستەتۋدە پارتيالىلىق پارىقتاۋدى كۇشەيتىپ، كادرلاردىڭ ورەسى مەن ادالدىعىن جانە پاكتىگىن تەكسەرۋگە ءمان بەرۋ كەرەك.

ماقالادا مىنالار اتاپ كورسەتىلدى: ۇقىقتى ارناعا ءتۇسىرىپ جۇرگىزۋدى اناعۇرلىم تياناقتاندىرۋ كەرەك. ”4 ءتۇرلى بۇرىس ستيلدىڭ“ كوبى ەرەكشە ۇقىق يدەياسىنان باستاۋ الادى، شىرىكتەسۋدىڭ كورنەكتى بەينەسى − ۇقىعىنان پايدالانىپ باس پايداعا سالىنۋ. پارتيانىڭ وزىندىك توڭكەرىسى ۇقىقتى جونگە سالۋعا ءمان بەرەدى. ۇزدىكسىز قۇلشىنۋ ارقىلى ۇقىقتى ءتۇزىم قاپاسىنا شىن مانىندە كىرگىزىپ، ”سيىر قوراعا مىسىق قاماۋدان“، ”قاعاز قاپاسقا جولبارىس قاماۋدان“ ءونىمدى ساقتانىپ، ۇقىق ساۋداسى كەڭىستىگىن مۇمكىندىكتىڭ بارىنشا تارايتۋ كەرەك. پارتيالى كادرلار مىنانى قاي - قاشان دا ەستە بەرىك ساقتاۋى كەرەك: ءبىزدىڭ بارلىق بيلىگىمىزدى حالىق بەرگەن، ءسوز جوق، دۇرىس جۇرگىزۋ، حالىققا جاۋاپتى بولۋ كەرەك، پارتيا ىشىندە ەرەكشە ۇقىق يدەياسىنىڭ، ەرەكشە ۇقىق قۇبىلىسىنىڭ ءومىر سۇرۋىنە جول بەرىلمەيدى، مۇددەلەس توپتاردىڭ، ۇقىق توپتارىنىڭ، ەرەكشە ۇقىق جىگىنىڭ جارىققا شىعۋىنا ءتىپتى دە جول بەرىلمەيدى. پارتياعا كىرگەن، كادر بولعان كۇننەن باستاپ حالىقتان، ۇيىمنان، زاڭ - تارتىپتەن يمەنۋ كەرەك.

ماقالادا مىنالار اتاپ كورسەتىلدى: ءتارتىپتىڭ اتقارىلۋىن قاتاڭ باقىلاۋدى اناعۇرلىم تياناقتاندىرۋ كەرەك. ءتارتىپتىڭ اتقارىلۋىن قاتاڭ باقىلاۋ − پارتيانىڭ وزىندىك توڭكەرىسىنىڭ وتكىر قارۋى. تارتىپكە، زاڭعا قايشىلىق جاساۋ ماسەلەسىن، ءسوز جوق، باتىل ءبىر جاقتى ەتۋ كەرەك، قاتاڭ دا وتكىر بولۋ ءتاسىلىن ازايتۋعا استە بولمايدى. قاتاڭ باقىلاۋ جاعىندا، پارتيا ىشىندەگى باقىلاۋ مەن حالىقتىڭ باقىلاۋىن ۇشتاستىرىپ، ءتۇرلى باقىلاۋدىڭ تۇتاسۋىن، سايكەسۋىن ىلگەرىلەتۋ كەرەك. ءتارتىپتى قاتاڭ اتقارۋ جاعىندا، ولشەمدى قاتايتىپ، پارتيا ستيلى، پارتيا ءتارتىبى جونىندەگى قاتاڭ تالاپتى قاتاڭ شاراعا اينالدىرىپ، تەمىردەي قاعيدانىڭ تەمىر تەگەۋرىنىن كورسەتىپ، بۇرىس ستيلدەر مەن شىرىكتەسۋ قۇبىلىستارى بايقالا سالىسىمەن سوققى بەرىپ، قاتاڭ تەكسەرىپ ءبىر جاقتى ەتىپ، بۇكىل پارتياعا سوڭىنا دەيىن قاتاڭ بولۋ، تيتتەي دە جول بەرمەۋ سيگنالىن تاراتىپ، ءونىمدى سەس كورسەتۋ اسەرىن قالىپتاستىرۋ كەرەك.

ماقالادا مىنالار اتاپ كورسەتىلدى: پارتيانى باسقارۋ، پارتيانى جونگە سالۋ جاۋاپكەرشىلىگىن اناعۇرلىم تياناقتاندىرۋ كەرەك. پارتيا قۇرىلىسىن ويداعىداي يگەرۋ− وزىندىك مىندەت، پارتيا قۇرىلىسىن يگەرمەۋ − مىندەتىن وتەمەگەندىك، پارتيا قۇرىلىسىن ويداعىداي يگەرە الماۋ − تولىمسىزدىق. پارتيانى باسقارۋ، پارتيانى جونگە سالۋ جاۋاپكەرشىلىگىندە تۇلعالىق جاۋاپكەرشىلىك، باقىلاۋ جاۋاپكەرشىلىگى، ءبىرىنشى جاۋاپتى ادام جاۋاپكەرشىلىگى، ”ءبىر قىزمەت ورنىندا ەكى جاۋاپكەرشىلىك ارقالاۋ“ سياقتىلار بار، بۇلار كەمەلدى جاۋاپكەرشىلىك تىزبەگىن قالىپتاستىرادى، ءاربىر جاۋاپكەرشىلىك وتە ماڭىزدى، ونى قاتاڭ تياناقتاندىرۋ كەرەك. ءار دارەجەلى باسشى كادرلار پارتيانى باسقارۋ، پارتيانى جونگە سالۋ جاۋاپكەرشىلىگىن باتىل ارقالاپ، ساتىلار بويىنشا قىسىم ءتۇسىرىپ، قاتاڭ اۋقىمدى شىنايى قالىپتاستىرىپ، دۇرىس سالت ورناتۋى كەرەك.

كەلۋ قاينارى: حالىق تورابى