عىلىم – تەحنيكاعا تامىر تارتىپ، زەردەلى جاساۋ ارقىلى دارەجەنى جوعارىلاتتى (كاسىپورىنداردى ارالاپ، ساپالى دامۋعا نازار سالۋ)

109 شارشى ميلليمەترلىك كەڭىستىكتە نە ىستەۋگە بولادى؟

”مىنانىڭ ىشىنە مولشەرمەن 19 ميليارد كريستال لامپا توپتالعان بولىپ، شاشتىڭ ۇستىنە ون مىڭ سارجان بيىك عيمارات سالعانعا ۇقسايدى“. شياۋمي شۋانجيە ءونىمىنىڭ ديرەكتورى چىن ۋىنسۇڭ شياۋمي دەربەس زەرتتەپ جوبالاعان 3 نانومەترلىك باعدارلامالى قول تەلەفون وڭدەۋىش چيپى شۋانجيە O1 دى تانىستىرىپ وسىلاي دەدى.

”15 - بەسجىلدىق“ جوبا ۇسىنىسىندا: ”كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتۋ“، ”كاسىپورىنداردى نەگىزدىك زەرتتەۋگە ۇسىنىلىمدى ارتتىرۋعا شابىتتاندىرىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ ىشكەرىلەي توعىسۋىن جەبەۋ“ ورتاعا قويىلدى.

عىلىم - تەحنيكادا جاڭالىق اشۋ ارقىلى جوعارى ساپالى دامۋعا دەم بەرىپ، العاشقى كەزدەگى ساتۋ ۇلگىسىندە جاڭالىق اشۋدان، كورىنىستە جاڭالىق اشۋدان بۇگىنگى تاڭدا دەربەس جاڭالىق اشۋدى تاباندىلىقپەن ىلگەرىلەتۋگە دەيىن، شياۋمي توبىنىڭ 15 جىلدىق دامۋ جولى كاسىپورىننىڭ بيىككە شىعىپ، جاڭالىققا ۇمتىلعان جاڭالىق اشۋ كۇشىنە كۋا بولدى.

جاڭالىق جاراتۋدى كوزدەدى: دامىپ - جەتىلۋدىڭ نەگىزىن بەكەمدەدى

2024 - جىلى شياۋمي توبىنىڭ زەرتتەۋ - اشۋعا قوسقان قارجىسى 24 ميلليارد يۋاننان استى، الداعى 5 جىلدا زەرتتەۋ - اشۋعا قوسقان قارجىسى مەجەمەن 200 ميلليارد يۋاننان اسپاق؛ زەرتتەۋ - اشۋ قىزمەتكەرلەرىنىڭ جالپى سانى 24 مىڭنان اسىپ، سەرىكتەستىك قىزمەتكەرلەرى جالپى سانىنىڭ %50 ىنە جۋىعىن ۇستايدى...

”جاڭالىق اشۋ كۇشىن توپتادىق، ءبىز تاباندىلىقپەن تومەنگى ساتىداعى تەحنيكاعا قارجى قوسىپ، چيپ، جاساندى زەردە جانە مەڭگەرۋ جۇيەسىن ءتۇيىندى تۇردە قارجى قوساتىن 3 ۇلكەن تەحنيكالىق جارىس جولى ەتىپ بەلگىلەدىك“. شياۋمي توبىنىڭ قۇرۋشىسى، باس جوراسى، قوسىمشا باس اتقارۋشى ءمانساپتىسى لەي جۇن بىلاي دەپ تانىستىردى: سونىمەن بىرگە، مەن تاققان شياۋمي جاساندى زەردە كوزىلدىرىگى دەر كەزىندە ەستەلىك الادى. دىبىستىق بۇيرىقتان پايدالانىپ سۋرەتكە الۋعا، اۋدارۋعا، ينفورماتسيا ىزدەۋگە بولادى، بۇل اقىلدىق كومەكشىنىڭ كوپتەگەن يقۋاتى جاساندى زەردەنىڭ ۇلكەن مودەلىنە سۇيەنەدى.

”جاساندى زەردە مەن فيزيكالىق دۇنيەنىڭ ىشكەرىلەي ۇشتاسۋى ادامداردىڭ تۇرمىسىنا تەرەڭ ىقپال جاسايدى“. شياۋمي جاساندى زەردە تاجىريبەحاناسىنىڭ مەڭگەرۋشىسى ۋاڭ بين بىلاي دەدى: جاساندى زەردە ارقىلى تومەنگى قاباتتاعى ساندى مالىمەتتەردى قوزعالتۋ ارقىلى شياۋمي قول تەلەفون، زەردەلى ءۇي جيھازدارى جانە اۆتوموبيلدىڭ توعىسقان ەكولوگياسىن قالىپتاستىرۋدا.

بەيجيڭ قالاسى حايديان رايونى شياۋمي عىلىم - تەحنيكا باقشاسىنىڭ زەردەلى ءۇي جيھازدارى كورمە زالى جاساندى زەردە ارقىلى ”جاڭبىرلى كۇندەرى تەرەزەنى جابۋ“، ”ۇيىقتار الدىندا تەمپەراتۋرانى رەتتەۋ“ يقۋاتىن ىسكە قوسىپ، تۇتىنۋشىلاردىڭ تەمپەراتۋرا، جارىق، شۋىل جاقتارىنداعى جالپىلىق قاجەتىن ءتۇسىنىپ، ۇزدىكسىز قارىم - قاتىناس جاساۋ بارىسىندا قىزمەت وتەۋدى ۇزدىكسىز ساپالىلاندىرىپ وتىرادى.

تومەنگە تامىر تارتىپ، جاڭالىق اشۋ ءىسى سۇبەلى تابىستارعا قول جەتكىزدى. كاسىپ اشقان 15 جىلدا شياۋمي زەردەلى ءۇي جيھازدارى زات تورابى تەكشەسىنىڭ جالعاۋ جابدىقتارى ءبىر ميلليارد دانادان استى؛ شياۋمي قولفونىنىڭ زات شىعارۋ مولشەرى ءۇرتىس 21 ماۋسىم دۇنيە جۇزىندەگى زەردەلى قول تەلەفون بازارىنىڭ الدىڭعى 3 ورنىندا تۇردى؛ شياۋمي اۆتوموبيلىنىڭ پايدالانۋعا بەرىلۋى 500 مىڭنان استى.

كاسىپورىننىڭ جوعارى ساپالى دامۋى جاڭالىق اشۋدىڭ قۇنارلى ورتاسىنان ايرىلا المايدى. ساندى مالىمەتتە كورسەتىلۋىنشە، 2024 - جىلى ەلىمىزدىڭ تۇتاس قوعامدىق زەرتتەۋ - اشۋ ۇسىنىلىمى 3 تريلليون 600 ميلليارد يۋاننان اسىپ، 2020 - جىلداعىدان %48 ارتىپ، زەرتتەۋ - اشۋ قىزمەتكەرلەرىنىڭ جالپى مولشەرى دۇنيە ءجۇزى بويىنشا ءبىرىنشى ورىندا تۇرعان.

”جاڭالىق اشۋ بولاشاقتىڭ شەشۋشى جەڭىسىنە قول جەتكىزەدى“. لەي جۇن بىلاي دەدى: شياۋمي عىلىم - تەحنيكادا جاڭالىق اشۋ جولىمەن جۇرۋگە تاباندى بولىپ، جاڭاشا وندىرگىش كۇشتەردى جەدەل جەتىلدىرىپ، دامىتىپ، وزىق تەحنيكالاردى ءارقايسى تەرمينالعا قولدانىپ، قالىڭ تۇتىنۋشىلاردىڭ عىلىم - تەحنيكا الا كەلگەن تاماشا تۇرمىستان يگىلىكتەنۋىنە مۇمكىندىك جاسايدى.

زەيىن - زەردەنى زەردەلى جاساۋعا شوعىرلاندىرۋ: عىلىم - تەحنيكادا جاڭالىق اشۋ كاسىپ سالاسىندا جاڭالىق اشۋعا جەتەكشىلىك ەتۋ

بەيجيڭ ي - جۋاڭداعى شياۋمي اۆتوموبيل زاۆودىنىڭ شىڭداۋ سەحىندا زەردەلى جاساۋ ”رەجيسسەرىنىڭ“ جوعارى ءونىمدى ءوندىرىسى جۇرگىزىلۋدە.

700 سەلتسي گرادۋستىق جوعارى تەمپەراتۋرالى سۇيىق كۇيدەگى قورىتپانى قالىپقا قۇيىپ، قىسقا عانا 2 مينۋتتا ءبىر شياۋمي اۆتوموبيلىنىڭ كەيىنگى ەدەندىك قىسىممەن قۇيۋ بولشەكتەرى ءوندىرىلىپ بولدى.

”9100 توننالىق ءبىر تۇلعالانعان ۇلكەن قىسىممەن قۇيۋ جابدىعىنىڭ جۇمىسىندا بولشەكتەردى جاساۋ جۇمىس ءتارتىبى %80، ءوندىرىس جۇمىس ۋاقىتى %45 ازايدى“ دەدى شياۋمي اۆتوموبيل زاۆودىنىڭ باستىعى جي گوۋەي.

عىلىم - تەحنيكا قۋات ۇستەپ، ءوندىرىس ونىمدىلىگىن ارتتىرۋدا، ءونىم ساپاسىن دا جوعارىلاتۋدا.

ۇلكەن قىسىممەن قۇيۋ جابدىعىنداعى 300 دەن استام سەزگى تەمپەراتۋرانى، قىسىمدى دەر كەزىندە باقىلاپ، ەسەپتەۋ ءادىسى ارقىلى پارامەتردىڭ تولقۋىن اۆتوماتتى تولىقتايدى. ءوندىرىس اياقتاعاننان كەيىن تاعى ءبىر ”قورعانىس شەبى“ − X ساۋلەلى اپپاراتپەن تەكسەرۋ جۇرگىزىلەدى، ”قارقىنى جاساندى جولمەن تەكسەرۋدەن نەشە ون ەسە تەز“ دەدى جي گوۋەي.

قازىر شياۋمي اۆتوموبيل، زەردەلى قول تەلەفون، زەردەلى ءۇي جيھازدارى سىندى 3 ءىرى تۇرپاتتى زەردەلى زاۆود قۇردى ءارى شياۋمي پىڭپاي زەردەلى جاساۋ تۇعىرىن قۇرىپ، زاۆودتىڭ سيفرلانۋىن، ينفورماتسيالانۋىن باسقارۋدى جانە زەردەلى ءوندىرىستى جۇزەگە اسىردى.

عىلىم - تەحنيكا قۋات ۇستەپ، قاتار - قاتار قامداۋ تىزبەگى ”تەڭ يگىلىكتەنۋ تىزبەگىنە“ اينالدى. سوڭعى جىلدارى شياۋمي تەحنيكالىق ولشەم، باسقارۋ جۇيەسى سياقتىلاردى شىعارۋ ارقىلى سەلبەستىك سەرىكتەرىنىڭ ءوندىرىس ونىمدىلىگىن، ءونىم ساپاسىن جانە جۇمىس جۇرگىزۋدى باسقارۋ دەڭگەيىن جوعارىلاتۋىنا كومەكتەسىپ، كاسىپ سالاسى تىزبەگىنىڭ ساپاسىن، دارەجەسىن جوعارىلاتۋىنا دەم بەردى.

”شياۋمي پىڭپاي زەردەلى جاساۋ تۇعىرىنا كىرگەننەن كەيىن، ساپا، تاپسىرۋ، ونىمدىلىك مالىمەتتەرى تۇعىردا دەر كەزىندە كورىنەدى“. جياڭسۋ شۋاڭلۋ شاڭليڭ توڭازىتقىش زاۆودى وسى جۇيەنى ەنگىزگەننەن كەيىن باس ديرەكتور جين شين قاتتى قۋاندى، ول: ”ءونىمنىڭ ناشارلىق شاماسى ءونىمدى تىزگىندەلۋمەن بىرگە، ءوندىرىس ونىمدىلىگى دە جوعارىلادى، بيىل وزىندىك قۇندى ۇنەمدەپ، كىرىستى 8 ميلليون يۋاننان استام ارتتىرۋدى مەجەلەپ وتىرمىز“ دەدى.

”ءبىزدىڭ كاسىپ سالاسىن تىزبەگىن، قامداۋ تىزبەگىن عىلىم - تەحنيكا جاعىنان دەمەۋىمىز ءبىر تەحنيكانى سىرتقا شىعارۋمەن عانا شەكتەلمەيدى، قايتا اشىق ەكولوگيا ورناتۋعا تالپىنامىز“. شياۋمي قول تەلەفون زەردەلى زاۆودىنىڭ باستىعى جوۋ ي بىلاي دەدى: قازىر شياۋمي پىڭپاي زەردەلى جاساۋ تۇعىرى 200 دەن استام جاساۋ كاسىپورنىن تۇتاستىرىپ، ءۇي ەلەكتر جابدىقتارى، اۆتوموبيل، ۇساق بولشەك سياقتى سالالاردى قامتىدىق.

ايگىلى ماركا شەتەلگە شىعارىلدى: دۇنيە ءجۇزىن اناعۇرلىم كوپ، اناعۇرلىم جاقسى ”جۇڭگو زەردەلى جاساۋىمەن“ قامدادى

جاپسىرما پلاستينكا، قۇراستىرۋ، تۇتاس ماشينانى سىناۋ... بەيجيڭ قالاسى چاڭپيڭ رايونى شياۋمي قول تەلەفون زەردەلى زاۆودىندا اۆتوماتتاندىرىلعان ءوندىرىس جەلىسى 24 ساعات جۇمىس جۇرگىزىپ، ءار جىلى شامامەن 10 ميلليون جوعارى دەڭگەيدەگى جەتەكشى ورەسىندەگى قول تەلەفون جاساپ، وسى ارادان دۇنيە جۇزىنە بەت الدى.

ءبىر توپ ساندى مالىمەت شياۋميدىڭ شەتەلگە شىعۋ كارتيناسىن سالدى: دۇنيە جۇزىندەگى 57 مەملەكەت پەن رايوننىڭ زەردەلى قول تەلەفونىنىڭ زات شىعارۋ مولشەرىندە الدىڭعى 3 ورىندى يەلەدى، مۇنىڭ ىشىندە لاتىن امەريكاسى مەن ورتا شىعىس بازارىندا 2 - ورىندى، ەۆروپا، شىعىس وڭتۇستىك ازيا جانە افريكا بازارىندا 3 - ورىندى يەلەدى. قازىر شياۋميدىڭ كاسىبى دۇنيە جۇزىندەگى 100 دەن استام مەملەكەت پەن رايوندى قامتىدى.

”ءونىمنىڭ شەتەلگە شىعۋىنان“ ”ماركانىڭ شەتەلگە شىعۋىنا“ دەيىن، شياۋمي شىعىس وڭتۇستىك ازيا ءوڭىرىنىڭ باس ديرەكتورى تاڭ لي بۇل بارىستى تەرەڭ سەزىندى.

”تايلاندتىڭ بانگوگىندا شياۋميدىڭ وڭىرلىك باس شتابىنداعى قىزمەتكەرلەردىڭ كولەمى 10 نەشە ادامنان 500 ادامعا كوبەيدى، شياۋميدىڭ دۇكەنى دە بانگوك قالاسىنىڭ وزەكتى جەرىندەگى ۇلكەن ساۋدا سارايىنا ورنالاستى“. تاڭ لي بىلاي دەدى: شياۋميدىڭ دۇنيە جۇزىنە بەت الۋى ءارى مويىندالۋى عىلىم - تەحنيكادا جاڭالىق اشۋ الا كەلگەن ءونىم قۋاتىنا، سونداي - اق جەلىدەن تىس بولشەك ساتۋ جانە قىزمەت وتەۋ تورابى الا كەلگەن ماركا قۋاتىنا سۇيەندى.

شەتەل تۇتىنۋشىلارىنىڭ جەلىدەن تىس تۇتىنۋ داعدىسىنا ۇيلەسۋ ءۇشىن، شياۋمي بۇكىل دۇنيە ءجۇزى كولەمىندە ”جاڭاشا بولشەك ساتۋدى“ ىلگەرىلەتتى. 2025 - جىلدىڭ الدىڭعى 3 توقسانىندا شياۋميدىڭ شىعىس وڭتۇستىك ازياداعى دۇكەنى 130 دان استى. ”شياۋمي دۇكەندەرىنىڭ كەڭەيۋى جەلىدەن تىسقارى ساتۋ تور تۇيىندەرىن جاي كوبەيتۋمەن بىرگە، جەرگىلىكتى تۇتىنۋشىلاردى شياۋمي ونىمدەرى مەن ’ادام مەن اۆتوكولىكتىڭ تۇتاس ەكولوگياسى‘ جاعدايىن جان - جاقتى سەزىنەتىن كورىنىسپەن قامدادى“ دەدى شياۋمي توبى ءتوراعاسىنىڭ جوعارى دارەجەلى ورىنباسارى، حالىقارالىق ءبولىمىنىڭ ءتوراعاسى زىڭ شۋەجۇڭ.

شياۋميدىڭ شەتەلگە شىعۋى ءوزىنىڭ دامىپ زورايۋىنا ءتيىمدى بولىپ قالماستان، قاتىستى رايوندار مەن سالالارعا دا جاڭا وراي اكەلدى.

ىشكە كوز جىبەرسەك، شياۋمي شەتەلگە شىعىپ، كەسكىنگە الۋ مودەلى، ەكران، باتەريا سياقتى كوپتەگەن جوعارى اعارداعى قامداۋ تىزبەگىنىڭ دامۋىن جانامالاي جەبەدى؛ سىرتقا كوز جىبەرسەك، شياۋميدىڭ بۇكىل دۇنيە جۇزىندە 2000 نان استام شەتەلدىك جالدانبالى قىزمەتكەرى بار، 7 مەملەكەتتە 11 سەلبەستىك زاۆودى بار، جەرگىلىكتى ورىنعا اناعۇرلىم كوپ جۇمىستانۋ ورايى مەن دامۋ ورايىن جاراتتى.

”’جاڭالىق اشۋ‘ مەن ’ساپا‘ شياۋميدى قامتىعان جۇڭگونىڭ كوپتەگەن عىلىم - تەحنيكا كاسىپورىندارى دۇنيە جۇزىنە جاڭاشا اسەر بەرۋدە“ دەدى زىڭ شۋەجۇڭ.

كەلۋ قاينارى: حالىق تورابى